YESAYA 57:4 - KITAB NU TUMPU ALLA LELE MA'IMAI'

⁴ Ihe na okokojoi nu belemiu? Ihe na anu o, alu na belemiu? Temisa' belemiumo ahi' na tulunan nu mian anu talalo baleko' ka' anu saja' mombau hengge'?

YESAYA 57:4 ပူးပေါင်းရင်းမြစ်များ

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

MAZMUR 22:13

Sumomo ahi' gombuan nu sapi', na sampobali' nohuntumo mae aku, sumomo ahi' sapi' ma'ela' anu lengkat i Basan na aha nontikumo mae aku.

MAZMUR 22:17

Aku tinikumo nu gombuan nu mian anu ma'idek na kinyonyoanyo; susumo ahi' gombuan nu dedeng na aha mohuntumo mae aku, nompahansusukakonmo mae limangku ka' tengkengku.

MAZMUR 22:7

Panyo aku aiya ias, misa' manusia, o'alu ka' opopo'ambang nu mian da'isan.

MAZMUR 35:21

Aha sola' moloboo' mae hi belengku ka' motatae koonyo nu aha, aha nontoamo palabuatanku.

MAZMUR 69:12

Aku nompusokmo kalung salaku tanda ko anumo sinilaka, panyo aha moletakon aku.

NOSABATMO 9:17

Mau mule' sumo aijo', belento daagi' ahi' kobubuun ka' madi' mongka'oho' mompobee' mian anu pinalesayamo hi beleng-Ku mamba.

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YESAYA 10:15

Panyo pinoto'imo nu Tumpu, “Tetoho' mule' bobolo' mosi buulakonmo ia hi mian anu monggunakon ia? Pa' galagaji lebe penting nulingkudui na mian anu monggunakon ia? Misa amangkun na mohangkat mian, panyo mian ahi' na mohangkat amangkun.”

YESAYA 30:1

Tumpu notatae, “Silakamo na to pola-polaya' nu aha Yehuda kalana aha notomuhukmo mae hi beleng-Ku. Aha nontulutimo tanga'an-tanga'an anu misa' tanga'an-Ku. Aha nontandatanganimo palajanjian anu madi' sosok tiba pongka'oho'-Ku. Sahingga tinumalatambunmo na dosa' nu aha.

YESAYA 30:9

Kalana, aha aijo' sa'angu' na bansa anu saja' mongka'oho' motomuhuk hi Tumpu, saja' baleko', ka' madi' mongka'oho' mompotombihing pangajalan nu Tumpu.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 37:29

ka' ihongong-Kumo na beleyum pinusamo ka' mule' tinakabunmo atina'. Uuka aiya Ku pokaitmo na kait atina' isung nu beleyum tambang bau pontambangi nganga' nu beleyum, da beleyum Kuhela'mo osule'akonmo montulu jalan anu tinulu mae nu belemiu tempo'nyo belemiu tinoka mae aiya.”

YESAYA 48:8

Ku sumbu' na beleyum madi' timbali opalesaya, naipuan pe'e mae na beleyum tinalasanggomo mian anu palaganta. Mokonyo aijo' madi' nu sumbu' nu beleyum, mau santaa' pe'e na potatae, madi' ko anu tinoka ibihing nu beleyum.

YESAYA 57:5

Belemiu nonsombahmo to pilo-pilogot anu mombee'i kalumba'an ka' butong nu belemiu binoamo nu napisu ipatuu nu kau' anu o, anggap ko balakatnyo. Belemiu nolamunmo to ana-anak nu belemiu i bangka'nyo nu kaunyo nyo, i liang nu batu.

YEREMIA 20:8

Setiap aku motataemo, tionyo ahi' ku loboo'akon hoso-hoson, “Balaa'! Anu taha-tahahumo tokame mae!” O Tumpu aku lewa' okokojoi ka' opopo ambang sansina-sinaa kalana saja' monsisikakon potuunon nu Belento.

YEHEZKIEL 2:4

Aha panggaga hondo ka' mule' madi'mo mae moholomati Aku. Beleyum Ku saimo mamba hi aha da mompotokakon apaa na anu kahanda' Ku poto'i aiya, Aku, Tumpu Anu matangkas na Kuasanyo mompoto'i hi aha,

HOSEA 10:9

Tumpu notatae, “Salatan kinokajadianmo kiijo' i Gilgal mian nu Israel madi'mo ahi' nontibahakon palabuatan dosa' ka' pinanggagamo hi belengku. Mokonyo aijo', kiijo' mae suele i Gibea aha nu pahampateakonmo nu bansa sangga'at.

NOMBILANGMO 16:11

De beleyum tiba anu monsangaja'i beleyum mososonmo hi Harun, sumo-sumomo belemiu panggagamo hi Tumpu!”

MATIUS 13:38

Ale' aijo', aiyamo dunia aiya. Bine' anu ma'ima', aijo'mo to mia-mian anu tinimbalimo mian anu palesayamo hi Tumpu. To pada-padang aijo'mo to mia-mian anu mosambiha' hi Ibilis.

MATIUS 27:29

Aha noombau sa'angu' na makota kandang anu ko hii'nyo, ka' pinosoku' i ubak i Yesus. Lapas aitu aha nompotoong sangkau na tokon pinotoong-Nyo i lima, i sasu koanan-Nyo, lantas tinolodadupu na aha i ahop-Nyo ka' nompopo'ambang Ia. “Soosa' Tomundo Mian nu Yahudi!” na koonyo nu aha.

LUKAS 10:16

Lantas i Yesus notatae hi anu saja' mombatuki Ia, “Mian anu mohongo komiu, mohongo Aku. Mian anu madi' montalima komiu, madi' montalima Aku. Ka' mian anu madi' montalima Aku, singkona madi' montalima Ia anu nonsai mae Aku.”

SISIKON NU TO RASUL-RASUL 9:4

Ia notua' i tano' lantas nohongo potatae tinoka hi ia, “Saulus, Saulus! Apaa na sababnyo beleyum nonsakisa Aku?”

EFESUS 5:6

Boli komiu nu akali nu to sisi-sisik anu madi' mimbatu. Kalana anu hahan aijo'mo na monsaduakon Tumpu montambuha'i to mia-mian anu madi' tulu-tulutan hi Ia.

KOLOSE 3:6

Hahan anu sumo aijo' na monsaduakon tambuha' nu Tumpu kona hi to mia-mian anu madi' montuluti Ia.

YOSUA 10:21

Lapas aijo' iwi-iwi' na suludadu i Yosua ninsusule'mo ma'i-ma'ima' hi Yosua i kemah nu aha i Makeda. Madi'mo ko samian anu i lipu' aijo' baani' montaloakon pa' mosia na mongewa aha mian nu Israel.

2 PETRUS 2:13

Salaku bau pohukum kalana kasansala'an anu sinaduakonmo nu aha, aha mongoa'ije kasansala'an. De hi aha, anu momposanang kinyonyoa atina'mo mombau tulu-tulumo pa' apaa sinaa, bau pomposanang anu nuka'ima'i nu butong nu aha. De aha sumuhang hingga-hinggat tiba komiu i uno nu bau-bauon mongkakan, kalakuan nu aha monsaduakon da kita mahega kalana aha talalo ahi' mongka'ima'i da ma'osa i napisu.