YESAYA 6:7 - KITAB NU TUMPU ALLA LELE MA'IMAI'

⁷ Sinintungnyo na biwingku nu obaa ai-aijo' ka' notatae, “Biwi aiya nonsintungmo biwi nu beleyum. Uuka aiya kasala'an nu beleyum ingalinanmo ka' mule' dosa' nu beleyum ingampunanmo nu Tumpu.”

YESAYA 6:7 ပူးပေါင်းရင်းမြစ်များ

YESAYA 40:2

Potenangmo nakinyonyoa nu aha Yerusalem, poto'i taalu' tobotuanan imadi'anmo. Kasala'an nu aha ingampunan-Kumo, iwi-iwi na dosa nu aha ihukum-Kumo lipat pinduan.”

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

YESAYA 53:5

Panyo ia binelaan kalana iwi-iwi na dosa'to, ka' dinoke kalana palabuatanto ma'i-ma'idek. Ia i hukum da kita oposalamat kalana belanyo haha aijo', kita i na'alinmo.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

YEREMIA 1:9

Lapas aijo' tinajuakonmo mae nu Tumpu na lima-Nyo ka' nongkanyangmo mae nganga'ku lantas notataemo, “Potombihing mae ka' bebakon na potatae anu Ku taloakon aiya.

DANIEL 10:16

Lapas aijo' malaekat anu susumo manusia nontajuakonmo mae limanyo ka' nongkanyangmo mae biwingku. Aku notataemo hi ia, “O, Tuan anu tinoangku aiya nonsaduakonmo aku nabuhukmo hondo sahingga aku madi'mo noko ala nongkohenggo.

ZEFANYA 3:9

Panyo lapas aijo' Ku bali'imo na kinyonyoa nu bansa haha aijo' sahingga aha balado'a memo hi beleng-Ku ka' misa'mo hi to pilo-pilogot sangga'at. Bansa haha aijo' iwi-iwi' montulutimo Aku.

ZAKHARIA 3:4

Sahingga notataemo na malaekat aijo' hi to pomba-pombantunyo kiita i suluga', “Ukatakon na baju'nyo aijo' anu kinotonmo ka' alinmo na anu aijo' puso-pusok hi mian aiya.” Ka' hi Yosua ia notatae, “Dosa' nu beleyum ingalinankumo, beleyum ku bee'imo baju' anu bu'ou.”

NOMBILANGMO 16:46

lantas i Musa notataemo hi Harun, “Ala na tampat nu apu nu beleyum ka' isimo nu oba nu apu anu o ala aijo' i mezbah ka' opo'una'i kamangian. Boa lia-lia' aijo' hi aha mian ka' baumo na atulannyo da bau pongampuni dosa' nu aha. Lia-lia'! Tumpu talalomo hondo pinusa, ka' panyakit anu molele nontampu'unimo.”

MATIUS 9:2

I kiijo' mian nomboa hi Ia samian anu lupe, pinomale' i ampas. Tempo'nyo i Yesus nontoa kinodaka'nyo na palesaya nu to mia-mian haha aijo', Ia notatae hi mian lupe aijo', “Sabaan, anak-Ku! Dosa-dosa'um ingampunanmo.”

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.