YESAYA 7:14 - KITAB NU TUMPU ALLA LELE MA'IMAI'

¹⁴ Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YESAYA 7:14 ပူးပေါင်းရင်းမြစ်များ

KAJADIAN 16:11

Madi'mo daagi' pin beleyum mohampeakonmo samian na anak mo'ane; sanggohi na ia i Ismael, kalana beleyum i humang i hongomo nu Tumpu.

KAJADIAN 29:32

I Lea pinoboamo lantas nohampeakonmo samian na anak mo'ane. Ia notatae, “Tumpu nontoamo mae kasusa'anku, ka' uuka aiya langkai'ku nongka'ima'imo aku.” Lantas sinanggohannyomo na anaknyo aijo' i Ruben.

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 30:6

I Rahel notataemo, “Tumpu Allah ingadinmo nombee'imo mae anu ku palalui. I hongo-Nyomo mae na do'angku, ka' binee'an-Nyomo mae sa'angu' na anak mo'ane hi belengku”. Lantas sinanggohannyomo na anak aijo' i Dan.

KAJADIAN 30:8

Notatae na i Rahel, “Aku binala usahamo giomo silaka nongewa utusku tu'a, ka' aku inguntungmo,” kalana aijo' sinanggohannyomo na anak aijo' i Naftali.

KAJADIAN 4:25

I Adam ka' bengkele'nyo nohumpak mule' samian na anak mo' ane. Notatae na i Hawa, “Tumpu Allah nombee'imo mae aku anak mo' ane bau pombolosi i Habel, anu pinateanmo i Kain.” Kalana aijo' sinanggohannyomo na anak aijo' i Set.

1 TOMU-TOMUNDO' 13:3

Po'ule' notatae na nabi aijo', “Mezbah aiya saidi' mae ohobo'akonmo, ka' abu'nyo aita' tombulokmo. Aijo'mo na bukuti'nyo aku aiya pinokau mae nu Tumpu.”

MAZMUR 46:8

Tumpu Anu Balakuasa hondo montoa mae kita, Tumpu i Yakub monjagai mae kita.

YESAYA 38:7

Tinaamanmo i Yesaya, “Uuka na tanda anu binee'mo nu Tumpu hi belento Tomundo' aijo'mo Ia mongganapimo palajanjian-Nyo.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

YESAYA 8:8

Nu letabimo nu aha na Yehuda susumo lapangnyo iaba' toka-tokamo igogohong na kotangkasnyo ka' mule' mongomokimo iwi-iwi na apaa.” Tumpu na monsangalui kita! Polipik-Nyo anu bibinokamo nonsalumbungimo lipu'to aiya.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

YEREMIA 31:22

Sampe toka hipian na beleyum saja'mo bata-bata, o bansa anu madi' tulu-tulutan hi beleng-Ku? Aku nompotimbalimo apa-apaa anu sala'je jinadi' idunia aiya, apa-apaa na anu okahelani hondo, ma'isa toho' jinadi boune monjagai mo'ane.”

YEREMIA 44:29

Ku potokamo mae na balaa' hi belemiu itampat aiya bau pompobukuti hi belemiu saba' hukuman anu tinanga'an-Kumo onabu'akon hi belemiu totu-totu'u memang ahi' ototu'uimo.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

LUKAS 1:31

Beleyum poboa ka' mohampeakon samian na anak, ka' tionyo nu sanggohi Yesus.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 2:12

Aiyamo na tandanyo: Komiu mambaje montoa samian na bungamea' anu sinabutan nu hude, ka' pinomale' i uno nu pompakanan domba.”

LUKAS 20:44

Jadi, de i Daud nonsanggo, Tomundo anu Momposalamat aijo' ‘Tumpu,’ mosia na Ia timbali Lee' mae i Daud?”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

ROMA 9:5

Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

TO MIA-MIAN KOPIAN 6:36

Lantas i Gideon notataemo hi Tumpu Allah, “O Tumpu, belento nontaloakonmo tukoonto belento kahanda' mongala aku da mompobebasmo aha mian nu Israel.

1 SAMUEL 1:20

Boune aijo' pinoboamo ka' nohampeakonmo anak mo'ane. Sinanggohannyomo i Samuel, “kalana koonyo pinoitangkumo hi Tumpu.”

1 SAMUEL 4:21

Anak aijo sinanggohannyo, i Ikabod kalana koonyo, “Tumpu Allah Anu Daka' na kuasanyo madi'mo jinojoong hi aha mian Israel” – alati'nyo nu potatae aijo', mongkona Peti' Palajanjian ingagoanmo ka' mule' moniannyo tiba langkai'nyo sinilakamo. Kalana aijo' aha notataemo “Tumpu Allah Anu talasanggo madi'mo jinojoong hi aha mian Israel kalana Peti' Palajanjian nu Tumpu Allah ingagoanmo”.