YESAYA 51:5 - KITAB NU TUMPU ALLA LELE MA'IMAI'

⁵ Kasalamatan anu Ku bee'mo ingohanimo, tempo'nyo nu kamanangan-Ku malia'mo mae toka. Akumo ahi' na mompalentah to bansa-bansa. Lipu' anu toto jo'o-jo'on saja'mo montanda'i Aku ka' montaha'imanimo palabuatan-Ku anu daka' hondo.

YESAYA 51:5 ပူးပေါင်းရင်းမြစ်များ

MAZMUR 110:6

Ia mohukumo to bansa-bansa, sahingga bangke-bangke nu mian paha-paha bandangmo. Ia monsilakaimo aha anu singkap balakuasa, i songko-songko na dunia.

MAZMUR 67:4

O'amalakon da iwiiwi' na bansa mompuji' Belento o Tumpu, o'amalakon da iwi-iwi' na bansa monsumbu' montalima kaseh hi Belento.

MAZMUR 85:9

Aku nohongomo potatae nu Tumpu; ia nonjanji'mo ka'ima'an nu kantumuu'an hi kita, mian anu palesayamo hi Ia, asan kita bolimo po'ule' mombau dosa'.

MAZMUR 96:13

Kalana Tumpu tokamo mae mompalentah i dunia, Ia momputusimo hukuman nu to bansa-bansa, adin ka' madi' tageo'.

MAZMUR 98:9

Kalana ia toka mae da momputusimo hukuman nu dunia; iwi-iwi' na bansa oputusimo na hukuman-Nyo, ka' adin ka' madi' hondo sala'.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 24:15

ka' mian anu isasu kinsoban mompuji'mo Ia. Mian nu jojoong isonibi nu ambai mompuji'mo katalasanggoan nu Tumpu, Tumpu Israel.

YESAYA 26:4

Saja' ahi' sabole-boleh palesaya hi Tumpu, kalana Tumpu saja' monjagai mae kita.

YESAYA 33:2

O, Tumpu, kalibosiakon mae na kami. Belentomo na anu otaha'imani mami. Jagaiakon mae na kami sansina-sinaa ka' posalamatakon mae na kami de kami sakisamo.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 40:10

Soba toa, Tumpu tokamo mae tiba kakuasa'an-Nyo da mompalentahmo nu kabaanian-Nyo. Ia nu tuntuni mae nu to mia-mian anu pinobebas-Nyomo.

YESAYA 42:4

madi' bimbang kabai hentemo na kinyonyoa, sahingga ka adilan otoongimo i dunia aiya. Lipu' anu toto jo'o-jo'on mongindimo pangajalannyo.”

YESAYA 46:13

Ku polia'mo mae na katokaan nu sinaa anu baumo pompo bebasan, kasalamatan anu Kubee' madi'mo daagi' otunda. Ku posalamatmo na Yerusalem ka' mombee'imo kaholomatan hi Israel.”

YESAYA 49:1

Potombihing mae na aku, o, lipu' anu toto jo'o-jo'on opalahatikan na potataengku. Tumpu nolagamo aku ma'isa pe'e aku pinohampe, Ia nompile'imo aku daagi' pe'e i uno nu ma'alum.

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YESAYA 56:1

Tumpu notatae hi mian anu palesayamo hi Ia, “Baumo apaa na anu adin ka' anu situju hi atulan-Ku. Kalana madi'mo daagi' pin Aku tokamo mae momposalamat belemiu ka' ka'adinan-Ku oponyata'mo.

YESAYA 59:16

Ia binangangmo kalana madi'mo ko anu tinolo aiha' ka' madi'mo ko anu nonsangaja'i. Sahingga nosi alamo kuasa-Nyo na Ia da momposalamatmo ka' mombee'imo aha kamenangan.

YESAYA 60:9

Aijo'mo na to kapa-kapan anu tokamae balabu momboa mae mian anu palesayamo hi Tumpu anu ninsusule'mo mae lengkat i lipu' anu majo'on. Salaka tiba mosoni' suele binoanyo mae da bau pompuji' Tumpu nu beleyum, hi Tumpu Israel Anu Susi' hondo, anu mombau da mian-Nyo anu palesayamo hi Ia oholomati.

YESAYA 62:11

Tumpu mombee'imo potunon sumo uuka hi aha songko-songko na dunia, “Poto'i hi aha anu jojoong i Sion, ‘Toa, Tumpu anu Momposalamat tinokamo! Ia sinangaluan mae nu to mia-mian anu pinobebasnyomo.’ ”

YESAYA 63:5

Aku nolio, panyo madi' ko anu nontulungi mae, Aku binangangmo kalana madi' ko anu nombantui mae. Lantas posi kahosonan-Ku na nontulungi mae Aku tambuha'-Ku na nontulungi mae Aku.

YOËL 3:12

Tumpu poule' mule' notatae, “To bansa-bansa posadiamo ka' lako'mo i Bangka'nyo nu Pomputusian. Ikiijo' mae Aku Tumpu momputusimo to bansa-bansa anu mompaha ohani mian-Ku anu palesayamo.

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MARKUS 16:15

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

PO'ULE' INGULIT 30:14

Boli mompokilawa susumo aijo', kalana palentah aijo' ohanimo hondo hi belemiu. Sinumbu'mo nu belemiu ka' timbalimo otaloakon mau madi'mo pilenje o basa', jadi memo samata-mata mombau.

1 SAMUEL 2:10

Anu monsampobali' Tumpu opatei madi' ko anu tontuha', aha mabuhukmo; aita' mae i langit lumontupmo na gohung-Nyo, Tumpu na momputusi palakala nu dunia songko-songko, Ka' mombee'i kuasa anu talasanggo, hi tomundo' anu pinile'an-Nyomo.”