YESAYA 52:2 - KITAB NU TUMPU ALLA LELE MA'IMAI'

² Tinjomo lengkat mae atina' i abu' o Yerusalem, sapui na abu' anu natikampitmo i butong nu beleyum. Bukai na lante' anu atina' sego-segot i gogohong, nu beleyum. O, mian anu jojoong i Sion anu i hakopmo!

YESAYA 52:2 ပူးပေါင်းရင်းမြစ်များ

YESAYA 10:27

Tempo'nyo aijo' Ku pobebasmo na belemiu da bolimo lewa' nu bee'i nu aha palentah Asyur anu saja' mombee'i palentah monsakisa, ka' aha madi'mo daagi' balakuasa mompalentah belemiu.”

YESAYA 14:25

Aha mian nu Asyur anu jojoong i Israel lipu'-Ku aijo' Ku silakaimo ka' anu jojoong aita'mae ibungkutnyo anu Aku na tumpunyo, Ku pahampeja'akonmo. Aku mompobebasmo bansang-Ku da boli lewa' osakisa ka' lewa' obee'i pakalaja'an anu maboat opa-opakisakon nu aha mian Asyur hi aha.

YESAYA 29:4

Yerusalem sumomo ahi' mongkoek anu bala'usahamo mompohongo onyi'nyo lengkat mae i uno nu tano' panyo onyi'nyo madi'mo talalo kahongoan akaong lengkat mae i uno nu abu'.

YESAYA 3:26

Isabatan toto daka-daka' nu kota' mian humangmo ka' lewa'mo tumando' ka mule' kota' aijo' saidi' mae sumomo boune anu ilanggo'anmo anu suha-suhang i tano'.

YESAYA 49:21

Sahingga beleyum motataemo i uno nu kinyonyoa ‘Ihe na nompohampe anak haha aiya hi belengku? Te misa' nolapusmo ahi' na to ana-anaku, ka' madi'mo ahi' daagi' mompohampe? Aku binoamo ka' pinojoongmo kiijo' mae ka' ingalinmo, ka' pinala'ianmo me ahi' sausa'. Jadi lengkat mae iya na anak haha aiya ka' ihe na nompidaka'i aha?’ ”

YESAYA 51:14

Aha to mia-mian anu ihakopmo sampamo lia-lia' opobebas; aha madi'mo daagi' kakulangan i anu okaan, ka' madi'mo silaka ka' olamun.

YESAYA 51:23

Kasansala'an aijo' Ku bee'mo hi miana nu nonsansalamo beleyum, anu toho'mo nompalentah belemiu nale' itano', ka' nompahampeja'akonmo belemiu, sumomo lapangnyo belemiu jalan anu saja' kajalanan.”

YESAYA 60:1

Tinjomo ka' timbalimo jingka, o Yerusalem, kalana jingka kasalamatan nu beleyum tinokamo; Tumpu monjingkaimo belemiu nu Kuasa-Nyo.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YESAYA 9:4

Sapatu nu suludadu anu ginalupakanmo ka' mule' baju' nu aha anu kahomo baso' saidi' mae mingkotmo mo'angot nu apu.

YEREMIA 51:45

Kalana aijo' popalaimo bolimo jojoong kiijo' mae, o, mian nu Israel! Potumuu' na butong nu belemiu da boli nu kona nu tambuha'-Ku anu taha-tahahumo aiya.

YEREMIA 51:50

Tumpu notataemo hi aha mian nu Israel anu kiijo' mae i Babel, “Belemiu madi'mo jadi pinatean! Jadi' lako'mo uuka aiya! Bolimo daagi' montanda'i! Maunyomo ahi' belemiu majo'on lengkat ilaigan, panyo inau' mae ahi' na Aku, Tumpu Allah nu belemiu, ka' suele ahi' o'inau' na Yerusalem.

YEREMIA 51:6

Posalamatmo na belemiu! Popalaimo mae pala'i na Babel dumo belemiu suele opateimo kalana dosa' nu aha! Kalana aiyamo na tempo'nyo Aku mombalosimo palabuatan ma'idek anu binaumo nu aha Babel, ka' mohukumo ia sitimbang tiba palabuatan nu aha.

YEHEZKIEL 34:27

Iwi-iwi' na kau' mimbua'mo, iwi-iwi' na ale' ko hasinnyomo ka' iwi-iwi' na mian jojoong madi'mo ko anu mompoposia itano'nyo. De lante' anu pinompungu mian anu palesayamo hi beleng-Ku, Ku botu'akonmo ka' aha Ku pobebasmo da madi'mo nu botuani nu tomia-mian anu nombotuanimo aha, nusumbu'je nu aha taalu' Akumo ahi' na Tumpu.

ZAKHARIA 2:6

Tumpu notatae hi mian anu palesayamo hi Ia, “Aku nomposungkehetmo belemiu namba isongko-songko na tampat. Panyo uuka aiya o to mia-mian anu binoamo ka' pinojoongmo i sa'angu' na tampat pala'imo mae na Babel ka' mule' pinsusule'mo mae i Yerusalem.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

ANU PINOTO'I HI YOHANES 18:4

Lantas aku nohongo potatae sangga'at lengkat mae i suluga' nontaloakon, “Posabatmo mae, na mian-Ku anu pinalesayamo hi Beleng-Ku! Posabatmo mae lengkat i unonyo! Bolimo belemiu mombatuki to dosa-dosa'nyo, ka' manintuangmo montanggung hukumannyo!