YESAYA 51:8 - KITAB NU TUMPU ALLA LELE MA'IMAI'

⁸ Aha silakamo ka' mule' madi'mo otoa-toa, pokakanamo susumo baju' anu nu kekedimo nu ane' ka' hude bulu nu domba anu nu kekedimo nu atak. Panyo kasalamatan anu Ku bee' nu tataap ahi' sampe toka sidu-sidutu', ka' kamanangan-Ku na satataapnyo ahi' sampe molundu-lundu na tulunan.”

YESAYA 51:8 ပူးပေါင်းရင်းမြစ်များ

AYUB 13:28

Sahingga aku napukmo susumo kau' anu nahutakmo; susumo hude kinaanmo nu ane', aku nahu'mo.

AYUB 4:19

Apaa mule' aha mian anu tano' na binau aha mian asannyo abu' anu timbali opijak susumo atak.

YESAYA 14:11

Naipuan mae beleyum oholomati nu kasapi' na okuti' panyo uuka aiya jinojoongmo itampat anu liing, dunia nu mian anu sinilakamo. Sagala ias timbalimo bau koi nu beleyum ka' onjoluate' timbalimo bau pinsabut nu beleyum'.’

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YESAYA 46:13

Ku polia'mo mae na katokaan nu sinaa anu baumo pompo bebasan, kasalamatan anu Kubee' madi'mo daagi' otunda. Ku posalamatmo na Yerusalem ka' mombee'imo kaholomatan hi Israel.”

YESAYA 50:9

Memang ahi', Tumpu Anu Matangkas na Kuasanyo montinjohimo mae aku, ihe na baani mompoto'i mae aku kokasala'an? Iwi-iwi' na mian anu mompisala'i mae aku saidi' mae mingkotmo, susumo hude anu iluso'mo kinaanmo nu ane'.

YESAYA 51:6

Tonto'i mokiita' na langit ka' toa na tano'; langit madi'mo otoa-toa susumo tibuk ka' tano' luso'mo susumo baju' anu pininmo na saja' pinusok, iwi-iwi' na anu monjojoongi silakamo susumo momot. Panyo kasalamatan anu Ku bee'mo na tataap ahi' sampe toka sidu-sidutu', ka' kamanangan-Ku na madi' ahi' kokamingkotannyo.

YESAYA 54:9

“Susumo tempo'nyo i Nuh Aku binalajanji'mo saba' uee anu talalomo hondo nosawe' madi'mo daagi' po ule' moleetabi dunia, sumo aijo'mo suele na Aku balajanji' saba' Aku madi'mo daagi' ma'idek kabai kahanda' mompatei mule' belemiu.

YESAYA 66:24

De aha mambamo, aha montoamo bangke' nu to mia-mian anu notomuhukmo hi beleng-Ku. Las anu mongkaanmo bangke' nu aha madi' ahi' silaka, ka' mule' apu anu nompapuimo aha madi' ahi' mate: han aijo' de otoa memang ahi' talalomo okabuhuk nu mian iwi-iwi'.” 167

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

HOSEA 5:12

Aijo' na sababnyo sahingga Aku mohansunimo bansa nu aha Israel ka' mule' monsilakaimo aha bansa nu Yehuda.

LUKAS 1:50

Mompolee' toka mompolee' Tumpu mongkalibosi mian anu mabuhuk hi bele-Nyo.