YESAYA 52:3 - KITAB NU TUMPU ALLA LELE MA'IMAI'

³ Tumpu notataemo hi mian anu palesayamo hi Ia, “Belemiu pinobalukmo madi' kino pombayannyo, jadi uuka aiya belemiu pinobebasmo suele madi' kino pombayannyo.

YESAYA 52:3 ပူးပေါင်းရင်းမြစ်များ

MAZMUR 44:12

Pinojohokmo nu Belento na kami da okolotmo susumo domba ka' gina'a-ga'atmo nu Belento na kami namba hi aha to bansa-bansa.

MAZMUR 44:13

Pinobalukmo nu Belento na mian anu palesayamo, olinyo ola dengke-dengke ka' madi' ahi' nohumpak ka untungan maumo pa' apaa.

YESAYA 1:27

Tumpu adin kalana aijo' Nu posalamatmo na Yerusalem tiba miannyo anu i kiijo' anu mombabali'imo palabuatannyo.

YESAYA 45:13

Akumo na nompotuka hi Kores da obaumo na anu kinahanda'an-Kumo ka' mule' montoongimo hondo-hondo ka adilan. Ku pohatamo na jalan iwi-iwi' anu nu tului. Ia po ule'mo mombau kota'-Ku Yerusalem ka' mompobebasmo mian anu palesayamo hi beleng-Ku aijo'mo aha anu ihakop ka' binoamo madi' pinai tamboan ka' madi' pinai bayan.” Tumpu Anu Daka' na Kuasanyo notataemo.

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YESAYA 62:12

Aha osanggohimo; ‘Mian anu susi'’; ‘Mian anu pinosalamatmo nu Tumpu’. Yerusalem osanggohimo ‘Kota' anu lewa'mo sinale'an nu Tumpu’, ‘Kota' anu madi'mo daagi' nu pala'i nu Tumpu’.

YESAYA 63:4

Aku noko batanga'mo sinaanyo anu pombalosakonanmo ka' tempo'nyo pompobebasanmo mian anu palesayamo hi beleng-Ku.

YEREMIA 15:13

Tumpu notataemo mae hi belengku, “Ku saimo na sampobali' da momboamo kakaya'an tiba halata' nu mian anu palesayamo hi beleng-Ku salaku baumo pohukum dosa-dosa' anu binaumo nu aha isongko-songko na lipu'.

YEHEZKIEL 16:31

I tampat-tampat anu loas na tano'nyo i uno nu kota' ka' isohipi' nu jalan beleyum nombaumo ponsomban pilogot ka' sola' masala' itampat aijo'. Panyo beleyum misa' sumo mian sangga'at lelewa' masala' anu mompalaui doi.

YEHEZKIEL 34:27

Iwi-iwi' na kau' mimbua'mo, iwi-iwi' na ale' ko hasinnyomo ka' iwi-iwi' na mian jojoong madi'mo ko anu mompoposia itano'nyo. De lante' anu pinompungu mian anu palesayamo hi beleng-Ku, Ku botu'akonmo ka' aha Ku pobebasmo da madi'mo nu botuani nu tomia-mian anu nombotuanimo aha, nusumbu'je nu aha taalu' Akumo ahi' na Tumpu.

IMAMAT 25:54

De ia madi' opoko ala ololo'i susumo sala'sa'angu' na jalan aijo', ia ka' to ana-anaknyo tionyo ahi' opobebasmo i Taun Ponsule'akonan anu aiya mae i ahop.

1 PETRUS 1:18

Osumbu' nu belemiu apaa na anu binayanakonmo da bau pompobebas belemiu i kantumuu'an anu madi' ko angga'nyo anu pinotatu-tatusakonmo nu mompolee' miu. Pinombayannyo misa' pa' apaa anu timbali ma'idek sumo salaka kabai mosoni',