YESAYA 61:3 - KITAB NU TUMPU ALLA LELE MA'IMAI'

³ da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YESAYA 61:3 ပူးပေါင်းရင်းမြစ်များ

ESTER 8:15

Lapas aijo' i Mordekhai nompala'imo laigan nu tomundo puso-pusok na baju' pesalin buhitnyo mobilu' ka' mopute', jubah mingkamumu' hude lenan ma'ima' hondo ka' songko' mosoni' nu kalaja'an anu ma'ima' hondo. Kota Susan nontaligalaimo kalana ilame'mo.

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

MAZMUR 104:15

ka' mohumpakmo bua'nyo nu anggur anu o'inum ka' momposanangmo. Ka' suele lanya' nu zaitun anu mompotimbali ohupnyo mabuliniasmo, ka' kaanon anu mompohosonmo butongnyo.

MAZMUR 149:4

Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

MAZMUR 23:5

Belentomo na nompotoukai bau-bauon hi belengku i ahop nu mian anu mongewa mae aku. Belentomo na nolalabot mae aku susumo mian anu o'adati. Belentomo na nompo'inumi mae aku nu inumon anu ma'ima' hondo ka' nolabi-labimo.

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

MAZMUR 30:12

Haangku pinojadimo nu Belento tarian anu lame' Ingalamo nu Belento na kasusa'an nu kinyonyoangku ka' pinobuke'anmo nu Belento na aku nu kalame'an.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

ANU MOMPOLELE POTATAE NU TUMPU 9:8

Lebe ma'ima ohup nu beleyum balasahaya ka' lame' na otoa.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 26:2

Tuhea'akon na tumban nu sabatan toto daka-daka', da minsoopmo na bansa anu tulu-tulutan, bansa anu nombaumo apaa na nu kahanda'i nu Tumpu-nyo.

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

YESAYA 46:13

Ku polia'mo mae na katokaan nu sinaa anu baumo pompo bebasan, kasalamatan anu Kubee' madi'mo daagi' otunda. Ku posalamatmo na Yerusalem ka' mombee'imo kaholomatan hi Israel.”

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YEREMIA 31:13

Toka itempo'nyo aijo' to lalangkoyang monsaleleimo ka' lame'mo na kinyonyoa. To tu'a-tu'anyo tiba to oli-olitau bubu'mo mongoa'i sanang na kantumuu'an, kalana Aku mohase'mo aha. Kasusa'an i uno nu kinyonyoa nu aha Ku bali'imo jadimo kalame'an kalibosan nu kinyonyoa Ku bali'imo jadimo sanang na kantumuu'an.

YEHEZKIEL 34:29

Ku pojadimo molumba' na ale' iwi-iwi' nu aha, sahingga madi'mo daagi' ko tempo' kasusa'an i anu okaan, ilipu' aijo'. Aha madi'mo daagi' lewa' o, alu nu to bansa-bansa sangga'at.

YEHEZKIEL 47:7

ka' tinoangkumo taalu' poti-potimbiha' na sonibi nu kaunyo aijo' manjoo' hondo na kau'.

ZAKHARIA 3:5

Ia mule' nompalentahmo to pomba-pombantunyo da oposongko'i singgan anu belesi' hi ubak i Yosua. Aha nontulutimo ka' lapas aijo' pinopusokanmo nu aha mule' baju' anu bu'ou hi ia hau-haunyo aijo' nu jagai nu malaekat nu Tumpu.

MATIUS 15:13

I Yesus nontaami, “Batu-batu pomulaon anu madi' sinu'an nu Tuumang-Ku i suluga' o bubutakon.

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

LUKAS 15:22

Panyo papanyo nolaga to poka-pokauhonnyo ka' notatae, ‘Lia-lia'! Alamae na baju' anu talalo ma'ima' ka' popusok hi ia. Posolutakon na sinsing i kangkamnyo, ka' sapatu i tengkenyo.

YOHANES 15:8

De komiu mimbua' manjoo', Tuumang-Ku opopodaka'; ka' desumo aitu komiu totu-totu'u timbali anu saja' mombatuki Aku.

YOHANES 16:20

Palesayamo, komiu humaangje ka' montando'i, panyo dunia ola lame'. Komiu susa' na kinyonyoa, panyo kasusa'anum aijo' timbalije kalame'an.

1 KORINTUS 3:9

Kami to mia-mian anu hingga-hinggat mombau kalaja anu nu Tumpu; ka' komiu aijo' sumomo ale' nu Tumpu. To Utu-utus suele sumo gudang nu Tumpu.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

2 TESALONIKA 1:10

iwi-iwi' aijo' timbalimo de sinaa katokaannyomo da Ia opopodaka'mo nu mian-Nyo anu palesayamo, ka' o'angga'imo nu iwi-iwi' mian anu pinale sayamo. Komiu suele pinonsoopmo i kiijo' hi mian anu palesayamo hi Tumpu aijo', kalana komiu pinalesayamo i lele anu pinotokamo mami hi komiu.

IBRANI 1:9

Belento mongka'ima'i ka'adilan ka' mongka'ideki anu tageo; mokonyo aijo' Tumpu, Tumpu nu Belento, nompile'imo Belento ka' nombee'imo Belento da o'adati anu mompodaagi' kabilahian, molingkudui to sanga-sangalu nu Belento.”

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 PETRUS 4:14

Komiu mohumpakmo dale' de komiu o jojoa, kalana komiu anu saja' mombatuki i Kristus. Aijo' alati'nyo Roh anu opopodaka', aijo'mo Roh nu Tumpu anu daagi'mo itina' hi belemiu.