YESAYA 5:8 - KITAB NU TUMPU ALLA LELE MA'IMAI'

⁸ Silakamo na belemiu anu lewa'mo nongoli ka' lewa'mo nongagoi ale' da bau pontuangi apaa na anu nu belemiu! Madi' pin mingkotmo na tampat nu aha mian sangga'at sahingga me belemiu na jojoong ilipu' aiya.

YESAYA 5:8 ပူးပေါင်းရင်းမြစ်များ

AYUB 15:28

Ia jinojoongmo i kota' anu singkapmo na'idek, i laigan anu singkapmo madi' ko anu nonjojoongi. Kota' haha aijo' tinantukanmo da sabole-bolemo timbali kota' anu nohobo-hobo'mo.

AYUB 20:21

De ia mongkaan iwi-iwi' nu ingkoti, kalana aijo' kasanangannyo madi' pinin.

AMSAL 15:27

Ihe na molio ka'untungan anu madi' halala' mompateimo posi auannyo; panyo ihe na mongka'ideki doi anu bau ponsogo' saidi' mae kantumuu'annyo sanang.

YEHEZKIEL 11:15

“O, manusia anu madi' tumuu' batu, beleyum tiba to sanga-sangalu nu beleyum anu kiijo' mae pinomboan ka' pinompojoongan aha binisalakonmo nu aha mian jojoong i Yerusalem. Koonyo nu aha, ‘To mia-mian anu binoamo ka' pinojoongmo kiijo' mae najo'onmo hondo i Yerusalem, madi'mo daagi' moko ala monsombah Tumpu. Tano' nu Israel binee'mo nu Tumpu hi kita.’

YEHEZKIEL 33:24

“O manusia anu madi' tumuu' batu, aha to mia-mian anu jojoong i kota-kota' i tano' nu Israel anu singkapmo ihansun aijo'. Nontaloakonmo, ‘I Abraham na nohumpak tano' aiya' iwi-iwi' padahan ia ola sausa'nyo. Kita aiya na manjoo', jadi tano' aiya kitamo ahi' na tumpunyo.’ ”

AMOS 1:13

Tumpu notatae, “Bansa Amon saja'mo nombau dosa' pa' pimpianmo, kalana aijo', Aku tionyo mohukumo aha. Salatan nahampate da mompo ewa da'erahnyo, aha nombeheti'imo kompong nu to bou-boune anu i hempumo kiijo' i Gilead.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

HABAKUK 2:6

Panyo iwi-iwi na anu pinatundu'nyomo aijo' saidi' mae lewa'mo monsisik han anu ma'idek ka' mule' lewa'mo mongalu. Aha motatae, “Kinutukan na beleyum kalana montambun balang anu misa' belemiu na tumpunyo! Daagi hipian na kopinnyo na beleyum mompokaya butong nu beleyum anu lewa'mo mompakisa to mia-mian anu kosamaya'nyo hi beleyum da bau pombayan samaya nu aha?”

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [