YESAYA 53:3 - KITAB NU TUMPU ALLA LELE MA'IMAI'

³ O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

YESAYA 53:3 ပူးပေါင်းရင်းမြစ်များ

MAZMUR 69:29

Bakas da sanggo nu aha bolimo opotulis i uno nu kitab popontulisan mian anu tumuu'; ka' madi'mo otulis i uno nu daputan popontulisan mian anu hodi' na kinyonyoanyo.

MAZMUR 88:4

Nanjoo'mo na kasusa'an anu nontokaimo mae aku; kasilakan aiyamo mae i ahop nu sabatan.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 50:6

Ku bee'mo na tundunku hi mian anu mondokemo mae aku; ka' mule' gagisingku hi mian anu monggautmo jangkutku. Aku madi' mombilokakon ohupku, tempo'nyo aku sola'mo o'alu ka' sola'mo otupe'i

YESAYA 52:14

Naipuan mae manjoo' na mian tinolokengkengmo na montoa ia, butongnyo ingideanmo sahingga madi'mo daagi' susumo mian.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

YESAYA 53:4

Sabenannyo panyakitomo ahi' na anu tinanggungnyo, kasansalanto mo ahi' na ingoa'annyo, padahan kita monsangka kasansalannyo aijo' hukuman nu Tumpu hi hia.

MIKHA 5:1

Tumpu notatae, “O, Betlehem Efrata beleyum sala'sa'angu' na kota' anu ise' hondo i daerah Yehuda! Panyo atina' hi beleyum Ku hangkatmo na samian anu mongkuasai Israel anu pinolengkatannyo mae daagi' pe'e naipuan mae.”

ZAKHARIA 11:8

Aha totolu na topolaya' potuu'on nongka'idekimo mae aku, sahingga madi'mo kinokasabalanku. Ola sina'angu' na bitu'on aha ilaa'kumo.

MATIUS 26:67

Lantas aha nontupe'i ohup i Yesus ka' nomboboti Ia. Daagi' mule' ko anu nohapa' Ia,

MATIUS 27:63

ka' notatae, “Kita Tuan, kami tinonginau'mo tempo'nyo mian anu baleko' aijo' daagi' tumuu', Ia toho' notatae, ‘Sailapas tolunsinaa, Aku po'ule'mo tumuu'.’

MARKUS 10:33

“Hongomo”, na koo-Nyo, “kita u'uka hau-haunyo mokiijo'mo i Yerusalem. Kiijo' mae Anak nu Mian obee'mo hi to kapa-kapala nu imam ka' to gulu-gulu' agama. Ia o hukumo mate; lapas aijo' obee'mo hi to mia-mian anu misa' Yahudi.

MARKUS 10:34

Aha mompopo'ambang Ia, montupe'i Ia, monsakisa Ia, ka' nonsalib Ia. Panyo i sinaa ko totolu'nyo, Ia po'ule'mo tumuu'.”

MARKUS 14:34

“Kinyonyoang-Ku moliibos hondo,” koonyo i Yesus hi aha, “ku oa'i sumo anu mompai silakamo. Jojoongmo aiya ka' balajaga-jaga!”

MARKUS 15:19

Aha nombongkukmo ubak i Yesus nu tokon, lantas tinupe'an nu aha na Ia ka' nonsoosa' i ahop-Nyo.

MARKUS 9:12

Tinaaman i Yesus, “I Elia memang toka tongkoimoona da mompobeles anu sangga'atan. Panyo mosiamo na han tiba Anak nu Mian? Apaa na sababnyo i uno nu Kitab nu Tumpu tinulis tukoonyo Ia mongoa'i manjoo' na kasansala'an ka' nupopo ise' nu mian?

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

LUKAS 19:41

Salatan i Yesus malia'mo ohani i Yerusalem, ka' nontoa kota aijo', Ia nohangimo.

LUKAS 8:53

Aha nongkokojoi Yesus, kalana nusumbu' nu aha anak boune aijo' sinilakamo.

LUKAS 9:22

I Yesus po'ule' notatae, “Anak nu Mian memang tionyo mongoa'i sansala manjoo', ka' nu ewa nu to pola-polaya' tiba kapala nu to ima-imam, ka' gulu-gulu' agama. Ia tionyo o patei, panyo sinaa kototolu'nyo po'ule'mo opotumuu'!”

YOHANES 11:35

Lantas i Yesus i humangmo.

YOHANES 8:48

To mia-mian nu Yahudi aijo' nontaami, i Yesus, “Te misa' totu'u na potatae mami, Beleyum mian nu Samaria anu pininsoopanmo nu setan?”

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.