YESAYA 66:16 - KITAB NU TUMPU ALLA LELE MA'IMAI'

¹⁶ Kalana iwi-iwi' na mian anu kosala'nyo nuhukumo nu apu tiba bajak, ka' manjoo'mo na anu i hukum mate.

YESAYA 66:16 ပူးပေါင်းရင်းမြစ်များ

YESAYA 30:30

Tumpu saidi' mae mompohongomo potatae-Nyo anu daka' hondo ka' toto samian molasaimo kuasa-Nyo anu opalias hondo. Tambuha'-Nyo saidi' mae mompotokamo mae ujan anu daka' hondo, ujan batu tiba antong anu makansang hondo.

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

YESAYA 3:13

Tumpu sinadiamo da po ule'mo obali'i nakaputusan hi aha mian anu palesayamo hi Ia.

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

YESAYA 31:8

Asyur saidi' mae osilakaimo i uno nu pahampatean, panyo misa' kalana samata-mata kahosonan nu manusia. Aha mian nu Asyur sadi' mae mopalaimo mompala'i pahampatean ka' to oli-olitau nu aha opotimbalimo posa-posaihon.

YESAYA 65:12

Belemiu iwi-iwi' silakamo salakumo koloban kalana panggaga. Kalana, salatan Aku nolagamo, belemiu madi' nontaami, ka' salatan Aku notatae, belemiu madi' mompotombihing. Belemiu lebe mongka'ima'i monggagakon Aku ka' mombau anu ma'idek.

YEREMIA 25:31

Toka-toka ipuus nu tano' na loung nu potatae-Nyo; Tumpu nahampalakalamo tiba to bansa-bansa. Iwi-iwi' na mian oputusimo na palakalanyo ka' anu ma'idek na palabuatannyo obee'imo hukuman mate.’ ”

YEREMIA 25:33

Toka isinaa aijo' bangke' nu to mia-mian anu pinateanmo nu Tumpu motanatamo isongko-songko na dunia. Aha madi'mo ohangi ka' mule' madi'mo o ato da olamun, panyo olamo ahi' opojohok itano' susumo tambulan nu duhehe.

YEREMIA 45:5

Kadaka' beleyum mongindimo da opopodaka'? Boli sumo aijo', Barukh! Iwi-iwi' na manusia Ku hukumo nu balaa', panyo beleyum na maumo ahi' pa' mosiamo tionyo ahi' opotumuu'. Maumo ahi' pa' moya na kalambanan nu beleyum, beleyum na tataap ahi' tumuu'. Aku, Tumpu notataemo.”

YEREMIA 46:15

Kadaka' i Apis pilogot nu belemiu anu mahoson hondo aijo' nopalaimo? Kalana pinatundu'mo nu Tumpu na ia!’

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

YEHEZKIEL 38:17

Te misa' mongkona ahi' beleyum na Aku naipuan mae notataemo pinoto'ing-Ku hi to posa-posaihon-Ku aha to nabi-nabi Israel? Aha nongkila-kilamo apaa na anu jadi imihinyo mae, koonyo nu aha aiya mae i ahop Ku saimo na samian da montumbuhi Israel. Aku, Tumpu Anu Matangkas na Kuasanyo notataemo.”

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

AMOS 7:4

Aku nontoa mule' lengkat mae hi Tumpu Anu Matangkas na Kuasanyo. Tinoangku Ia hau-haunyo mosadiamo da mohukumo nu apu mian anu palesayamo hi Ia. Apu aijo' nolele nontisimo ndalangon i dunia aiya ka' lewa'mo nontoyo'i ale'.

NAHUM 3:3

Tompukan nu suludadu anu nonsake'i ajahan binaanimo hondo na nontumbuhi, bajak jinoliotanmo ka' talombo' jinongkilabanmo. Mian anu sinilakamo madi'mo pinoko bilang na bangke' nu mian anu sika-sika tambun. Sahingga mian anu lumajang tosumpunmo.

NAHUM 3:15

Maumo pa'apaa na anu nu bau ola palasuma kalana beleyum totu-totu'u mohopu'mo mopapu kabai silaka i uno nu pahampatean. Beleyum mohopu'mo susumo hasin nu ale' anu nu kaanmo nu kihi-kihi'. Beleyum mompaka panjoo'mo susumo kihi-kihi'!

ZAKHARIA 14:5

Belemiu mopalaije mamba motulu i bangka'nyo anu nobagimo ohua' na puge'nyo titinimbalimo ohua'. Belemiu mopalaije susumo mompolee' nu belemiu kikinolulu'mo tempo'nyo kapalentahan i Uzia, tomundo' nu Yehuda. Lantas tokamo na Tumpungku nutuntuni mae nu malaekat iwi-iwi'.

YESAYA 34:2

Tumpu nontambuha'imo iwi-iwi' na bansa ka' mule' hi iwi-iwi' na gombuan nu suludadu nu aha. Ia mohukumo ka' mule' monsilakaimo aha.

YEHEZKIEL 28:18

Tumpu notatae, “O Tirus, beleyum nohumimi'imo iwi-iwi na tampat ponsomban mae nu beleyum kalana iwi-iwi na kasala'an ka' madi' adinan tempo'nyo binadagang. Kalana aijo' Ku papuaimo na beleyum sahingga jadimo mahata susumo tano'. Iwi-iwi' mian anu montoa beleyum memo montoa abu'.