YESAYA 6:8 - KITAB NU TUMPU ALLA LELE MA'IMAI'

⁸ Lantas ihongongkumo na potatae nu Tumpu nompoto'i, “Ihe na Kusai? Ihe na momboa lele lengkat aiya hi kita?” Tinaamankumo, “Aiya na aku. Saimo mae na aku!”

YESAYA 6:8 ပူးပေါင်းရင်းမြစ်များ

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

YESAYA 65:1

Tumpu notatae, “Aku sinadiamo montaami mian anu palesayamo hi beleng-Ku panyo aha madi' balado'a hi beleng-Ku. Aku balasadia nusingkaboti nu aha, panyo aha madi'mo molio Aku. Bansa aijo' madi'mo molaga Aku, maunyo ahi' Aku sinadiamo montaami: Aiyamo na Aku!

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

KAJADIAN 1:26

Lapas aijo' Tumpu notatae mule', “Uuka aiya kita mombaumo manusia anu saidi' mae timbali susumo kita ka' montiho kita. Aha mongkuasai to ika-ikan, to tomo-tomonsi', ka' iwi-iwi' na binatang sangga'at, anu manyaam kabai anu ma'ela', anu daka' kabai anu ise'.”

KAJADIAN 11:7

Sahanyo Kita mintatau'mo ka' mompotabuntala' basa' nu aha da aha madi'mo mopaha sumbu' sisik samian ka' samian.”

YEHEZKIEL 1:24

De aha lumahapmo ku hongomo na polipiknyo mompapa'i; onyi'nyo sumomo ahi' buhok nu ombu'an nu uee anu mabohos hondo ka' mule' sumomo ahi' galupak nu gombuan nu suludadu anu manjoo' hondo, ka' mule' sumomo ahi' potatae nu Tumpu Anu Mahakuasa. De aha madi'mo lumahap nu kumpu'mo nu aha na polipiknyo,

1 TOMU-TOMUNDO' 22:20

Tumpu nompokilawamo, 'Ihe na moko ala mamba pagala monsale'i i Ahab da ia mongka'oho' mamba mahampate da ia matemo mae i kiijo' i Ramot i da'erah Gilead?' Malaikat haha aijo' nontaami madi' pokakana samian ka' samian.

YEHEZKIEL 10:5

Onyi' nu polipik nu malaekat haha aijo' de mompapa'imo kahongoan toka-toka ipopasan anu isambiha'nyo, sumomo ahi' potatae nu Tumpu Anu Mahakuasa.

KAJADIAN 3:22

Tumpu Allah notataemo, “Uuka aiya manusia tinimbalimo susumo Kita ka' nonsumbu'mo anu ma'ima' ka' anu ma'idek. Jadi palalu ahi' otewa' na ia mongkaan bua' nu kau' anu mombee'i kantumuu'an, da ia boli tumuu' sampe toka sidu-sidutu'.”

SISIKON NU TO RASUL-RASUL 9:4

Ia notua' i tano' lantas nohongo potatae tinoka hi ia, “Saulus, Saulus! Apaa na sababnyo beleyum nonsakisa Aku?”

SISIKON NU TO RASUL-RASUL 26:19

“Kalana aijo', kita Tomundo' Agripa, aku saja' bala usaha mohongo-hongo hi anu tinoa ka' tinalimangkumo lengkat mae hi Tumpu aijo'.

1 SAMUEL 3:4

Tumpu nolagamo i Samuel lantas tinaamanmo i Samuel, “Apaa kita Tuumangku!”

YEHEZKIEL 9:1

Lapas aijo' Tumpu Allah notataemo daka-daka', “Po uukamo mae o, tomia-mian anu montalimamo hukuman-Ku ikota' aiya. Boa mae na iwi-iwi' na toongon nu belemiu anu bau pahampate.”

KAJADIAN 22:1

Ma'isa talalo pinin ilapas na aijo' Tumpu Allah nonguji'mo pa' totu-totu'u i Abraham tulu-tulutan. Tumpu Allah nolagamo, “Abraham!” Lantas tinaamanmo i Abraham, “Apaa, Tumpu.”

KAJADIAN 22:11

Panyo malaekat nu Tumpu notatae daka-daka' hi ia, lengkat mae i langit, “Abraham, Abraham!” Tinaaman i Abraham, “Apaa, Tumpu!”

2 SAMUEL 1:7

I Saul nosiloi no utu ihikunyo ka' nontoamo aku lantas aku ilaganyomo ka' tinaamankumo 'Apaa Tuanku.'