YESAYA 7:1 - KITAB NU TUMPU ALLA LELE MA'IMAI'

¹ I Tomundo' Ahas anak mo'ane i Yotam makumpu i Uzia. Tempo'nyo ia nompalentah Yehuda, jinadimo na pahampatean. I Rezin tomundo' nu aha Siria nahangewamo i Pekah anak mo'ane i Remalya tomundo' nu aha Israel tinokamo mae nontumbuhi Yerusalem. Panyo madi' pinoko alanyo na kota' aijo'.

YESAYA 7:1 ပူးပေါင်းရင်းမြစ်များ

2 TOMU-TOMUNDO' 15:25

Sala' samian na suludadu anu matangkas na pangkatnyo aijo' hi ia, aijo'mo i Pekah anak i Remalya, nombaumo kasangaja'an aha 50 na mian anu lengkat mae i Gilead. Lantas i sa'angu' na benteng kiijo' i laigan nu tomundo' i Samaria pinateanmo nu aha na i Pekahya ka' ua'aha na mian sangga'at sanggonyo i Argop tiba i Arye. Lapas aijo' i Pekah tinimbalimo tomundo' nombolosakon i Pekahya.

2 TOMU-TOMUNDO' 15:27

I taun ko limampulu'nyomo ka' ohua' na i Tomundo' Uzia nompalentah Yehuda, i Pekah anak i Remalya tinimbalimo tomundo' nu Israel. Ia nompalentahmo i Samaria 20 na taun na kinopinnyo.

2 TOMU-TOMUNDO' 16:1

I taun ko sampulu'nyomo ka' popitu' na i Tomundo' Pekah anak i Remalya nompalentah Israel, i Ahas anak i Yotam tinimbalimo Tomundo' nu Yehuda.

2 TOMU-TOMUNDO' 16:5

Tempo'nyo aitu i tomundo' Edom po'ule'mo nongkuasai kota' Elat ka' nolaa'mo to mia-mian Yehuda anu jojoong i kiijo'. Jadi tinokamo na mian nu Edom ka' jinojoongmo i kota' aijo' sampe sinaa aiya. Tempo'nyo aijo' suele na i Rezin tomundo' nu Siria ka' i Pekah tomundo' nu Israel nontumbuhi ka' nontikumo Yerusalem, panyo madi' pinoko patundu'na i Ahas.

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

YESAYA 8:6

Ia notatae, “Bansa aiya madi' mongala uee anu madi' masolok na moili lengkat mae ipanga' nu uee Syiloah ka' sanang na aha hi Tomundo' Rezin tiba hi Tomundo' Pekah.

YESAYA 9:11

Bansa Siria anu isasu kabete'an tiba bansa Filistin isasu kinsoban nongkuasaimo Israel. Panyo Tumpu daagi' tataap motambuha' ka' sabole-boleh ahi' mohukum.

YEHEZKIEL 27:16

To pada-padagang lengkat ilipu' Siria nongolimo bala-balang anu nu podagang nu beleyum ka' mule' kakaya'an sangga'at anu manjoo' hondo atina' hi beleyum. Nu bayan nu aha nu batu mainan te batu zamrud, hude momea' mingka mumu', hude anu pinaha suji, hude lenan anu ma'ima' hondo, mainan te batu koral, ka' batu momea' susumo dalima.

HOSEA 1:1

Aiyamo na potuunon anu binee' nu Tumpu hi Hosea anak i Beeri tempo'nyo kalaja'an Yehuda pinalentah i Tomundo i Uzia, i Yotam, i Ahas, ka' i Hizkia, ka' kalaja'an Israel pinalentah i Yerubeam anak i Yoas.

MIKHA 1:1

Pinolengkatan mae i Mikha i sa'angu' na kota' anu ise' sanggonyo Moresyet. Tempo'nyo lipu' nu Yehuda pinalentahmo nobolo-bolosan na Tomundo' aijo'mo i tomundo' Yotam, i Ahas, tiba i Hizkia. I Mikha nohumpakmo potuunon hi Tumpu mongkona Samaria tiba Yerusalem.