YESAYA 57:16 - KITAB NU TUMPU ALLA LELE MA'IMAI'

¹⁶ Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

YESAYA 57:16 ပူးပေါင်းရင်းမြစ်များ

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

MAZMUR 85:5

Po'ule' mae pokopiani na kantumuu'an mami o, Tumpu Allah anu momposalamat kami, bolimo po'ule' otambuha'i mae na kami.

IBRANI 12:9

Kita ko tuuma i dunia. Ia mompokinde'i kita, da kita mongangga'i ia. Jadi sumo aitu mule' kona hi Tuuma nu rohaninto anu i suluga', tantu kita tionyo lebe mule' tulu-tulutan hi Ia da kita tumuu'.

YEREMIA 10:24

Doke mae na kami o Tumpu panyo boli ahi' talalomo opolanit na mondoke mae. Ka' boli ahi' mohukum mae kami de Belento hau-haunyomo pusa, kalana tantu kami silakamo ingko-ingkot.

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

YEREMIA 38:16

I Tomundo' Zedekia hoko-hokot nompoto'imo palajanjian hi belengku, koonyo, “Atas sanggo nu Tumpu Allah anu tumuu', Tumpu Allah anu mombee'i kantumuu'an hi kita, aku madi' ahi' mompatei beleyum kabai mombee'mo beleyum hi to mia-mian anu kahanda'mo mompatei beleyum.”

YESAYA 42:5

Tumpu nompotimbalimo ka' mule' nombokamo langit; Ia nontali'mo dunia ka' mule' iwi-iwi' na anu tumuu' i unonyo. Ia nombee'imo mian santuu' da tumuu' tiba kinyonyoa. Ia nompoto'imo potuunon aiya hi posaihon-Nyo,

KAJADIAN 6:3

Sahingga notataemo na Tumpu, “Aku madi'mo situju manusia tumuu' sampe toka sidu-sidutu'; aha anu ko nyawanyo madi'mo tumuu' sampe toka sidu-sidutu', aha tionyo ahi' silaka. Otampu'uni uuka aiya umun nu aha madi'mo molabii 120 na taun.”

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

ANU MOMPOLELE POTATAE NU TUMPU 12:7

Butongto aiya minsusule'mo; timbalimo abu i dunia aiya. Napas te kantumuu'anto minsusule'mo hi Tumpu. Ia na nombee' salaku pongkalibosi'Nyo.

YEREMIA 3:5

Beleyum mule' notatae, kooyum Aku madi' mule' saja'mo montambuha'i beleyum. Sumo aijo' na anu tinaloakonmo nu beleyum, o Israel, panyo hau-haunyo aijo' saja' ahi' nu bau na palabuatan iwi-iwi' anu timbali nu poko ala nu bau.”

YEHEZKIEL 18:4

Nyawa nu mian Aku na tumpunyo, mau nyawa nu anu tu'anyomo kabai nyawa nu anaknyo. Mian anu baladosa' aijo' ahi' na silaka.

AMOS 1:11

Tumpu notatae, “Mian anu jojoong i Edom saja'mo nombau dosa' pa' pimpianmo, kalana aijo', Aku tionyo mohukumo aha. Madi'mo ko liibosnyo na aha nahampatemo tiba mian nu Israel, to utu-utus nu aha. Aha me saja' motambuha', ka' tataap mongka'ideki.

2 SAMUEL 24:16

Malaekat nu Tumpu anu nomboa mae balaa' kapatean aijo' tinoka-tokamo i tampat ponggilingan gandum anu i Arauna, mian nu Yebus. Salatan tinoa nu Tumpu na malaekat aijo' kahanda'mo mompatei mian nu Yerusalem, Tumpu nombali'imo tanga'an-Nyo, ka' Tumpu madi'mo nohukum bansa aijo'. Pinoto'i-Nyomo hi malaekat aijo', “Injahamo! Bolimo!”

AYUB 12:10

Ia na mompalentah iwi-iwi' na kantumuu'an nu anu pinotimbali-Nyomo; ia na mongkuasai santuu' nu batu-batu manusia.

YESAYA 27:8

Tumpu nohukumo mian anu palesayamo hi Ia aijo'mo nomboa aha pinojoong ilipu' nu mian anu isalipu'an. I laa'-Nyomo na aha nu mombun anu ma'idek lengkat mae isasu kabete'an.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.