YESAYA 5:6 - KITAB NU TUMPU ALLA LELE MA'IMAI'

⁶ Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YESAYA 5:6 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 8:35

De mian anu pinalesayamo hi Belento ka' baladosa'mo hi Belento ka' o hukummo nu Belento na aha madi'mo montudunakon mae ujan lantas aha balatobatmo madi'mo mombau dosa' nu aha ka' mongadatimo Belento salaku Tumpu, lapas aijo' aha tokamo mae i laigan ponsomban aiya ka' balado'amo hi Belento, de timbali Belento kiita' i suluga' mompotombihingakon mae naha,

AYUB 31:40

bakasmo da misa' jelai ka' gandum na tumuu' i ale', panyo hemput anu ko hi'nyo ka' padang.” Olamo sumo uuka na tinaeakon i Ayub.

AMSAL 24:31

Anu tinoangku i kiijo' ola ahi' sosu'anon anu ko hii'nyo ka' padang.

YESAYA 24:12

Kota' nohintutumo ka' sabatannyo anu toto daka-daka' nohobo'mo ka' mule' notanatamo.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 32:10

Uuka aiya belemiu madi'mo ko anu nompoposia panyo daagi' kila-kila sataun madi'mo daagi' ko anu ohala-halap nu belemiu, kalana madi'mo daagi' ko anggur anu otipu, ka' mule' isi nu ale' sangga'at imadi'anmo.

YESAYA 49:19

Lipu' nu beleyum anu kinunmo ka' iliingmo hondo uuka aiya binunsokmo hondo hi aha to mia-mian anu kahanda' monjojoongi. Ka' aha to mia-mian anu kahanda'mo mompatei beleyum, nambamo jo'o-jo'on nompala'i beleyum.

YESAYA 55:13

Kau' lontio' mombolosakonmo kuhat kohi'nyo, bunga-bunga anu sinu'an nombolosakonmo kuhat. Aijo' jadimo da Aku talapuji'mo salaku tanda anu madi' okolilimi sidu-sidutu'.”

YEREMIA 14:1

Tumpu notataemo sumo uuka hi belengku mongkona tempo' nu posinaa anu tinahahumo hondo,

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 25:11

Songko-songko na lipu' aiya Ku pojohokmo da hansunmo ka' liingmo. Bansa-bansa anu mompaha ohani saidi' mae tulutmo hi tomundo' Babel pitumpulu' na taun na kopinnyo.

YEREMIA 45:4

O Barukh! Aku, Tumpu hau-haunyomo mohobo'akon anu pinotinjong-Kumo ka' mule' hau-haunyomo monggautakon anu sinu'an-Kumo. Songko-songko na dunia Ku baumo susumo aijo'.

MOHAANGI 2:6

Ia nohansunimo laigan-Nyo tampat posa'angu'an nu mian-Nyo anu palesayamo hi Ia monsombah Ia. Binau-Nyomo na mian da mongkolilimi sinaa nu Sabat tiba iwi-iwi' na sinaa molamean. Kalana Tumpu talalomo hondo pinusa imam tiba tomundo' madi'mo tinalima-Nyo.

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

HOSEA 9:6

De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

YOËL 1:7

Aha nompateimo anggurto ka' kau' ara-nto memo tu'onyo. To bata-batangnyo nu kilitimo nu aha, sahingga to panga-panga'nyo nopute'mo.

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

PO'ULE' INGULIT 29:23

Ale' miu iwi-iwi' madi'mo ma'omuk ka' nutumuu'imo nu padang ka' tabuhonmo nu belelang ka' timuson. Tano'nyo madi'mo timbali posu'anan ka' hemput madi'mo mongka'oho' tumuu' ikiijo'. Lipu' nu belemiu sumomo to kota-kota nu Sodom ka' Gomora, Adma ka' Zeboim anu ingideanmo nu Tumpu tempo'nyo Ia talalomo hondo notambuha'.

ANU PINOTO'I HI YOHANES 11:6

Aha daagi' ko kuasa mongkulubi langit da boli tudun mae na ujan hau-haunyo aha daagi' mombebakon lele lengkat mae hi Tumpu Allah. Aha daagi' suele ko kuasa mongkuasai iwi-iwi' mata nu uee, da mombali'i uee timbali baso'. Ka' aha daagi' mule' ko kuasa mondoke dunia nu iwi-iwi' na ngahan nu balaa', de aha kahanda'mo mombau.