YESAYA 61:2 - KITAB NU TUMPU ALLA LELE MA'IMAI'

² Ia nonsaimo aku da mompolele saba' tokamo na tempo'nyo Tumpu momposalamatmo; da mohase'mo iwi-iwi' na mian anu sinusa'mo ka' mombalosakon mo sampobali' nu aha;

YESAYA 61:2 ပူးပေါင်းရင်းမြစ်များ

YESAYA 1:24

Kalana aijo' Tumpu Anu Daka' na Kuasanyo, Tumpu Israel notatae, “O, mian anu monsampobali' Aku, Ku balosakonmo na idekku hi belemiu sahingga belemiu madi'mo monsusa'i Aku.

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 34:2

Tumpu nontambuha'imo iwi-iwi' na bansa ka' mule' hi iwi-iwi' na gombuan nu suludadu nu aha. Ia mohukumo ka' mule' monsilakaimo aha.

YESAYA 34:8

Aijo'mo na tempo'nyo nu tinjohimo nu Tumpu na Sion ka' mombalosakonmo idek nu kinyonyoa-Nyo hi aha anu monsampobali' mae.

YESAYA 35:4

Poto'imo hi mian anu mongoa'i madi' ko angga'nyo, “Pohoson na kinyonyoa nu belemiu, boli mabuhuk, Tumpu nu belemiu tokamo mae kalana mohukumo sampobali', Ia tokamo mae momposalamat belemiu.”

YESAYA 40:1

Sumo uuka potatae nu Tumpu nu belemiu, “Hase'mo-hase'mo na bansang-Ku!

YESAYA 49:8

Tumpu notataemo hi mian anu palesayamo hi Ia, “De Aku situjumo, Aku montaamimo; de tokamo isinaanyo nu Aku momposalamatmo, Aku montulungimo belemiu. Belemiu Ku lindungimo ka' Kujagaimo, ka' Ku potimbalimo palajanjian hi to bansa-bansa. Po ule'mo Ku bau na lipu' anu iliingmo hondo timbalimo tano' pusaka' anu ojojoongimo.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 57:18

Tinoang-Kumo na kalakuan nu aha, panyo aha Ku bee'i kahosonan. Ku jagaije ka' ku tulungi na aha ka' mohase' mian anu molibosmo na kinyonyoa.

YESAYA 58:5

De belemiu puasa, belemiu monsakisa butong nu belemiu; belemiu mompoduku ubak nu belemiu susumo hon nu hemput. Belemiu mompolatas kalung ka' okakambuhi nu abu', ka' male'mo aijo'. Aijo'mo na osanggohi nu belemiu puasa'? Osangka nu belemiu Aku sanang i palabuatan nu belemiu aijo'?

YESAYA 60:10

Tumpu notatae hi Yerusalem, “Mian anu lengkat mae i salipu'an po'ule'je mombau pagan mesen nu beleyum ka' to tomu-tomundo' mombee'ije anu opalalui nu beleyum. Naipuan mae Aku nohukumo beleyum kalana Aku notambuha'mo panyo uuka aiya Aku sanangmo na mongkalibosi beleyum.

YESAYA 66:14

Nontoa aijo', belemiu lame'je, ka' tinimbalimo mahoson ka' bikas susumo hemput anu montampu'unije tumuu'. Sahingga to posa-posaihon-Ku mongoa'ije kakuasa'an-Ku o-sampobali'-Ku mongoa'ije tambuha'-Ku.”

YEREMIA 31:13

Toka itempo'nyo aijo' to lalangkoyang monsaleleimo ka' lame'mo na kinyonyoa. To tu'a-tu'anyo tiba to oli-olitau bubu'mo mongoa'i sanang na kantumuu'an, kalana Aku mohase'mo aha. Kasusa'an i uno nu kinyonyoa nu aha Ku bali'imo jadimo kalame'an kalibosan nu kinyonyoa Ku bali'imo jadimo sanang na kantumuu'an.

YEREMIA 46:10

Panyo aku, i Yeremia mompoto'i saba' aiyamo na sinaa nu Tumpu Allah Anu Matangkas na Kuasanyo ka' Mahakuasa; toka isinaa aijo' Ia mombalosakonmo hi aha iwi-iwi' na sampobali'-Nyo. Bajak-Nyo mongkaanmo aha sampe mobosu, ka' monginumo baso' nu aha sampe ma'osa. Sinaa uuka Tumpu Anu Mahakuasa, mongkolot iwi-iwi' na koloban-Nyo isasu utara, isonibi nu Kaunyo Efrat aijo'.

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

LUKAS 4:19

ka' mompolele tempo' katokaan nu Tumpu momposalamat mian anu palesayamo hi Ia.”

LUKAS 6:21

Bila-bilahi na komiu anu mo'ohop uuka aiya; komiu opobosuje! Bila-bilahi na komiu anu humaang uuka aiya; komiu kumojoje!

2 KORINTUS 6:2

I uno nu Kitab nu Tumpu, Tumpu notataemo, “I tempo' anu kinaima'an-Kumo, Aku nohongomo beleyum, ka' i sinaa kasalamatan, Aku nontulungimo beleyum.” Tutugi ima-ima', uukamo aiya na tempo' anu Ku ka'ima'i aijo'. Uukamo aiya na sinaanyo bau pomposalamatan!

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.