YESAYA 6:1 - KITAB NU TUMPU ALLA LELE MA'IMAI'

¹ Kinakona itaun kikinasilakaanmo i Tomundo' Uzia aku nontoamo Tumpu. Ia suha-suhang ikadela-Nyo tangka-tangkas ka' anu oholomati. Juba'-Nyo monsalingkukubi songko-songko na Laigan nu Tumpu.

YESAYA 6:1 ပူးပေါင်းရင်းမြစ်များ

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

2 TOMU-TOMUNDO' 15:7

I Uzia sinilakamo, ka' ilamunmo i tampat pinolamunan to tomu-tomundo' i kota' Daud. I Yotam anaknyo momo'ane na binau tomundo' nombol sakon ia.

2 TAWARIKH 18:18

I Mikha po'ule' mule' notatae, “Uuka aiya soba potombihing apaa na anu pinoto'imo nu Tumpu! Aku nontoa Tumpu suha-suhang aita' i kasuhangannyo i suluga', ka' iwi-iwi' na malaekat-Nyo singkapmo tinuminjo koko hi Ia.

AYUB 42:5

U'utu mae, aku monsumbu' Belento ola anu ku hongo hi mian, panyo uuka aiya sinumbu'kumo na Belento kalana nompaha ahopmo.

MAZMUR 108:5

Kalana kalibosan nu-Belento daka' hondo toka-tokamo aita' mae i langit, ka' kanonongan nu-Belento toka-tokamo aita' mae i kundom.

MAZMUR 113:5

Ihe na sumo Tumpunto? Ia mompalentah aita' mae i tampat anu matangkas.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

NOSABATMO 24:9

Lapas aijo' i Musa, i Harun, i Nadab, i Abihu, ka' aha pitumpulu' na to pola-polaya' haha aijo' nindakomo i bungkutnyo,

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

YESAYA 12:4

Tokaje mae na tempo'nyo belemiu motataemo, “Pontalima kaseh hi Tumpu, ka' sombahmo na Ia. Bebakonmo hi aha to bansa-bansa na katalasanggoan ka' mule' iwi-iwi' na anu binau-Nyomo.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YEHEZKIEL 1:1

Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

YEHEZKIEL 10:1

Lantas aku nonsindamo nokiita' anu susumo piboloyuk ibuan nu ubak nu malaekat ka' aku notoamo daagi' ko anu sumo tampat kajojoongan, batu nilam na binau.

YEHEZKIEL 10:4

Jingka anu majingka hondo salaku tanda Tumpu tinokamo najingka lengkat mae aijo' i malaekat haha aijo' ka' nolalinmo i sabatan pinsoopan mokiijo' i Laigan nu Tumpu sahingga popasannyo najingkamo hondo.

DANIEL 10:17

Aku sumomo samian na posaihon anu tinjo-tinjo i ahop nu tuannyo. Mosia na jadi na aku motatae hi belento Tuanku? Aku ilundengmo ka' mule kinyonyoangku nahahunsa'ano hondo.”

DANIEL 7:9

Hau-haunyo aku saja' montonto'i to pia-piangkuka na kadela nu tomundo' pinokokomo. Lantas Ia anu tumuu' sampe toka sidu-sidutu' sinumuhangmo i sala' sa'angu'na kadela nu tomundo' aijo'. Baju'-Nyo ka' bulu nu ubak-Nyo pute' ka' belesi' hondo sumomo ahi' kabu-kabung. Kadela-Nyo aijo' ko loda-lodanyo singkap moak kalana nusuhap nu apu,

NOMBILANGMO 12:8

Ka' Aku motatae tiba ia mompaha ahop, ka' anu sahondo-hondonyo, madi' mongande-andeakon. Ka' mule' ohup-Ku tinoanyomo! Kadaka' belemiu baani mompisala'i i Musa, posaihon-Ku aijo'?”

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 12:41

I Yesus notatae sumo aijo' kalana ia nontoamo kadaka'an i Yesus, ka' nonsisikmo mongkona Ia.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

ANU PINOTO'I HI YOHANES 15:8

Sahingga Laigan nu Tumpu aijo' nobuke'mo nu tibuk nu katalasanggoan ka' kuasa nu Tumpu. Ka' de popitu' na balaa' anu binoa mae nu popi-popitu' na malaikat aijo' ma'isa mingkot, madi' ko samian pe'e na anu timbali minsoop i Laigan nu Tumpu Allah.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.

ANU PINOTO'I HI YOHANES 4:10

ua-uampulu' ka' opat na to pola-polaya' haha aijo' tolodadupumo i ahop nu mian anu suha-suhang i kasuhangan aijo', lantas monsombahmo Ia anu tumuu' sampe toka sidu-sidutu'. Lapas aijo' aha molumbu'akonmo makota nu aha haha aijo' i ahop nu kasuhangan aijo' ka' notatae,

ANU PINOTO'I HI YOHANES 4:2

Balomo aku kinuasan nu Roh nu Tumpu. Lantas aku nontoa aita' i suluga' daagi' ko sa'angu' na kasuhangan, ka' daagi' ko samian na anu sinumuhang i kasuhangan aijo'.

ANU PINOTO'I HI YOHANES 4:3

Ohup nu mian aijo' jongkilaban sumo mainan anu jongkilaban mobilu' ka' sumo mainan dalima. Ka' sa'angu' na tandalo' sumo batu nu mainan anu ko angga'nyo, buhitnyo mobilu' montikubi kasuhangan aijo'.

ANU PINOTO'I HI YOHANES 4:9

Opa-opat na malaikat aijo' monyanyiakon to elo-elok mompuji', pongadati, ka' pontalima kase hi Ia anu suha-suhang i kasuhangan aijo', aijo'mo Ia anu tumuu' sampe toka sidu-sidutu'. Ka' de malaikat haha aijo' manyanyimo,

ANU PINOTO'I HI YOHANES 5:1

Lapas aijo' aku nontoamo sa'angu' na lulunan nu kitab i lima-Nyo anu suha-suhang i kasuhangan aijo'. Kitab aijo' kaho tulisan poti-potimbiha' ka' pinonsap popitu' na segen.

ANU PINOTO'I HI YOHANES 5:7

Lapas aijo' Anak nu Domba aijo' nalalangkasmo nokiijo' ka' nongala lulunan nu kitab aijo' anu i lima koanan nu mian anu suha-suhang i suhangan aijo'.

ANU PINOTO'I HI YOHANES 6:16

Hi to bungku-bungkutnyo ka' batu haha aijo', aha noloboo'mo, “Tuda' mae na kami! Posulukakon na kami da boli Nutoa nu anu sumuhang aita' i kasuhangan aijo', ka' da boli mohumpak tambuha' hi Anak nu Domba aijo'!