YESAYA 66:18 - KITAB NU TUMPU ALLA LELE MA'IMAI'

¹⁸ Ku sumbu' na pikilan tiba palabuatan nu aha. Aku toka mae momposihuk to mia-mian anu lengkat mae isongko-songko na bansa. De aha sihukmo aha montoamo kuasang-Ku.

YESAYA 66:18 ပူးပေါင်းရင်းမြစ်များ

MAZMUR 139:2

Belento na monsumbu'mo iwi-iwi' apaa na anu binaungkumo; maumo majo'on na Belento panyo monsumbu' pikilanku.

MAZMUR 67:2

O'amalakon da Tumpu mongkalibosi mae ka' mombalakati kita, o'amalakon da Ia montoa mae kita sanang na kinyonyoa-Nyo.

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 82:8

Tokamo mae o Tumpu, bee'i mae kaputusan na dunia aiya, kalana iwi-iwi' na bansa Belento na Tumpu-Nyo.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

MAZMUR 94:11

Tumpu monsumbu' hondo pikilan nu, nusumbu' iwi-iwi' aijo' madi' ko kaliangannyo.

MAZMUR 97:6

Langit nombebakonmo ka'adilan-Nyo, ka' iwi-iwi' na bansa nontoamo kaholomatan-Nyo.

YESAYA 11:9

I Sion, Puge'nyo nu Tumpu anu Susi', madi' ko anu ma'idek kabai ko anu mongidei. Lipu' kahomo monsumbu' apaa na aijo' Tumpu, pokakanamo susumo uee mompobuke'imo ndalangon.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YESAYA 37:28

Panyo Kusumbu' iwi-iwi' na ka ada'an nu butong nu belemiu. Kusumbu' apaa na anu binaumo nu belemiu ka mule' pa' moya na kalambanan nu belemiu. Ka' mule' Kusumbu' na beleyum pinusamo hondo hi beleng-Ku,

YESAYA 40:5

Sahingga kaholomatan nu Tumpu oponyata'mo; iwi-iwi' na manusia monsakisimo. Totu-totu'u, Tumpu binalajanji'mo!”

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YESAYA 55:8

Tumpu notatae, “Pikilan-Ku misa' sumo pikilan nu belemiu ka' jalan-Ku misa' sumo jalan nu belemiu.

YESAYA 56:8

Sumo uukamo na potatae nu Tumpu Anu Matangkas na Kuasanyo anu nolaya'mo Israel ninsusule' mae lengkat i tampat pinompojongan aha, “Aku momboamo aha to mia-mian sangga'at da mogalumo hi aha anu sinuhukmo mae.”

YESAYA 57:12

Panyo Ku poto'i hi belemiu; kapalesaya'an nu beleyum atina' madi' totu'u, ka' sinin na palabuatan nu belemiu madi' kogunanyo hi belemiu.

YESAYA 59:7

Belemiu saja' balatanga' mombau anu ma'idek ka' gagalan sampa obau. Madi' bata-bata na belemiu mompatei mian anu madi' ko sala'nyo. Mau moya na belemiu mamba, belemiu mompala'i anu singkapmo ma'idek tiba kasilaka'an.

YESAYA 65:2

Aku saja' tataap sadia molabot miana nu palesayamo hi beleng-Ku, aha mongka'ima'i saja' panggaga. Bansa aijo' mombau palabuatan anu ma'idek ka' mombatuki posi tanga'an nu aha.

YESAYA 66:10

Balame-lame'mo tiba Yerusalem, o mian iwi-iwi' anu mongka'milui ia. Komiu anu sinusa'mo kalana ia, uuka aiya timbalimo balame-lame'.

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 3:17

Tempo'nyo aijo' kota' Yerusalem osanggohimo ‘Kajojoongan nu Tumpu'’, ka' iwi-iwi' na bansa sihukmo ikota' aijo' monsombah Aku. Aha madi'mo daagi' montuluti pongka'oho' nu kinyonyoa nu aha anu panggaga ka' ma'idek aijo'.

YEHEZKIEL 38:10

Tumpu Anu Matangkas na Kuasanyo notataemo hi Gog, “Toka itempo'nyo aijo' beleyum batanga'mo mombau palabuatan anu ma'idek.

YEHEZKIEL 39:21

Tumpu notatae, “Ku potoamo na kakuasa'an-Ku hi aha bansa-bansa. Nu toaje nu aha pa' mosia na Aku monggunakon kuasang-Ku monsidahi kaputusan-kaputusan-Ku anu adin.

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

AMOS 5:12

Sinumbu'kumo, talalo ahi' manjoo' na palabuatan nu belemiu anu ma'idek ka' talalo ahi' manjoo' na dosa' nu belemiu. Belemiu mongkabisa'i mian anu Tobas; belemiu montalima ponsogok ka' mompojohok mian anu kasiasi da obau madi' adin i pomputusian palakala.

ZAKHARIA 14:16

Lapas aijo' iwi-iwi' na mian anu daagi' tutuu' aijo' hi aha bansa-bansa anu toho'mo nontumbuhi Yerusalem mambamo i kota' aijo' da monsombahmo Tomundo', aijo'mo Tumpu Anu Daka' na Kuasanyo ka' molame'akonmo Lamean Tahop o, o, atopinu nu Hon nu kau'.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MATIUS 12:25

I Yesus monsumbu' pikilan nu to mia-mian Farisi aijo'. Jadi Ia notatae hi aha, “De sa'angu' na negara mobagi-bagi, ka' bagi-bagian aijo' mompaha idek, negara aijo' madi' pin na tuminjo. Ka' sa'angu' na kota kabai moto utus mobagi-bagi ka' mompaha ka'ika'ideki samian ka' sangga'at, saba' timbali hansun.

MATIUS 9:4

Sinumbu' i Yesus na pikilan nu aha, jadi Ia notatae, “Kadaka' na pikilan miu kino ideknyo sumo itina'?

LUKAS 5:22

Nusumbu' i Yesus apaa na anu pinokilawa nu aha. Jadi Ia notatae, “Ka' kadaka' komiu mompokilawa sumo aitu i uno nu kinyonyoa miu?

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

YOHANES 5:42

Kusumbu' na komiu. Kusumbu' na komiu madi' mongkalibosi Tumpu i uno nu kinyonyoaum.

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

1 KORINTUS 3:20

Daagi' mule' ko anu tinulis sumo uuka, “Nusumbu' nu Tumpu na pikilan nu to mia-mian pande, te pikilan anu madi' kokaliangannyo.”

PO'ULE' INGULIT 31:21

ka' manjoo'mo na balaa' anu okabuhuk montokaimo aha. Panyo nyanyian aiya saja' onyanyiakon ka' opake salaku bau pomponyata' hi aha. Ka' mule' uuka aiya ma'isa pe'e binoang-Ku namba i lipu' anu jinanji'-Kumo, pikilan nu aha sinumbu'-Kumo.”

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.

ANU PINOTO'I HI YOHANES 2:2

Ku sumbu' apaa na anu binaumo miu: Belemiu mokalaja makeke ka' sabaan hondo na belemiu. Ku sumbu' saba' belemiu madi' sanang na kinyonyoa hi mian anu ma'idek. Ka' hi to mia-mian anu mongakui butongnyo rasul padahan misa', inguji'mo miu, ka' i humpakmo miu taalu' aha baleko'.

ANU PINOTO'I HI YOHANES 2:9

Ku sumbu' na kasusa'an-kasusa'an miu; Ku sumbu' na komiu kasiasi panyo anu sahondo-hondonyo ahi' komiu kaya! Ku sumbu' na to pita-pitana' anu pompitana'i komiu nu to mia-mian anu mongakui butongnyo mian nu Yahudi, padahan misa'; aha atina'mo na mian nu Ibilis!