YESAYA 61:1 - KITAB NU TUMPU ALLA LELE MA'IMAI'

¹ Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YESAYA 61:1 ပူးပေါင်းရင်းမြစ်များ

MAZMUR 102:20

Tumpu aita' mae i tampatnyo anu matangkas montoa mae mo uuka, aita' mae i suluga', nu toa mae nu Tumpu na dunia

MAZMUR 147:3

Ia nompa'alinmo mian anu madi'mo ko anu opitaha-taha'imani, ka' mombobodimo iwi-iwi na bela nu aha.

MAZMUR 149:4

Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 22:26

De sihukmo na mian aku mompuji'mo Belento, kalana iwi-iwi' apaa na anu binaumonu Belento. I ahop nu mian anu mohongo-hongo Tumpu ku sombahkonmo na koloban anu jinanji'kumo.

MAZMUR 25:9

Tumpu na mompotingaan mian anu madi' kobubuun, ka' mompokinde'imo aha mosia na pongka'oho'-Nyo.

MAZMUR 34:18

De maluanyo mian anu bala iman hondo, mongkakase momoita tulung, nu hongo nu Tumpu, ka' momposalamatakon aha da madi' nu kona nu iwi-iwi' na kasusa'an.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

MAZMUR 51:17

O Tumpu tulungiakon mae na aku motatae, sahingga aku mompuji-puji'mo Belento.

MAZMUR 68:7

Tumpu mombee'i tampat kajojoongan nu mian anu madi' mo lame'; Ia nompobebasmo mian anu tinalungku'mo sahingga aha nongoa'imo kasanangan. Panyo to mia-mian anu madi' mohongo-hongo Tumpu na jojoongmo ahi' i tano' anu kinunmo.

MAZMUR 69:32

Aijo'mo na lebe nu situjui nu Tumpu nu lingkudui na sapi' anu okolobanakon koloban sapi' lakinyo anu daka'.

NOSABATMO 28:41

Popusok na baju' aijo' hi Harun utus nu beleyum ka' to ana-anaknyo. Pipi'i nu lanya' nu zaitun na aha, tiba jalan anu sumo aijo' aha obalakatimo ka' samata-matamo mombau anu Ku palentahkon salaku Imam.

NOSABATMO 29:7

Lantas ala na lanya' anu opake, de mombalakatimo, dudu'akon aita' i ubaknyo ka' sapuimo nu lanya' na ia.

YESAYA 29:19

Aha to mia-mian anu kasiasi ka' anu madi' ko angga'nyo poule'mo molasai kantumuu'an anu ma'ima' anu binee'mo nu Tumpu Israel anu susi'.

YESAYA 30:19

O, belemiu anu jojoong i Yerusalem, belemiu madi'mo me saja' humang. Tumpu mongkalibosimo, ka' sampamo montaami belemiu de belemiu mongkakasemo momoita tulung hi Ia.

YESAYA 30:26

Bitu'on majingkamo mae susumo batu nu sinaa, ka' mule' batu nu sinaa lebemo majingka pimpitunmo lipat nulingkuduimo na jingkanyo bia-biasamo, sumomo ahi' jingka nu anu pitunsinaa na oposa'angu'mo. Iwi-iwi' aijo' saidi' mae jadimo de Tumpu mombobodimo ka' mompo'alinmo iwi-iwi na bela nu mian anu palesayamo hi Ia anu saja'mo ingoa'an nu aha.

YESAYA 32:7

Ka' mule' mian anu saja' mongakali mompopikilakon ka' mombau palabuatan anu ma'idek. Ia molio kapandean pa' mosia na monsilakai mian anu kasiasi nu potataenyo anu toto bale-baleko' ka' montewa' aha da madi' mohumpak hak' nu aha.

YESAYA 40:9

Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 42:7

Da mombuka' mata nu mian anu napisokmo, ka' mule' mompobebasmo mian da bolimo pintung i uno nu talungku'.

YESAYA 48:16

Tokamo mae oha-ohani hi beleng-Ku, ka' potombihing mae, naipuan pe'e mae madi' pinohowining-Ku na nompoto'i; ka' potataeng-Ku saja' ko bukutinyo na anu Ku bau.” Uuka aiya Tumpu nonsaimo mae aku ka' kuasanya-Nyo binee'-Nyomo mae hi belengku.

YESAYA 49:9

Mian anu tinalungku'mo Ku palentahmo da mosabat; anu daagi' itampat anu pikat Ku boamo itampat anu majingka. Ka' mule' ipuge'nyo anu madi' ko anu montumuu'i, aha madi' kakulangan, tutus jalan daagi ko anu okaan.

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

YESAYA 52:9

Pontaligalaimo lame-lame' o, anu singkapmo ihansun i Yerusalem, kalana Tumpu mohase'mo mian anu palesayamo hi Ia ka' mompobebasmo Yerusalem.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 57:18

Tinoang-Kumo na kalakuan nu aha, panyo aha Ku bee'i kahosonan. Ku jagaije ka' ku tulungi na aha ka' mohase' mian anu molibosmo na kinyonyoa.

YESAYA 59:21

Aku mombaumo palajanjian tiba belemiu: Kuasang-Ku Kubee'mo hi belemiu ka' ajalan-Ku sampe toka sidu-sidutu'. Ajanakon hi to ana-anak nu belemiu da aha mongajanakon suele i tulunan uuka aiya sampe toka sidu-sidutu'.”

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

YEREMIA 34:8

I Tomundo' Zedekia tiba mian anu jojoong i Yerusalem nombaumo palajanjian da opobebasmo

YEREMIA 52:33

Ia pinobee'mo nombolosi baju'nyo anu pinusok tempo'nyo tinalungku' ka' sidu-sidutu' ia na timbali ahi' mongkaan ilaigan nu tomundo' ka' sansinaa toka sansinaa obee'i doi da nu pake bau kapaluan nu kantumuu'annyo.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

IMAMAT 7:35

Kaanon anu sinombahkonmo hi Tumpu, aijo' na bahagian anu obee' hi Harun ka' hi to ana-anaknyo i sinaa aha binalakatanmo timbali imam.

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 3:16

Ilapas pinalamandikan, i Yesus lia-lia' nosabat lengkat mae i uee nu kaunyo aijo'. Madi' pinin langit tinabuka'mo ka' i Yesus nontoamo Roh nu Tumpu nintatau' sumo tomonsi' malapati' aita' i buan-Nyo.

LUKAS 7:22

I Yesus nontaami, “Pinsusule'mo hi Yohanes, ka' opoto'iakon apaa na anu ihongomo miu ka' tinoa: mian anu mapisok montoa, mian anu lupe i lumajang, mian anu ko panyakit kilit okabuhuk i na'alin, mian anu mabongon nohongo, mian anu sinilakamo po'ule' tinumuu', ka' Lele Ma'ima' lengkat mae hi Tumpu pinoto'iakon hi to mia-mian kasiasi.

YOHANES 1:41

Lia-lia' na i Andreas nolio i Simon utusnyo ka' notatae hi ia, “Kami siningkabotmo i Mesias!” (Mesias pokakanamo i Kristus, aijo'mo: Tomundo anu Momposalamat.)

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.

2 KORINTUS 3:17

Jadi Tumpu anu sina-sinanggo aiya, aijo'mo Roh. Ka' iya na ko Roh nu Tumpu daagi', i kiijo' mule' daagi' ko kabebasan.

2 KORINTUS 7:6

Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

IBRANI 1:9

Belento mongka'ima'i ka'adilan ka' mongka'ideki anu tageo; mokonyo aijo' Tumpu, Tumpu nu Belento, nompile'imo Belento ka' nombee'imo Belento da o'adati anu mompodaagi' kabilahian, molingkudui to sanga-sangalu nu Belento.”