YESAYA 51:2 - KITAB NU TUMPU ALLA LELE MA'IMAI'

² Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

YESAYA 51:2 ပူးပေါင်းရင်းမြစ်များ

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

KAJADIAN 24:1

I Abraham i langkai'mo hondo, ka' i iwi-iwi' na han ia nubalakati nu Tumpu.

KAJADIAN 24:35

Tumpu talalo hondo mombalakati tuanku kiijo' ka' nompotimbalimo ia kinayamo hondo. Tumpu nombee'imo ia sampahas na domba, mee', sapi', unta, keledai, ka' mule' salaka, mosoni', tiba posaihon to momo'ane ka' to bou-boune.

YESAYA 29:22

Kalana aijo' Tumpu, Tumpu nu Israel anu nompobebasmo i Abraham uuka aiya motataemo, “O, bansang-Ku belemiu madi'mo daagi' saja' otee ka' ohup nu belemiu madi'mo daagi' me'es kalana ma'ambangmo.

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YESAYA 43:27

Mompolee' nu beleyum anu momonanyo binaladosa'mo, to pola-polaya' nu beleyum notomuhukmo mae hi beleng-Ku.

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

YESAYA 60:22

ka' mule' auan anu madi' da'isan na miannyo ka' madi' talaholomat timbalimo bansa anu manjoo' na miannyo ka' mule' mahoson. Aku Tumpu sampamo, mompojadi aijo' ka' madi' sala' na tempo'nyo.”

YESAYA 63:16

Te misa' Belentomo ahi' na Tuuma mami? I Abraham tiba i Yakub madi' Monsumbu' kami. Panyo belento o, Tumpu atina'mo ahi na Tuuma mami anu Nomposalamatmo kami daagi' pe'e naipuan mae.

YEHEZKIEL 33:24

“O manusia anu madi' tumuu' batu, aha to mia-mian anu jojoong i kota-kota' i tano' nu Israel anu singkapmo ihansun aijo'. Nontaloakonmo, ‘I Abraham na nohumpak tano' aiya' iwi-iwi' padahan ia ola sausa'nyo. Kita aiya na manjoo', jadi tano' aiya kitamo ahi' na tumpunyo.’ ”

PO'ULE' INGULIT 1:10

Tumpu Allah miu nombaumo komiu nintuang susumo mandala ilangit na konjo'nyo.

PO'ULE' INGULIT 26:5

Lapas aijo' i ahop nu Tumpu Allah nu belemiu, belemiu tionyo ahi' montaloakon sumo uuka: ‘O Tumpu, mompolee'ku mian nu Aram anu namba noyaya. Ia nomboamo auwannyo i Mesir da jojoongmo kiijo' mae salaku mian anu mompalaihakon butong. Tempo'nyo aha nokiijo' konjoo'nyo nu aha ola sangkiding, panyo aha tinimbalimo bansa anu daka' ka' mahoson.

YOSUA 24:3

Lantas ingalang-Ku na i Abraham tuuma nu mompolee' miu aijo', lengkat mae i lipu' anu i santoa nu Efrat aijo' ka' nonsai ia da mamba monsongkohi iwi-iwi' na lipu' nu Kana'an. Aku nombee'imo da nanjoo' na lee'nyo. Momonanyo anu binee'-Ku hi ia i Ishak,