YESAYA 54:4 - KITAB NU TUMPU ALLA LELE MA'IMAI'

⁴ Boli mabuhuk, beleyum madi opopo'ambang; madi'mo o, alu ka' lewa' mahasasungonan. O kolilimimo nu beleyum na beleyum madi' namomong tempo'nyo daagi' olitau; madi'mo daagi' monginau' na beleyum iliing tempo'nyo beleyum binalumo.

YESAYA 54:4 ပူးပေါင်းရင်းမြစ်များ

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

1 PETRUS 2:6

Kalana i uno nu Kitab nu Tumpu tinulismo sumo uuka, “Aku nompile'imo sa'angu' na batu anu ko angga'nyo, anu Pino'una'kumo i Sion salaku batu anu penting; ka' mian anu pinalesayamo hi Ia madi' mompele-pele'.”

YEREMIA 31:19

Belento ihukumo mami, panyo nompele-pele'mo na kami ipalabuatan aijo' Salatan Belento nohukumo kami, ubak mami tinolodukumo kalana sinusa'mo na kinyonyoa. Kami na ambangmo ka' madi'mo kino angga'nyo kalana binaladosa'mo tempo'nyo daagi' olitau'.’

YESAYA 61:7

Kalana belemiu nohumpakmo ambang pininduan lipat ka' kino kalakuanmo anu ma'idek ka' suele pinopo'ambangmo, binaumo bagian nu belemiu sahingga belemiu nohumpakmo bagian pinduan lipat i lipu' nu belemiu ka' mohumpakmo kasanangan sape toka sidu-sidutu'.

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YEHEZKIEL 16:43

Aku mohukumo beleyum kalana beleyum madi'mo daagi' nonginau'mae mosia na Aku nompalakaimo beleyum tempo'nyo nai puan mae daagi' ise'. Palabuatan nu beleyum ma'i-ma'idek atina' na nonsabapi Aku nontambuha'i beleyum. Kadaka' palabuatan nu beleyum anu oka-okahegati atina' iwi-iwi' daagi' mule' nu paka tuangi nu palabuatan masala'? Aku Tumpu Anu Matangkas na Kuasanyo notataemo.”

YEHEZKIEL 16:22

I uno nu kantumuu'an nu beleyum anu okahegatimo salaku mian anu saja'masala' susumo aijo', mau sangkiding pe'e madi' tonginau hi beleyum na beleyum daagi' ise' naipuan mae anu ihikuhakonmo, tempo'nyo beleyum langgo-langgo ka' lewa' mongkohenggo ka' kahomo baso' na butong nu beleyum.”

YESAYA 4:1

Tempo'nyo aijo' aha popitu' na to bou-boune montoongimo samian na mo'ane ka' notatae, “Pobee' mae na kami da mongakuimo beleyum salaku langkai'mo mami, da kami madi' ma'ambang kalana madi' no'osoa. Anu okaan tiba pakean mami oposi tanggungje mami.”

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 29:22

Kalana aijo' Tumpu, Tumpu nu Israel anu nompobebasmo i Abraham uuka aiya motataemo, “O, bansang-Ku belemiu madi'mo daagi' saja' otee ka' ohup nu belemiu madi'mo daagi' me'es kalana ma'ambangmo.

YESAYA 50:7

Kalana Tumpu montulungimo mae aku, sahingga aku madi'mo ahi' opopo'ambang. Aku nompohosonmo kinyonyoangku da sabaan ahi'; ku sumbu' saba' aku na madi' ahi' opopo'ambang.

YESAYA 54:14

Beleyum binaumo i uno nu kaadilan, madi'mo daagi' ko anu okabuhuk ka' kasansala'an.

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

YEHEZKIEL 36:15

Madi'mo daagi' na tano' aiya mohongo alu nu to bansa-bansa kabai sola' monta'up pompopo'ambang nu mian. Tano' aiya madi'mo daagi' mompatei bansa anu monjojoongi. Aku, Tumpu Anu Matangkas na Kuasanyo notataemo'.’ ”

YOËL 2:21

Boli mabuhuk, o ale' posanang na kinyonyoa nu beleyum; Ingat na han anu daka' hondo bibinaumo nu Tumpu hi belemiu!

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

AYUB 11:16

ka' mule' kasansala'an nu beleyum madi'mo nu inau' nu beleyum; susumo iyaba' anu mo'oingmo nukolilimimo nu mian.

YESAYA 65:16

Toto samian ilipu' aijo' momoita balakat, momoita da obalakati nu Tumpu anu manonong. Toto samian anu mongka'oho' basumpa', basumpa'mo i sanggo nu Tumpu anu manonong. Kalana kasansala'an anu u'utu mae imadi'mo ka' kinolilimanmo.”