YESAYA 7:18 - KITAB NU TUMPU ALLA LELE MA'IMAI'

^18-19 Tempo'nyo aitu Tumpu nolagamo aha mian nu Mesir tiba aha mian nu Asyur lantas ohua' na bansa aijo' tinokamo mae susumo sampahas na lalo tiba uani' mongkampuhi' iwi-iwi na bangka'nyo tiba bungkutnyo anu ma'ampi ka' suele iwi-iwi' na olot nu batu gahanggan. Kuhat anu kohii'nyo ka' tampat anu hemputon nu songkohimo nu aha.

YESAYA 7:18 ပူးပေါင်းရင်းမြစ်များ

MAZMUR 105:31

Kalana pinalentahmo nu Tumpu Allah, lalo singkapmo tinoka ka' iwi-iwi' na momot sinihukmo i songko-songko na lipu'.

MAZMUR 118:12

Susumo uani' aha nongkampuhimo mae aku; kalana kakuasa'an nu Tumpu aha pinatundu'kumo. Ola sinangkinihap aha pinoho'mo susumo apu anu nontoyo'imo kuhat anu ko hi'nyo.

NOSABATMO 8:21

De beleyum madi' mompobee' saba' Ku potokamo mae na lalo hi beleyum, hi to mia-mian anu ko pangkatnyo ka' hi layat. Iwi-iwi' na laigan nu mian Mesir ka' mule' songko-songko na lipu' mobuke'mo nu lalo.

NOSABATMO 8:24

Tumpu nompotokamo mae lalo manjoo' hondo i laigan nu tomundo ka' hi iwi-iwi' na laigan nu to mia-mian anu ko pangkatnyo. Songko-songko na lipu' nu Mesir mongoa'imo hondo sansala kalana lalo haha aijo'.

YESAYA 13:5

Aha tinokamo lengkat mae ilipu' anu toto jo'o-jo'on ipuusnyo nu tano'. Tumpu notambuha'mo sahingga nonggunakonmo aha da monsilakaimo songko-songko na dunia.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 5:26

Tumpu molagamo bansa anu majo'on ka' aha tokamo mae malia-lia'!

YESAYA 7:17

Tumpu mompotokamo mae tomundo' nu aha Asur lantas beleyum ka' belemiu salaigan ka' mule' mian da'isan nu beleyum mongoa'imo sinaa anu talalo hondo manjoo' na kasusa'annyo ka' mule' sansala nulingkudui apaa na anu toho'mo ingoa'an salatanmo pe'e kalaja'an Israel ka' Yehuda nobagi-bagimo.

ZAKHARIA 10:8

Mian anu palesayamo hi beleng-Ku, Kulagamo ka' Ku posihukmo da mosa'angu'mo. Aha Ku pobebasmo ka' mule' Ku ponjoo'mo susumo naipuan mae.

PO'ULE' INGULIT 1:44

Lantas mian nu Amori anu monjongi da'erah nu bungkutnyo aijo no sahabatmo mongewa komiu. Konjo'nyo nu aha daisan hondo, susumo posaanguan nu uani'. Aha nololoi komiu konjoonnyo Horma, lantas nompatunduimo komiu i da'erah bungkut nu Edom.

PO'ULE' INGULIT 28:49

Sa'angu' na bansa anu madi' osumbu' nu belemiu na sisik nu aha nupotokamo mae nu Tumpu lengkat mae i puusnyo nu tano' da mongewa belemiu. Susumo bonyia' nusabutmo nu aha na belemiu.

PO'ULE' INGULIT 7:20

Ka' mule' Tumpu Allah nu belemiu mompotimbali da mabuhuk na aha sahingga to mia-mian anu moko ala mopalai ka' matisuluk suele opoko ala opatei.

YOSUA 24:12

Tempo'nyo belemiu nambamo nontumbuhi aha, pinolingung-Kumo na aha ka' nabuhukmo sahingga ua'aha na tomundo nu Amori haha aijo' nopalaimo nompala'i belemiu. Misa' bajak nu belemiu ka' mule' misa' pana' nu belemiu na nompo'untung belemiu nahampate.