YESAYA 7:2 - KITAB NU TUMPU ALLA LELE MA'IMAI'

² Salatan tomundo' nu aha Yehuda nohongomo taalu' suludadu nu aha Siria ninsoopmo i daerah nu aha Israel anu monsangaja'i ia, ia ka' bansanyo nabuhukmo hondo, sahinga aha ilakatnyomo sumomo kau' anu ginayu'mo nu mombun.

YESAYA 7:2 ပူးပေါင်းရင်းမြစ်များ

2 SAMUEL 7:16

Beleyum saja' mohumpak lee' ka' Ku pojadije na kalajaan nu beleyum sampe toka sidu-sidutu'. Lee' nu beleyum samian sampe toka sidu-sidutu' na mompalentah salaku tomundo'.’ ”

1 TOMU-TOMUNDO' 11:32

Sa'angu' na tulunan nu bansa tataap hi Salomo, kalana monginau' posaihon-Ku i Daud tiba Yerusalem anu pinile'an-Kumo ilipu' nu aha Israel songko-songko ka' binaumo kota'-Ku.

1 TOMU-TOMUNDO' 12:16

Salatan tinoamo nu mian da'isan taalu' i tomundo' madi' ka'oho mohongo aha, aha nolobo'mo, “Bau apaa na mompajuli i Daud tiba sinin na lee'nyo! Aha madi' toho' nombau apa-apaa anu binee'nyo mae hi kita. Mian da'isan Israel, imbo' kita minsusule'mo! Pobakas na i Rehabeam aijo' mosi ulus butongnyo!” Sahingga ninsusule'mo na mian da'isan aha Israel,

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

2 TAWARIKH 25:10

Kalana aijo' i Amazia po'ule'mo nonsai aha ninsusule' na suludadu haha aijo' anu noko lapasmo tinamboan da po'ule'mo, ninsusule'mo i lipu'nyo. Aha ninsusule'mo panyo pinusamo hondo.

2 TAWARIKH 28:12

Aha opat na to mia-mian pande nu aha Israel, aijo'mo i Azarya, anak i Yohanan, i Berekya anak i Mesilemot, i Yehizkia anak i Salum, tiba i Amasa anak i Hadlai, suele madi' situju i apaa na anu binaumo nu suludadu anu ninsusule'mo mae aijo'.

MAZMUR 11:1

Anu mihohung panyanyi. Mazmur i Daud. Aku minsondo' hi Tumpu; madi' kogunanyo na motatae hi belengku, “Posalamat na butong nu beleyum susumo tomonsi' anu lumap mokiita' i bungkutnyo.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

YESAYA 11:13

Kalaja'an Israel madi'mo daagi' mongka'ideki kalaja'an Yehuda, ka' mule' kalaja'an Yehuda madi'mo daagi' monsampobali' Israel.

YESAYA 22:22

Iamo na balakuasa totu-totu'u i alu'nyo nu kakuasa'an nu tomundo' lee' mae i Daud. Iamo na montoongi gunsing nu kalaja'an. De ia na montuhea'akon madi' ko anu moko ala po ule' mompotumban, ka' mule' de ia na mompotumban madi' ko anu moko ala po ule' montuhea'akon.

YESAYA 37:27

Aha to mia-mian anu jojoong ikiijo' mae madi'mo daagi' moko ala batanga' mombau apa-apaa; aha tolokengkengmo ka' mabuhukmo. Aha sumomo hemput i padang kabai hemput anu tumuu' aita' ibuan nu atop anu manggasmo de nupuhimo nu mombun anu lengkat mae i sasu kabete'an anu mapanas.

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

YESAYA 6:13

Pakalaus de daagi' ko anu aha sampulu' na mian lantas samian na daagi' jojoong ilipu' aijo' ia suelemo ahi' opatei. Panyo susumo kau' nunuk de otaa'mo daagi' ahi' ko tu'onyo sumo aijo' mule' daagi' ahi' ko tuha'nyo na bansa aijo' anu saidi' mae pomulaian mian anu susi'mo.”

YESAYA 7:13

Lantas i Nabi Yesaya notataemo, “De sumo itina', potombihing mae lee' i Tomundo Daud! Ma'isa sukup na belemiu monguji' kasabanan nu manusia sahingga belemiu monguji mule' kasabanan nu Tumpu Allah?

YESAYA 7:17

Tumpu mompotokamo mae tomundo' nu aha Asur lantas beleyum ka' belemiu salaigan ka' mule' mian da'isan nu beleyum mongoa'imo sinaa anu talalo hondo manjoo' na kasusa'annyo ka' mule' sansala nulingkudui apaa na anu toho'mo ingoa'an salatanmo pe'e kalaja'an Israel ka' Yehuda nobagi-bagimo.

YESAYA 7:5

Siria nosa'angu'mo tiba Israel tiba tomundo'nyo.

YESAYA 8:12

“Boli monsangka posa'angu'an anu kokoonyo nu sangka'an nu aha posa'angu'an, ka' mule' boli okabuhuk na hahan anu nu kabuhuk nu aha.

YESAYA 9:9

“Laigan to daka-daka' anu batu na binau nohobo'mo, panyo kami po ule'mo mombau laigan toto daka-daka' anu bu'ou anu batu na obau. Kau' ara singkapmo tina'an, panyo obolosimo mami nu kau' cemara i Libanon anu ma'ima' hondo”.

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

MATIUS 2:3

Salatan i Tomundo Herodes nohongomo han aijo', ia tinolokengkeng hondo, sumo aitu mule' iwi-iwi' na mian nu Yerusalem.