YESAYA 5:7 - KITAB NU TUMPU ALLA LELE MA'IMAI'

⁷ Kalana ale' nu anggur nu Tumpu Anu Daka na Kuasanyo aijo'mo aha mian nu Israel, ka' aha mian nu Yehuda aijo'mo na anggur anu sisinu'an-Nyomo. Aijo'mo hi aha na pontaha'imanian-Nyo ka'adilan panyo ola mule' ahi' kabuhingison. Aha na Nu taha'imani montoongi totu-totu'u anu hondo padahan ola mule' ahi ko anu aijo' hi aha na momoita ka'adilan.

YESAYA 5:7 ပူးပေါင်းရင်းမြစ်များ

KAJADIAN 4:10

Lantas Tumpu notatae, “Kadaka' beleyum nombaumo han anu ma'idek aijo'? Baso' nu utus ise' nu beleyum nolagamo mae aku hoso-hoson lengkat mae i tano', sumomo potatae anu moloboo' momoita da obalosakon.

2 SAMUEL 7:10

Ka' mule' kona hi aha mian Israel anu pinalesayamo hi belengku tinoukan-Kumo na tampat ka' Kupalentahmo na aha jojoong ikiijo' da aha tumuu' madi'mo ko anu mompoposia. Salatanmo pe'e aha tinoka u'utu mae i tano' aiya ka' Aku nohangkatmo to pola-polaya' nu aha, aha tinumbuhanmo nu to mia-mian anu toto ue-uesan panyo aijo' madi'mo po ule' jadi. Aku balajanji' saba' beleyum madi'mo ko anu monsampo bali' ka' ko anu mompoposia ka' Ku bee'imo tulunan na beleyum.

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

MAZMUR 149:4

Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

MAZMUR 80:15

O, Tumpu, Anu Matangkas na Kuasa-Nyo, po'ule'mo mae toka, toa mae lengkat atina' i suluga' ka' palahatikan mae mian anu palesayamo hi Belento.

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

AMSAL 21:13

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.

ANU MOMPOLELE POTATAE NU TUMPU 4:1

Lapas aitu pinalahatikanku mule' iwi-iwi' na anu jinadimo i dunia aiya madi adin. Batu-batu mian anu kinabisa'an i humang ka' madi' ko anu mongka'oho' montulungi aha. Madi' ko mian anu mongka'oho' montulungi, kalana anu mongkabisa'i aijo' ko kuasa anu daka' hondo.

NYANYIAN ANU TALASANGGO 7:6

Totu-totu'u tingkaion hondo na beleyum, anu osinta hondo i antala nu aha anu oka'ima'i.

YESAYA 1:21

Imonanyo kota' aijo' tulu-tulutan, uuka aiya sumomo samian na anu lewa' masala'! Imonanyo iwi-iwi' na miannyo anu monjojoongi adin ka' mohongo-hongo, panyo uuka aiya jinojoonganmo nu anu topopatei mian.

YESAYA 1:6

Lengkat pe'e i ubak toka-toka i pala nu tengke madi'mo daagi' ko anu ma'ima i butong nu beleyum. Kahomo binangkak na butong nu beleyum, kahomo ningkalubabang ka' mule' kahomo bela. Bela haha aijo' ma'isa dinagusan kabai binobodan, ma'isa mule' pinakuli'an nu lanya'.

YESAYA 27:2

Tempo'nyo aijo' Tumpu motataemo, “Panyanyimo nyanyian anu mongibalatakon ale'-Ku nu anggur anu ma'ima'an.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

YESAYA 3:15

Kadaka' belemiu nonsakisamo mian anu palesayamo hi beleng-Ku ka' lewa'mo nongakali mian anu kasiasi? Aku, Tumpu Anu Matangkas na Kuasanyo ka' mule' Anu Daka' na Kuasanyo notataemo.”

YESAYA 3:17

Panyo Ku hukumo na aha; ubak nu aha saidi' mae kahomo kumahut ka' okismo.”

YESAYA 30:12

Kalana aijo' Tumpu nu Israel anu susi' nompoto'imo sumo uuka, “Belemiu madi'mo nontalima potataeng-Ku ka' montakabunakonmo lewa monsakisa ka' mongakali.

YESAYA 46:12

Potombihing mae o, belemiu mian anu to bubulon belemiu anu monsangka au'aitu kamenangan daagi ahi' pin.

YESAYA 5:2

Nu pansun na tano'nyo ka' nu paha alini na batunyo. Sinu'annyomo na anggur anu pinile'annyomo ka' binaunyomo na laigan tangka-tangkas bau ponjagaian. Kinekenyomo sa'angu' na bolo' da pombauan tampat pompao'an nyo anggur, lantas nu tanda'imo na bua'nyo maha, panyo bua'nyo anu ola anggur anu malosing.

YESAYA 59:13

Kami madi'mo nohongo ka' pinusamo hi Tumpu, ka' madi'mo mongka'oho' mombatuki Tumpu mami. Kami lewa'mo nonsakisa mian sangga'at ka' madi'mo nombatuki atulan, pikilan mami sinala'mo ka' potatae mami binaleko'mo.

YESAYA 59:14

Hukuman anu adin madi'mo i hongo, ka' ka'adilan najo'onmo, Kahondoan madi'mo tinapalan i tampa-tampat nu mian da'isan, ka' kinyonyoa anu madi' tageo' inguna'mo i sambiha'nyo.

YESAYA 59:4

Belemiu mongkalak palakala madi' ko sababnyo apa-apaa ka' momputusi palakala madi' adin. Belemiu baleko' ka' montakabunakon anu madi' kogunanyo; belemiu ko tanga'an monsilakai mian sangga'at ka' mombau anu ma'idek.

YESAYA 62:5

Susumo samian na olitau nongosoaimo langkoyang anu ma'isa toho' no'osoa sumo aitumo na Anu Nompotimbali beleyum nongosoaimo beleyum. Susumo samian na boting mo'ane lame'mo na montoa bengkele'nyo, sumo aitumo na Tumpu sinanangmo hi beleyum.

YEREMIA 12:10

Nanjoo'mo na anu balakuasa lengkat mae isalipu'an nongideimo ale' nu anggur-Ku ka' sola'mo nompahampeja'akon ale'-Ku. Lipu'-Ku anu ma'ima' hondo binali'anmo nu aha sahingga tinimbalimo padang tampat anu mateges ka' iliingmo.

YEREMIA 24:2

Ponang anu palatamanyo ko isinyo bua' nu kau' ara anu toto ima-ima' sumo bua' nu kau' ara anu momona ingala na bua'nyo, panyo ponang anu ko ohua'nyo ko isinyo bua' nu kau' ara anu singkapmo nahutak, sahingga madi'mo timbali okaan.

YEREMIA 50:46

De maluanyo Babel opatundu'mo, ohongomo na anu hengge anu tahahumo hondo sahingga songko-songko na dunia tolokengkengmo ka' mabuhukmo; tando' nu to mia-mian anu jojoong ikiijo' kahongoanmo hi to bansa-bansa sangga'at.”

YEHEZKIEL 22:29

To mia-mian kaya lewa' mongakali ka' mompahuhuakon halata' nu mian. Aha sola' monsuka-sukai na mompalentah mian kasiasi ka' sola mongala ka untungan hi mian nu aha salipu'an.

HOSEA 10:1

Israel sumomo kau' anggur anu mahampe na bua'nyo. Mompaka panjoo' na kakaya'annyo, mompaka panjoo'mule na mezbah anu nu bau nu aha. Mompaka sanangmo na kantumuu'an nu aha ka' mompaka pa'ima' mule' na aha mombau to pato-patong nu pilogot anu nu sombah nu aha.

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

HABAKUK 1:3

Kadaka' Belento ola mompojohok aku montoa palabuatan anu ma'idek nanjo-nanjoo'mo aijo'? Te toho' mule' ola o intim nu Belento na montoa palabuatan anu susumo aijo'mo na konjoo'nyo? Iyaya mae daagi ko kahansunan ka talalo buhingison ka' pahantuda'an ka' mule' po ualian.

ZEFANYA 3:17

Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

LUKAS 18:7

Yo, te Tumpu madi' montinjohi palakala nu mian anu palesayamo hi Ia, anu momoita tulung hi Ia sinaa ka' malom? Te Ia montunda-tunda tempo' na montulungi aha?

YOHANES 15:2

To panga-panga' anu hi beleng-Ku anu madi' mimbua' nu tutu'akon-Nyo, ka' to panga-panga' anu mimbua' nuga'ai na hoon-Nyo ka' nu tetep da lebe mahampe na bua'nyo.

PO'ULE' INGULIT 15:9

Sabole-bole oposaboni na ia, ka' boli bau sabab tukooyum taun anu ponghapusanmo samaya' ohanimo. Boli obau na pikilan anu ma'idek susumo aijo' minsoop i kinyonyoa nu belemiu. De madi' mongka'oho' momposabon, mian aijo' motataemo hi Tumpu mongkalak belemiu, sahingga belemiu opoto'i sinala'mo.

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.