YESAYA 66:5 - KITAB NU TUMPU ALLA LELE MA'IMAI'

⁵ Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

YESAYA 66:5 ပူးပေါင်းရင်းမြစ်များ

1 TOMU-TOMUNDO' 21:29

“Tinoaumo nu beleyum mosia na i Ahab tina'alukmo hi beleng-Ku? Kalana aijo' Aku madi'mo daagi' mompotoka mae balaa' de daagi' ia tutuu' minsanje anaknyo atina'je ka' Kupotoka mae na balaa' aijo' hi aha sa'anakan.”

2 TOMU-TOMUNDO' 22:10

Lapas aijo' pinoto'imo i Safan, “I Hilkia nombee'mo mae kitab aiya hi belengku.” Lantas kitab aijo' binasa'mo i Safan da nu hongo i tomundo'.

2 TAWARIKH 34:27

beleyum nompele-pele'mo ka' nagakumo kasala'an i ahopku. Aku nompopobuhukmo Yerusalem tukoongku Ku hukumo na Yerusalem ka' mian anu jojoong i kiijo', panyo salatan beleyum nohongomo anu pinompobuhuku-Ku aijo' beleyum i humangmo ka' nombea-beakmo baju' nu beleyum salaku tanda sinusa'mo na kinyonyoa nu beleyum,

EZRA 9:4

Aku sinainsuhangmo susumo aijo' sampe malom ponsombahkonanmo koloban. Lantas tinokamo na to mia-mian nontikubi aku. Aha nabuhukmo hondo kalana nonginau'mo apaa na anu pinokemakon nu Tumpu Allah Israel mongkona dosa' nu to mia-mian anu ninsusule'mo mae lengkat i pinomboan aha.

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 38:20

To mia-mian anu mongewa mae aku da'isan ka' to hoso-hoson, aha mongka'ideki mae jalan nu kantumuu'anku.

AMSAL 13:13

Mian anu montee pangajalan nu Tumpu monsilakai buntongnyo; panyo mian anu tulu-tulutan hi atulan nu Tumpu Allah saidi mae mohumpakmo tamboonyo.

NYANYIAN ANU TALASANGGO 1:6

Boli montoa butongku mo'itom, kalana aku saja' nu timpa'i nu singit. To utu-utusku tu'a nontambuha'imo aku ka' nompokaumo aku mokalaja i ale' nu anggur; aku madi'mo kokasampatan na mongulus butongku.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 5:19

Belemiu notatae, “Bakasmo da Tumpu anu susi' nu aha Israel mali-lia' mae mombau katantuan! Bakasmo da Nu pojadimo na anu tinanga'an-Nyomo da otoanto ka' mule' osumbu'tomo.”

YESAYA 60:15

Beleyum madi'mo opala'i ka' oka'ideki, ka' madi'mo opojohok da timbali liing hondo. Beleyum Ku pojadimo katalompoan sampe toka sidu-sidutu' bau tampat kalame'an sampe toka sidu-sidutu'.

YESAYA 65:13

Sabenannyo mian anu monsombah Aku na mongkaan ahi' padahan belemiu mo'ohop. Aha monginum, padahan belemiu megot. Aha bilahimo, padahan belemiu ma'ambangmo.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

YEREMIA 36:16

Salatan pinokobasa'nyomo, aha nompaha didinmo samian ka' samian ka' binata-batamo, ka' nompoto'imo i Barukh, “Aiya na tionyo ahi' opoto'i mami hi tomundo'.”

HOSEA 11:10

Tumpu notatae, “Mian-Ku anu palesayamo mombatukimo Aku de Aku molohu'mo susumo singa ka' mompopobuhukmo sampobali' nu aha. Mian-Ku anu palesayamo sampamo mae toka lengkat isasu kabete'an da monsombahmo Aku.

MATIUS 10:22

Iwi-iwi' na mian mongka'ideki komiu, kalana komiu mombatuki Aku. Panyo mian anu batahan toka i mihinyo, oposalamat.

LUKAS 13:17

Potaam i Yesus aijo' nombaumo anu mongka'ideki i Yesus aijo' na'ambangmo hondo; iwi-iwi' na to mia-mian sangga'at, sinanangmo na nontoa iwi-iwi' anu okabangangi anu binaumo i Yesus.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

YOHANES 9:34

Tinaaman nu aha, “Apaa? Beleyum anu nobuke'mo nu dosa' salatanmo pe'e i hampe, beleyumo na mongka'oho' mompogulu' kami?” Sahingga lengkat i aitu ia tinewa'mo minsoop i laigan pogalejaan.

2 TESALONIKA 1:12

Tiba jalan anu sumo aijo' Tumpunto i Yesus opopodaka'mo miu, ka' komiu mule' nupopodaka'mo i Yesus kalana kanonongan nu kinyonyoa nu Tumpunto ka' Tumpu Yesus Kristus.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 YOHANES 3:13

Kalana aijo', to Utu-utusku, boli bangang de to mia-mian nu dunia aiya mongka'ideki komiu.