YESAYA 66:23 - KITAB NU TUMPU ALLA LELE MA'IMAI'

²³ Salatan Bitu'onmo anu sala'je bete' ka' mule' salatan sinaamo nu Sabat iwi-iwi' na manusia tokamo mae monsombah Aku i kota' Yerusalem.

YESAYA 66:23 ပူးပေါင်းရင်းမြစ်များ

YEHEZKIEL 46:1

Tumpu Anu Matangkas na Kuasanyo notatae, “Sabatan daka' sasu kabete'an anu kalambanan mokiijo' ipopasan sasu unonyo tataap otumban kopinnyo anon sinaa tempo' opake mokalaja. Sabatan daka' aijo' ola timbali otuhea'akon de sinaamo nu Sabat tiba de Molame'akonmo Bitu'on Bu'ou.

ZAKHARIA 14:16

Lapas aijo' iwi-iwi' na mian anu daagi' tutuu' aijo' hi aha bansa-bansa anu toho'mo nontumbuhi Yerusalem mambamo i kota' aijo' da monsombahmo Tomundo', aijo'mo Tumpu Anu Daka' na Kuasanyo ka' molame'akonmo Lamean Tahop o, o, atopinu nu Hon nu kau'.

YEHEZKIEL 46:6

Kakona Molame'akonmo Bitu'on Bu'ou anu osombahkon aijo' tionyo ahi' sapi' sa'angu' lakinyo, anom na anak nu domba ka' sa'angu' na domba lakinyo iwi-iwi' aijo' anu madi' kokulangnyo apa-apaa.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”

YOHANES 4:23

Panyo tokaje na tempo'nyo, ka' memang tinokamo kalana Roh-je nu Tumpu na mongkuasai sahingga to mia-mian monsombah Tuuma salaku Tumpu anu totu-totu'u susumo anu nunu kahanda'i nu Tuuma.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

ZAKHARIA 14:14

To momoane nu aha Yehuda mahampatemo monsangaja'i Yerusalem. To bala-balang anu pinahuhuakon nu aha; aha nongalamo iwi-iwi' na halata' nu to bansa-bansa anu mompaha ohani sumo mosoni', salaka ka' mule' pakean manjoo' hondo.

MAZMUR 65:2

Konanyomo na kami mompuji' Belento, anu kiita' i Sion, o, Tumpu, ka' mongganapimo janji' mami hi Belento.

2 TOMU-TOMUNDO' 4:23

“Kadaka' sabole-bole mamba uuka aiya?” na koonyo nu langkai'nyo. “Sinaa aiya misa' sinaa nu Sabat ka' mule' misa' sinaa molame'akon Bitu'on Bu'ou.” “Madi' mongkuka,” na koonyo.

YESAYA 19:21

Tumpu mompotoamo butongnyo hi bansa Mesir, ka' saidi' mae nusumbu'mo nu aha na Ia ka' mule' nu sombahmo nu aha ka' momboamo koloban anu opalasombahkon hi Ia. Aha balajanji'mo hi Ia, ka' basumpa'mo da han aijo' tataap ahi' obau.

YESAYA 19:23

Tempo'nyo aijo' kojalanmo anu daka' lengkat i Mesir mamba i Asyur. Mian anu jojoong i ohua' na lipu' aijo' mambamo ka' mo uuka mae montulu jalan aijo' ka' aha monsombahmo Tumpu hingga-hinggat.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YEHEZKIEL 20:40

Kalana itano' nu Israel anu aita' ibawo nu bungkutnyo anu susi' anu Aku na tumpunyo belemiu iwi-iwi' bansa Israel saidi' mae monsombahmo Aku. Ikiita' mae Aku sanangje hi belemiu ka' timbalimo montalima koloban-koloban nu belemiu, ka' palasombahan-palasombahan nu belemiu anu lebe ma'ima' ka' mule' iwi-iwi' na anu obee' nu belemiu anu memang pinosi po iwi'mo.

YEHEZKIEL 45:17

Ia na halus mongoli potuu'on da bau koloban anu opotunu tiba koloban gandum tiba koloban anggur nu aha iwi-iwi' bansa Israel de tokamo isinaa anu olame'akonmo. Molame'akon Bitu'on Bu'ou sinaa nu Sabat tiba sinaa anu olame'akon sangga'at. Ia tionyo ahi' momposadia koloban bau pongampuni dosa', koloban gandum, koloban anu opotunu, tiba koloban paladamean bau pompoita ka'ampunan nu aha bansa Israel.”

MAZMUR 22:28

Iwi-iwi' na bansa tionyo ahi' monginau' Tumpu ka' po'ule' mae minsusule' hi Ia, iwi-iwi' na tulunan nu bansa tionyo tolodadupu monsombah Ia.

MAZMUR 65:3

Kalana Belento na mombee' mae anu kinakasemo mami i uno nu do'a; iwi-iwi' na mian tinokamo mae hi Belento kalana binaladosa'mo.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

ZAKHARIA 14:18

Ka' de mian nu aha Mesir madi' mongka'oho' molame'akon Lamean Tahop o, o, atopi nu Hon nu kau' saba' aha suelemo ahi' nu kona nu panyakit anu nu potoka mae nu Tumpu hi aha to bansa-bansa anu madi' mongka'oho' mamba monsombah Tumpu.

ZAKHARIA 14:19

Aijo'mo na hukuman anu opokona hi aha Mesir ka' mule' hi iwi-iwi' na bansa anu madi' mongka'oho' molame'akon Lamean Tahop o, o, atopi nu Hon nu kau'.