YESAYA 66:1 - KITAB NU TUMPU ALLA LELE MA'IMAI'

¹ Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YESAYA 66:1 ပူးပေါင်းရင်းမြစ်များ

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

1 TAWARIKH 28:2

I Daud tinuminjomo i ahop nu aha ka' notatae, To utu-utusku sangko bansangku, potombihing mae! Pininmo na aku kino kahanda' mombau sa'angu' na laigan anu mahoson hondo da bau pompo'una'an Peti' Palajanjian nu Tumpu, da bau panintinjoan nu Tumpu Allah-nto. Aku nompotoukamo anu obau sa'angu' na laigan tampat ponsomban Ia.

2 TAWARIKH 2:5

Aku mongkahanda'i da Laigan nu Tumpu anu ku bau aijo' timbali sa'angu' na laigan anu talasanggo, kalana Tumpu Allah mami lebe talasanggo molingkudui pilogot maumo pa' iyaya mae.

2 TAWARIKH 6:18

Panyo, o Tumpu Allah, pa' totu-totu'u ahi' na belento sanang na jojoong i dunia aiya hi kami manusia? Langit iwi-iwi' ma di' sukup na ko ewanyo bau kajojoongan nu Belento, ka' aiyaje laigan anu kuba-kubau aiya ponsomban belento tantu lebe madi' sukup!

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 132:7

Imbo' da kita mamba i kajojoongan nu Tumpu, ka' monsombah Ia i ahop nu kasuhangan-Nyo.

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 60:13

Katalasanggoan nu alas Libanon oboamo hi belemiu kau' berangan, kau' lonlio' ka' kau' eru oboamo Da bau pompo ima' Laigan-Ku, ka' ma'ima'an nu tampat katinjoan-Ku.

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MATIUS 12:6

Opalahatikan apaa na Kutaloakon aiya: i aiya daagi' ko anu lebe daka' molingkudui Laigan nu Tumpu.

MATIUS 24:2

I Yesus notatae hi aha, “Tinoamo miu iwi-iwi' aijo'? Da osumbu'mo, madi' ko sa'angu' pe'e na batu nu laigan aijo' na tasusun i tampatnyo, iwi-iwi' o hobo'akon.”

SISIKON NU TO RASUL-RASUL 17:24

Tumpu anu nompotimbali dunia aiya tiba isinyo iwi-iwi', aijo'mo na tumpu nu langit ka' tano'. Ia madi' jojoong i uno nu to lai-laigan nu pilogot anu nubau nu mian.