YESAYA 7:13 - KITAB NU TUMPU ALLA LELE MA'IMAI'

¹³ Lantas i Nabi Yesaya notataemo, “De sumo itina', potombihing mae lee' i Tomundo Daud! Ma'isa sukup na belemiu monguji' kasabanan nu manusia sahingga belemiu monguji mule' kasabanan nu Tumpu Allah?

YESAYA 7:13 ပူးပေါင်းရင်းမြစ်များ

KAJADIAN 30:15

Tinaaman i Lea, “Ma'isa sukup na beleyum nongalamo langkai'ku? Uuka aiya beleyum mompaka soba mule' mongala bombong bau pakuli' anu i humpak nu anakku.”

2 TAWARIKH 21:7

panyo Tumpu madi' mongka'oho' mompatei tomundo lee' mae i Daud, kalana ia nojanji'mo, tukoonyo lee' mae i Daud na tataap sabole-bole mompalentah.

MAZMUR 45:5

Lambanimo ka' babaani da ohumpak na kamajuan montinjohakon kahondoan tiba ka adinan anu pantas salaku manusia; tiba kahosonan nu belento atina' po agomo da untung na mahampate!

YESAYA 1:24

Kalana aijo' Tumpu Anu Daka' na Kuasanyo, Tumpu Israel notatae, “O, mian anu monsampobali' Aku, Ku balosakonmo na idekku hi belemiu sahingga belemiu madi'mo monsusa'i Aku.

YESAYA 22:22

Iamo na balakuasa totu-totu'u i alu'nyo nu kakuasa'an nu tomundo' lee' mae i Daud. Iamo na montoongi gunsing nu kalaja'an. De ia na montuhea'akon madi' ko anu moko ala po ule' mompotumban, ka' mule' de ia na mompotumban madi' ko anu moko ala po ule' montuhea'akon.

YESAYA 25:1

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

YESAYA 43:24

Beleyum madi'mo nongoli kamangian mano-manohong da papu mae hi beleng-Ku, madi'mo mae nompopuas Aku nu lompo' nu koloban anu okolot nu beleyum. Ola mule' ahi nombee'imo mae tanggungan Aku, nu dosa-dosa' nu belemiu, nonsusa'imo mae Aku nu kasala'an-kasala'an nu beleyum.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YESAYA 7:12

Tinaaman i Ahas, “Aku madi' mongka'oho' momoita tanda. Aku madi' mongka'oho' monsobai Tumpu.”

YESAYA 7:2

Salatan tomundo' nu aha Yehuda nohongomo taalu' suludadu nu aha Siria ninsoopmo i daerah nu aha Israel anu monsangaja'i ia, ia ka' bansanyo nabuhukmo hondo, sahinga aha ilakatnyomo sumomo kau' anu ginayu'mo nu mombun.

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEHEZKIEL 16:20

Lapas aijo' sinombahkonmo nu beleyum na to ana-anakto, to momo'ane tiba to bou-boune da bau koloban hi pilogot. Te ma'isa sukup na beleyum madi'mo tinulu-tulutan hi beleng-Ku?

YEHEZKIEL 16:47

Pa' na'osamo na beleyum nombatuki kalakuan nu aha ka' nontiho palabuatan nu aha anu okahegati aijo'? Ma'isa! Madi'mo daagi' pin beleyumo ahi' na anu tala-talalo palaganta nu lingkuduimo nu beleyum na aha.

YEHEZKIEL 34:18

Anu atina' hi belemiu daagi' ko anu madi' ma'osa de ola mompomingkot hemput anu ma'ima' hondo, panyo mule' ahi' mompahampeja'akon hemput anu madi' nu otot nu aha! Aha monginum uee anu molino hondo lantas mongketok da mohibu na uee anu madi' nu inum nu aha!

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

AMOS 3:13

Tumpu Anu Daka' ka' Matangkas na Kuasanyo na notatae, “Opalahatikan uuka aiya, ka' pokinde'i na tulunan i Yakub.

MALEAKHI 2:17

Belemiu nongosaimo Tumpu nu potatae nu belemiu. Panyo pinokilawamo nu belemiu, “Te mosia na kami nongosaimo Tumpu?” Ka' notataemo, “Iwi-iwi' na mian anu nombaumo palabuatan anu ma'idek nu anggap nu Tumpu ma'ima', ka' mule' Ia situju hi aha.” Kabai nompokilawa mule' ahi', “Iya na Tumpu anu o'a-o'anggap adin aijo'?”

NOMBILANGMO 16:13

Ma'isa sanang na beleyum nomboamo mae kami nosabat lengkat i tano' nu Mesir anu molumba' aijo' ka' mompatei kami i padang bolaa aiya? Sabole-bole mule' beleyum mompalentah kami?

NOMBILANGMO 16:9

Pa' otutugi nu belemiu aiya han ise' ugaat Tumpu Allah nu aha mian Israel nompile'imo belemiu atina' hi aha mian Israel da belemiu timbali mongohani Ia, ka' mokalaja i Kemah-Nyo, tiba mule' mokalaja mombau kapalaluan nu aha mian Israel ka' mombau apaa na anu palalu hi aha!

LUKAS 1:69

Ia nombee'imo kita pomposalamat anu baani, lee' i Daud, posaihon-Nyo.

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

IBRANI 3:10

Mokonyo aijo' Aku pinusamo hi aha ka' tinaloakon-Kumo, ‘Aha saja' madi' tulu-tulutan, ka' madi' mongka'oho' montuluti apaa na anu Kupalentahkon.’