YESAYA 57:5 - KITAB NU TUMPU ALLA LELE MA'IMAI'

⁵ Belemiu nonsombahmo to pilo-pilogot anu mombee'i kalumba'an ka' butong nu belemiu binoamo nu napisu ipatuu nu kau' anu o, anggap ko balakatnyo. Belemiu nolamunmo to ana-anak nu belemiu i bangka'nyo nu kaunyo nyo, i liang nu batu.

YESAYA 57:5 ပူးပေါင်းရင်းမြစ်များ

1 TOMU-TOMUNDO' 14:23

Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

2 TOMU-TOMUNDO' 17:10

Aita' mae i to puge-puge'nyo ka' i patu nu kau' anu toto tambo-tambok na honnyo, aha lewa'mo nombau tugu ka' to patong-patong Pilogot boune Asyera.

2 TOMU-TOMUNDO' 17:7

Samaria pinatundu'mo kalana mian nu Israel binaladosa'mo hi Tumpu, Tumpu Allah nu aha nomposalamatmo aha da madi' pinatean i tomundo' Mesir, ka' nomboa aha nosabat lengkat mae i lipu' aijo'. Aha nonsombahmo to pilo-pilogot sangga'at,

2 TOMU-TOMUNDO' 23:10

Tofet, aijo'mo tampat ponsomban pilogot i Bangka' nyo nu Hinom i humimi'anmo. Tiba jalan anu sumo aijo' madi'mo daagi' ko mian anu timbali monsombahkon anaknyo salaku koloban anu opotunu ka' osombahkon hi Pilogot nu Molokh.

2 TAWARIKH 28:3

ka' mompapui kamangian i bangka'nyo nu Himon. Ka' mule' posi anaknyo momo'ane sinombahkonnyomo binau koloban hi pilogot, susumo kabiasa'an anu ma'idek anu saja'mo nubau nu to mia-mian anu i laa'mo nu Tumpu da bolimo jojoong i lipu' Kana'an tempo'nyo mian nu Israel ninsoopmo i lipu' aijo'.

NOSABATMO 32:6

Dodododopnyo subu-subu hondo, to mia-mian nu Israel nomboamo tino pia-piangkuka na potuu'on anu otunui bau koloban, ka' tino pia-piangkuka mule' na bau koloban mompodame. Aha sinumuhangmo ka' nongkaanmo ka' nonginumo lantas tinuminjomo ka' binasana-sanangmo.

YESAYA 1:29

Aha ma'ambangmo kalana lewa'mo nonsombah to ka-kau' ka' nontantukan ale' da baumo bagi nu to pilo-pilogot.

YEREMIA 17:2

Belemiu mian monsombah aijo' i mezbah-mezbah tiba ohii' nu bapilogotan anu pinotinjomo ponsomban Pilogot boune Asyera itoto sa'angu' na kau' anu tambok na honnyo, ka' mule' aita' mae ibawo nu puge'nyo iwi-iwi',

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 3:6

Tempo'nyo i Tomundo' Yosia nompalentah, Tumpu notataemo mae hi belengku sumo uuka; “Pa' tinoamo nu beleyum apaa na anu binaumo nu aha Israel, boune anu madi' tulu-tulutan aijo'? Ia nompala'imo Aku ka' nombaumo palabuatan masala' aita' mae itoto sa'angu' na puge'nyo anu matunjo ka' mule' ipatuu nu kau toto sangkau anu tambok na honnyo.

YEREMIA 32:35

Aha nombaumo mezbah-mezbah bau ponsomban Baal i Bangka'nyo nu Hinom, ka' nonsombahkonmo to ana-anak nu aha hi Pilogot Molokh. Padahan Aku madi' toho' nompalentah aha da molakukan han susumo aijo' ka' mule' madi' toho' tinolosinsumbu' i uno nu pikilan-Ku au' aitu aha timbali mombau palabuatan anu ma'idek hondo aijo' ka' nonsaduakonmo aha mian nu Yehuda da binaladosa'mo.”

YEREMIA 50:38

Otimo na kaunyo nu aha iwi-iwi' ka' ale' nu aha! Kalana Babel nobuke'mo nu bapilogotan nu aha anu okahegati, anu nonsaduakonmo to mia-mian anu monsombah ia iwawengmo.

YEREMIA 51:7

Babel u'utu mae sumomo ahi' galas mosoni' anu totong hi beleng-Ku ka' anu nompojadimo songko-songko na dunia nalangu. To bansa-bansa nonginumo anggur igalas aijo', sahingga aha notutuangmo.

YEREMIA 7:31

Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.

YEHEZKIEL 16:20

Lapas aijo' sinombahkonmo nu beleyum na to ana-anakto, to momo'ane tiba to bou-boune da bau koloban hi pilogot. Te ma'isa sukup na beleyum madi'mo tinulu-tulutan hi beleng-Ku?

YEHEZKIEL 20:26

Pinojohok-Kumo na aha nohumimi'imo butong nu aha sola-sola'mo nongkolobanakonmo anu posi kinolobanakonmo nu aha ka' mule' to ana-anak mo'ane nu aha anu tumpenyo kinolobanakonmo nu aha. Tiba jalan anu sumo aijo' na bau pohukum-Ku aha da nu sumbu' nu aha taalu' Akumo ahi' na Tumpu.

YEHEZKIEL 20:28

Aku nombomo mae aha itano' anu jinanji'-Kumo hi aha. Salatan aha nontoamo puge'nyo haha aita' anu toto tangka-tangkas ka' mule' kau' anu toto tambo-tambok na honnyo aha nomsombahkonmo koloban itampat haha aijo'. Aha nonsaduakonmo da Aku notambuha' kalana koloban-koloban anu opotunu ka' mule' aha nonsombahkonmo anggur nu aha.

YEHEZKIEL 20:31

Ka' mule' sampe sinaa uuka aiya belemiu suele ahi' mohumimi'i butong nu belemiu momomboamo palasombahan ka' mompapuimo to ana-anak nu belemiu salaku koloban hi to pilo-pilogot. Lantas daagi' mule' ahi' na belemiu momoita mae pokinde' hi beleng-Ku? Atas sanggong-Ku, Tumpu anu tumuu', Tumpu Anu Matangkas na Kuasanyo, belemiu madi'mo Ku pobee' momoita mae pokinde' hi beleng-Ku.

YEHEZKIEL 6:13

Bangke' nu mian anu singkapmo sinilaka motanatamo aijo' itampat-tampat bapilogotan tiba itampat-tampat mezbah, ka' mule sika-sika timpasmo aita' i puge'nyo toto tangka-tangkas, ka' mule' aita' ibawo nu bungkutnyo, ka' mule' ipatuu nu kau' anu toto tambo-tambok na honnyo, ka' mule' i patu nu kau' anu toto daka-daka' na batangnyo, o'alamo kodo-kodo' na sisik, iyaya mae na tampat anu sola' pontunuan nu aha koloban anu nu sombahkon nu aha hi pilogot. Sahingga toto samian monsumbu'je taalu' Akumo ahi' na Tumpu.

IMAMAT 18:21

Boli mombee' sala' samian na anak nu beleyum bau koloban ponsombah pilogot Molok, kalana palabuatan anu sumo aijo' mongambangimo sanggo nu Tumpu Allah, Tumpu nu belemiu.

NOMBILANGMO 25:6

Salatan i Musa ka' iwi-iwi' na mian hau-haunyomo lewa'mo i humang i sabatan nu Kemah nu Tumpu, aha nontoamo mian nu Israel samian nomboamo samian na boune nu aha Midian ninsoopmo i uno nu kemahnyo.

PO'ULE' INGULIT 12:2

De belemiu ninsoopmo i lipu' aijo' belemiu tionyo ahi' mongidei tampa-tampat ponsomban aita' i bungkutnyo anu to tangka-tangkas ka' i puge'nyo iwi-iwi' ka' i patu nu kau' anu toto hohopo' na honnyo, tampat nu bansa anu jojoong ikiijo' monsombah to pilo-pilogot nu aha.

ANU PINOTO'I HI YOHANES 18:3

Kalana iwi-iwi na bansa nonginummo anggur napisu anu binaunyo nasala'. To tomu-tomundo nu dunia nasala'mo tiba ia, ka' to daga-dagang i dunia kinayamo nu napisu anu madi'mo opoko bali'i aijo'.”