YESAYA 61:8 - KITAB NU TUMPU ALLA LELE MA'IMAI'

⁸ Tumpu notatae, “Aku mongka'ima'i ka'adilan ka' mongka'ideki anu saja' monsansala' tiba palabuatan ma'idek. Ku bee'je na pontamboi beleyum anu madi' sala-sala', ka' mojanji' tiba belemiu sampe toka sidu-sidutu'.

YESAYA 61:8 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

2 SAMUEL 23:5

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.

MAZMUR 105:10

lantas pinotatap hi Yakub da timbali bau palajanjian toka sidu-sidutu hi mian nu Israel.

MAZMUR 11:7

Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.

MAZMUR 32:8

Tumpu notatae, “Ku potiju'je na jalan anu tionyo ahi' nu jalani beleyum Ku taka'je ka' Ku pokinde'ije.

MAZMUR 33:5

Ia mongka'ima'i palabuatan anu madi' tageo' tiba ka adinan; songko-songko na dunia nobuke'mo nu kalibosan-Nyo.

MAZMUR 37:28

Kalana Tumpu na mongka'ima'i ahi' palabuatan anu ma'ima' ka' adin, mian anu tulu-tulutan hi Ia madi' ola Nu pojohok tumuu' susa'. Ia monjagai aha sampe toka sidu-sidutu', panyo lee' nu mian anu ma'idek na kinyonyoanyo na opateimo ahi'.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

MAZMUR 50:5

Ia notatae, “Posihukakon iwi-iwi' na mian anu palesayamo hi Beleng-Ku, anu nombaumo palajanjian tiba Aku ka' pinohosonmo nu koloban anu kinolotmo.”

MAZMUR 62:10

Manusia ola susumo monguusakon napas, tu'anyomo kabai daagi' anak bubuu' madi' ko angga'nyo. De otimbang, aha laing hondo, nulingkudui na kolaingnyo nu napas anu ouusakon.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

AMSAL 3:6

O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'.

AMSAL 8:20

Aku mombatuki jalan anu adin, aku malalangkas i jalan anu madi' tageo' na kinyonyoa.

YESAYA 28:17

Kaadilan Ku pojadimo kahohon bau pongukuli, ka' kajujunan Ku pojadimo kahohon bau ponsupati.” Ujan batu na mombelesi'imo iwi-iwi' na kabaleko'an anu ota-otaha'imani nu belemiu. Iaba' na monganjuhakon tampat anu lewa' paninsulukan nu belemiu.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 5:16

Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

YESAYA 54:10

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YESAYA 56:1

Tumpu notatae hi mian anu palesayamo hi Ia, “Baumo apaa na anu adin ka' anu situju hi atulan-Ku. Kalana madi'mo daagi' pin Aku tokamo mae momposalamat belemiu ka' ka'adinan-Ku oponyata'mo.

YESAYA 66:22

Susumo langit anu salaje binau tiba tano' anu salaje binau satataapnyo madi' ko kamingkotannyo kalana kuasang-Ku, sumo aijo' mule' na lee' nu beleyum tiba sanggo nu beleyum satataapnyo madi' ko kamingkotannyo.

YEREMIA 32:40

Aku mombaumo palajanjian anu sampe toka sidu-sidutu' hi aha. Aku madi' toho' belenti na mombau palabuatan ma'ima' hi aha. Ku pojadimo na aha da mabuhuk ka' moholomati mae Aku nu kinyonyoa anu totu-totu'u ahi' da aha madi'mo matikojo'on hi Belengku.

YEREMIA 9:24

Ihe na mongka'oho buulonmo kalana apa-apaa, anu ahi' obuulakon aijo'mo ia monsumbu' ka' mompangalati'i Aku; tukoonyo ia monsumbu' taalu' Aku mongkalibosi sampe toka sidu-sidutu' ka' Akumo ahi' na nompodaagi' atulan tiba ka adilan idunia aiya. Iwi-iwi' aijo' momposanang mae kinyonyoang-Ku. Aku, Tumpu, na nompoto'imo aijo'.”

YEHEZKIEL 16:60

Panyo Aku na monginau' ahi' palajanjian anu binaung-Kumo tiba beleyum daagi' pe'e beleyum langkoyang ka' nombaumo palajajian tiba beleyum anu opake sampe toka sidu-sidutu'.

YEHEZKIEL 34:25

Aku mombaumo palajanjian tiba aha anu timbali otaha'imani monjagai aha. Ku laa'mo na binatang iwi-iwi' anu mahangas isongko-songko na lipu', sahingga to domba-dombang-Ku jojoongmo sanang i iwi-iwi na padang ka' lumukutmo i iwi-iwi na alas.

MALEAKHI 1:13

Belemiu notatae, ‘Na osamo na kita nu han aijo' iwi-iwi'’, ka' mule' belemiu madi'mo nompajuli Aku. Belemiu nomboamo mae binatang anu tinomang, binatang anu pengko' madi'mo moko ala lumajang kabai anu masakit aijo'mo na sinombahkon mae hi beleng-Ku. Ugaat koonyo nu belemiu Ku ala na palasombahan nu belemiu aijo'?

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

2 TESALONIKA 3:5

O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.