YESAYA 56:3 - KITAB NU TUMPU ALLA LELE MA'IMAI'

³ Mian anu isalipu'an mae mogalumo tiba mian anu palesayamo hi Tumpu madi' timbali motatae, “Tumpu madi' mompoloas aku monsombah Ia hingga-hinggat tiba mian anu palesayamo hi Ia.” Miana nu tinoku'imo madi' timbali bapikin “Aku madi'mo timbali sangalu nu mian anu palesayamo hi Tumpu, kalana aku madi' timbali mohumpak lee'.”

YESAYA 56:3 ပူးပေါင်းရင်းမြစ်များ

2 TAWARIKH 6:32

De daagi' ko mian anu i salipu'an anu kiijo' mae i lipu' anu majo'on mohongo mae katalasanggoan ka' kamampuan nu belento, ka' belento saja' montulungi, lantas ia toka mo mae i Laigan nu Belento aiya da balado'a hi belento,

ESTER 9:27

nonsaduakon da aha nosi baumo atulan anu kona hi posi butong nu aha, kona hi lee' nu aha ka' kona hi iwi-iwi' mian anu ninsoopmo bansa Yahudi. Koonyo nu atulan aijo' sataun toka sataun aha tionyo ahi' molame'akon ohu-ohua' na sinaa aijo' anu pinoto'imo i Mordekhai.

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YESAYA 39:7

Mompolee' nu beleyum daagi' ko anu o, ala ka' ohangkatmo bau pagawe da mokalaja ilaigan nu tomundo' da mombau apaa na anu nu pokauhakon nu tomundo' Babel.’ ”

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YESAYA 56:6

Tumpu notatae hi mian anu isalipu'an mae, anu ninsoopmo lekengan nu mian anu palesayamo hi Tumpu, anu mongka'ima'imo Tumpu ka' saja' monsombah Ia, anu mongangga'i sinaa nu Sabat, ka' tulu-tulutan hi palajanjian-Nyo,

YEREMIA 50:5

Aha molelekimo jalan mamba i Sion, lantas mambamo mompatui jalan aijo'. Aha mombaumo palajanjian anu sampe toka sidu-sidutu' tiba Aku, ka' sabole-bolemo nu toongi nu aha.

IMAMAT 21:20

anu tadungkung kabai anu kodo' hondo anu ko panyakitnyo na matanyo, kabai kumahuton ka' anu okabili'.

IMAMAT 25:45

Belemiu timbali suele mongoli to ana-anak nu mian anu lengkat mae i salipu'an anu tinataapmo atina' hi belemiu. To ana-anak nu mian anu lengkat mae i salipu'an anu i hampe i lipu' nu belemiu timbali o ala nu belemiu

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.

NOMBILANGMO 18:4

Aha tionyo ahi' mokalaja hingga-hinggat tiba belemiu ka' mombau pakalaja'an anu ko tuusanannyo tiba iwi-iwi' na pakalaja'an i Kemah-Ku, panyo anu madi' opalentahkon na okalaja, aijo' o tewa' na mokalaja hingga-hinggat tiba belemiu.

NOMBILANGMO 18:7

Panyo ola beleyum tiba to ana-anak nu beleyum na timbali mombau pakalaja'an salaku imam, i pakalaja'an iwi-iwi' anu ko tuusanannyo tiba mezbah ka' apaa na anu kiijo' i Salipi' anu Susi' hondo. Aijo' na anu tionyo ahi' nu bau, kalana Aku nombee'imo belemiu pangkat salaku imam. Batu-batu mian anu madi' ko hak aijo' o hukum mate de mongohanimo balang haha aijo' anu susi' hondo aijo'.”

SISIKON NU TO RASUL-RASUL 10:34

Lantas i Petrus notatae, “Uuka aiya aku totu-totu'u sininsumbu'mo taalu' Tumpu mombau iwi-iwi' mian pokakana.

SISIKON NU TO RASUL-RASUL 17:4

To pia-piangkuka na mian pinalesayamo lantas mombatukimo i Paulus ka' i Silas; sumo aitu mule' manjoo' hondo na to mia-mian Yunani anu mabuhuk hi Tumpu, ka' da'isan suele na to bouboune anu talasanggo.

SISIKON NU TO RASUL-RASUL 18:7

Lantas i Paulus nompala'i aha ka' namba jinojoong i laigan anu i sambiha' nu laigan pogalejaan aijo'. Laigan aijo' laigan nu samian anu misa' Yahudi, panyo ia monsombah Tumpu. Sanggo nu mian aijo' i Titius Yustus.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

1 KORINTUS 6:17

Panyo mian anu momposa'angu' butongnyo tiba Tumpu, Roh nu Tumpu tiba roh nu mian aijo' nosa'angu'mo.

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

EFESUS 2:22

Kalana tumuu' nosa'angu'mo tiba i Kristus, komiu mule' hau-haunyo pinotinjomo hingga-hinggat tiba to mia-mian sangga'at da timbali sa'angu' na Laigan nu Tumpu; i kiijo' na Tumpu Allah jojoong tiba Roh-Nyo.

PO'ULE' INGULIT 23:9

“De belemiu mahampatemo, tionyo ahi' opimpali nu belemiu na iwi-iwi' anu monsaduakon belemiu sahingga mahumimi'.

1 PETRUS 1:1

To Utu-utus mian anu pinile'anmo nu Tumpu, anu nobagi-bagimo i tano' nu mian i da'erah Pontus, Galatia, Kapadokia, Asia, ka' Bitinia! Aku, i Petrus, anu tinimbalimo posaihon i Yesus Kristus, mongamanakon bisa-bisa' Tumpu mombee'i balakat ka' ka'ima'an hi belemiu molabi-labi. Komiu pinile'anmo tinimbalimo mian anu pinalesayamo hi Tumpu Allah nompotimbalimo komiu mian anu pinalesayamo ka' susi' da baumo samata-mata anu nu Tumpu, da komiu mohongo-hongo i Yesus Kristus ka' pinobelesi'mo nu baso'-Nyo.