YESAYA 66:8 - KITAB NU TUMPU ALLA LELE MA'IMAI'

⁸ Ihe na tohomo nohongo han anu sumo aijo'? Ihe na toho'mo nontoa kajadian anu sumo aijo'? Panyo bansa Israel i hampemo tempo'nyo Sion mulaimo nongoa'i sakit nu mohampe.

YESAYA 66:8 ပူးပေါင်းရင်းမြစ်များ

YESAYA 64:4

Ma'isa toho' kinomian nohongo ka' ma'isa toho' kinomian anu nontoamo samian na tumpu anu nompalentahmo mian anu taha'iman hi ia, olamo ahi' samata-mata belento na nombaumo hi aha anu sumo aijo'.

YEREMIA 18:13

Tumpu notatae, “Soba pokilawa hi toto sa'angu' na bansa pa' toho'mo jinadi' na han anu susumo aiya. Mian nu Israel nombaumo han anu okabuhuk hondo!

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

SISIKON NU TO RASUL-RASUL 21:20

Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

SISIKON NU TO RASUL-RASUL 4:4

Panyo to mia-mian anu nohongomo ajalan nu to rasul-rasul aijo', manjoo'mo na anu pinalesaya. Sahingga konjoo' nu aha nintuangmo sampe tinimbalimo kila-kila olima' na madala na mian.

1 KORINTUS 2:9

Ola ahi' han aijo' sumo anu tinulismo i Kitab nu Tumpu Allah, “Apaa na anu madi' toho' tinoa kabai i hongo nu mian, ka' madi' mule' toho' i lubat i pikilan nu mian, aijo'mo na pinotouka nu Tumpu bau bagi nu to mia-mian anu mongkalibosi Ia.”