YESAYA 52:9 - KITAB NU TUMPU ALLA LELE MA'IMAI'

⁹ Pontaligalaimo lame-lame' o, anu singkapmo ihansun i Yerusalem, kalana Tumpu mohase'mo mian anu palesayamo hi Ia ka' mompobebasmo Yerusalem.

YESAYA 52:9 ပူးပေါင်းရင်းမြစ်များ

MAZMUR 102:22

Sahingga sanggonyo obebakonmo kiijo' i Sion, ka' Ia lewa'mo o puji' kiijo' i Yerusalem.

MAZMUR 98:4

Lewa' otaligalai na Tumpu, o belemiu songko-songko na dunia! O puji' na Tumpu nu nyanyian ka' lewa' montaligala lame-lame'.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 14:7

Ahennyo songko-songko na dunia sanangmo madi'mo ko anu mompoposia ka' toto samian lame'mo na solaa' manyanyi.

YESAYA 40:1

Sumo uuka potatae nu Tumpu nu belemiu, “Hase'mo-hase'mo na bansang-Ku!

YESAYA 43:1

O, Israel sumo uuka na koonyo nu Tumpu, “Akumo na nompotimbali ka' nontali'mo beleyum, boli mabuhuk, beleyum memang Ku posalamatmo! Aku nolagamo beleyum sinanggo na sanggo nu beleyum, beleyum Akumo na tumpu-Nyo.

YESAYA 44:22

Kasala'an nu beleyum Ku laa'mo da mamba susumo kundom, dosa' nu beleyum Kusikaimo da mamba susumo sehu'. Pinsusule'mo mae hi beleng-Ku, kalana pinobebas-Kumo na beleyum!”

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

YESAYA 48:20

Lako'mo popalai ka' bolimo jojoong i Babel, ka' bebakonmo na lele aiya toka-toka iyaya mae. Poto'imo ka' pontaligalaimo lame-lame': “Tumpu nomposalamatmo posaihon-Nyo aha Israel!

YESAYA 49:13

Panyanyimo o, langit, pontaligalaimo o, tano' o, to bungku-bungkutnyo, pontaligalaimo lame-lame'! Kalana Tumpu tokamo mae mohase mian anu palesayamo hi Ia, Ia mongkalibosimo mian anu palesayamo hi Ia, anu sinansalamo.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 51:3

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

YESAYA 61:4

Aha mombaumo to kota-kota' anu pininmo na na'idek ka' mompotinjomo tampat-tampat anu pininmo na i liing.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

MIKHA 4:10

O, mian anu jojoong i Yerusalem, uminyohatmo ka' tolo odosmo susumo boune anu kahanda'mo mongaanak! Kalana uuka aiya belemiu tionyo ahi' mompala'imo kota' ka' jojoongmo i padang. Belemiu memang ahi' mambamo i Babel, panyo ikiijo' mae Tumpu molapasakonmo belemiu da madi'mo nu pahampateakon nu mian anu monsampobali' belemiu.

GALATIA 4:27

Kalana i uno nu Kitab nu Tumpu tinulismo, “Balame'-lame'mo na beleyum boune lengke', anu madi' toho' nompohampe. Bila-bilahimo ka' lewa'mo pinsoso oya' na beleyum anu madi' toho' mongka'oa'i monganak! Kalana boune anu pinala'ianmo nu mo'anenyo, lebe mohumpak manjoo' na anak molingkudui boune anu tumuu' tiba langkai'nyo.”