YESAYA 60:3 - KITAB NU TUMPU ALLA LELE MA'IMAI'

³ To bansa-bansa mojonjulumo mae toka i jingka nu belemiu to tomu-tomundo kino kinyonyoamo i sahaya anu binete'mo atina' hi belemiu.

YESAYA 60:3 ပူးပေါင်းရင်းမြစ်များ

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

MAZMUR 102:16

Kuasa nu Tumpu nukabuhukmo nu to bansa-bansa; ka' kakuasan-Nyo anu tinalasanggomo aijo' nukabuhukmo nu to tomu-tomundo' iwi-iwi',

MAZMUR 102:22

Sahingga sanggonyo obebakonmo kiijo' i Sion, ka' Ia lewa'mo o puji' kiijo' i Yerusalem.

MAZMUR 138:4

Iwi-iwi' na tomundo' i dunia aiya mompuji'mo Belento, O, Tumpu, kalana aha nohongomo anu jinanji'mo nu Belento.

MAZMUR 2:10

Jadi intomakon, o to tomu-tomundo', boli okolilimi, o belemiu iwi-iwi' anu montoongi kakuasa'an nu dunia!

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 68:29

Tumpu nu belemiu montuntut kahosonan nu belemiu; o, Tumpu potatapmo mae hi kami apaa na anu binaumo nu Belento hi kami.

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

YESAYA 42:6

“Aku, Tumpu nolagamo ka' nombee'imo pakalaja'an beleyum da mompojalanmo ka adilan. Beleyum Lewa'mo Ku pangajali ka' mule' Ku potuu'mo da baumo palajanjian hi aha mian ka' mule' baumo jingka hi aha iwi-iwi' na bansa.

YESAYA 45:14

Tumpu notataemo hi Israel, “Alamo na hasin nu tano' Mesir tiba kauntungan nu aha Sudan. Aha to mia-mian nu Syeba anu toto hoso-hoson, belemiumo, na tumpunyo; aha lumajang aitu mae ihiku nu belemiu hau-haunyo pinungumo nu lante' besak. Aha tolodadupumo ka' mongakuimo, ‘Tumpu totu-totu'u daagi' ko anu atina' hi belemiu; madi' ko tumpu sanga'at ola ahi' Ia aijo'!

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 49:12

Lengkat mae ilipu' anu majo'on singkapmo mae toka na mian anu palesayamo hi beleng-Ku, lengkat mae isasu utara, ka' mule' isasu kinsoban ka' mule' Sinim anu isasu salatan.”

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 56:8

Sumo uukamo na potatae nu Tumpu Anu Matangkas na Kuasanyo anu nolaya'mo Israel ninsusule' mae lengkat i tampat pinompojongan aha, “Aku momboamo aha to mia-mian sangga'at da mogalumo hi aha anu sinuhukmo mae.”

YESAYA 60:10

Tumpu notatae hi Yerusalem, “Mian anu lengkat mae i salipu'an po'ule'je mombau pagan mesen nu beleyum ka' to tomu-tomundo' mombee'ije anu opalalui nu beleyum. Naipuan mae Aku nohukumo beleyum kalana Aku notambuha'mo panyo uuka aiya Aku sanangmo na mongkalibosi beleyum.

YESAYA 60:16

Beleyum nu potuu'mo nu to bansang-bansang tiba to tomu-tomundo', susumo samian na tina nu anak mompotuu' anaknyo. Sahingga nusumbu'je nu beleyum saba' Aku ahi'na Tumpu anu Nomposalamatmo beleyum ka' saba' Tumpu ahi' nu Israel na anu mahoson nonompobebasmo beleyum.

YESAYA 62:2

O, Yerusalem, to bansa-bansa montoamo kamenangan nu beleyum, to tomu-tomundo' montoamo kaholomatan nu beleyum. Beleyum osanggohimo nu sanggo anu salaje ponsanggohi posi Tumpu na nombee'i sanggo aijo'.

YESAYA 66:12

Kalana Tumpu notataemo, “Belemiu Ku bee'ije kabilahian susumo kaunyo anu mo'ili; kakaya'an nu to bansa-bansa nuboaje mae hi belemiu susumo kanyo anu mosawe'mo. Belemiu sumomo anak anu oposusu ka' otangkung nu tinanyo, ka' osapu-sapumo aijo' tangku-tangkung hi ia.

AMOS 9:12

Mian nu Israel mongkuasaimo lipu' nu Edom anu daagi' tuha'nyo ka' iwi-iwi' na bansa anu u'utu mae Aku na tumpunyo. Aku, Tumpu na notatae ka' Aku na mombau han aijo'.”

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

YOHANES 12:32

Panyo Aku aiya, de Aku ohangkatmo tangka-tangkas i bawo nu dunia aiya, aha iwi-iwi' na mian Ku pahaboamo hi beleng-Ku.”

SISIKON NU TO RASUL-RASUL 13:47

Sabab aiyamo na palentah nu Tumpu hi kami; Tumpu notatae, ‘Aku nontantukanmo komiu timbali sa'angu' na jingka hi to mia-mian bansa sangga'at anu misa' Yahudi, da komiu mompotokakon kasalamatan i songko-songko na dunia.’ ”

SISIKON NU TO RASUL-RASUL 15:17

da iwi-iwi' na mian anu tinasisa aijo' molio Tumpu, tiba iwi-iwi' bansa sangga'at anu misa' Yahudi anu i lagang-Kumo da timbalimo Aku na tumpunyo.’

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 21:24

To bansa-bansa i dunia lumajangje i uno nu jingkanyo, ka' to tomu-tomundo mule' momboaje kakaya'an nu aha i uno nu kota aijo'.