YESAYA 5:5 - KITAB NU TUMPU ALLA LELE MA'IMAI'

⁵ Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YESAYA 5:5 ပူးပေါင်းရင်းမြစ်များ

KAJADIAN 11:4

Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”

KAJADIAN 11:7

Sahanyo Kita mintatau'mo ka' mompotabuntala' basa' nu aha da aha madi'mo mopaha sumbu' sisik samian ka' samian.”

NEHEMIA 2:3

Aku tinolokengkengmo, lantas tinaamankumo, “Tumuu'akon na belento Tomundo' sampe toka sidu-sidutu'! Mosia sampe aku susa' na kinyonyoangku, kalana kota' tampat pinolamunan mompolee'ku tempo' uuka aiya tampatnyo notoyo'mo ka' sabatan kiijo' anu toto daka-daka' imadi'anmo kalana pinapuanmo nu apu.”

MAZMUR 89:40

Madi'mo kupojadi na palajanjian nu Belento hi posaihon nu Belento, makota'nyo i lumbu'akonmo nu Belento i uno nu hensek.

MAZMUR 89:41

I hobo'akonmo nu Belento na pagan mesen iwi-iwi' i kota' kajojoongannyo, bentengnyo iwi-iwi' i hobo'akonmo nu Belento.

AMSAL 24:31

Anu tinoangku i kiijo' ola ahi' sosu'anon anu ko hii'nyo ka' padang.

ANU MOMPOLELE POTATAE NU TUMPU 3:3

tempo'nyo opateimo ka' tempo'nyo mompa'alin, tempo'nyo mongidei ka' tempo'nyo mombau.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 25:10

Nu jagaimo nu Tumpu na Puge'nyo nu Sion, panyo Moab opahampeja'akonmo susumo hat itampat nu duhehe.

YESAYA 28:18

Palajanjian nu belemiu tiba kapatean ka' mule' palasitujuan nu belemiu tiba dunia nu mian anu sinilakamo osampomo, sahingga de balaa' aijo' tokamo mae belemiu mohintutumo na opahampeja'akon.

YESAYA 28:3

Anu nunu takabunakon nu to pola-polaya' anu nalangu'mo aijo' saidi' mae opahampeja'akonmo.

YESAYA 32:10

Uuka aiya belemiu madi'mo ko anu nompoposia panyo daagi' kila-kila sataun madi'mo daagi' ko anu ohala-halap nu belemiu, kalana madi'mo daagi' ko anggur anu otipu, ka' mule' isi nu ale' sangga'at imadi'anmo.

YEREMIA 18:11

Tumpu notataemo mae hi belengku, “Uuka aiya, poto'imo hi mian nu Yehuda tiba hi aha mian anu jojoong i Yerusalem taalu' Aku binatanga'mo da mongewamo aha, ka' nontoukaimo hukuman anu onabu'akonmo hi aha. Palentah na aha da bolimo mombau kabiasa'an nu aha anu baladosa' aijo' lantas mombabali'imo kalakuan nu aha tiba palabuatan nu aha.

YEREMIA 21:4

da mompoto'i hi Zedekia taalu' Tumpu, Tumpu Allah Israel nompoto'imo mae sumo uuka, “Zedekia, Ku patundu'mo na suludadu nu beleyum anu hau-haunyo nahampatemo nongewa tomundo' Babel tiba suludadunyo. Sinin na toongon bau pahampate nu suludadu nu beleyum Ku tambunmo itotonga' nu kota'.

YEREMIA 28:8

To nabi-nabi ma'isa pe'e kinokitanyo polo'mo nongkila-kila tukoonyo nu aha pahampatean, balaa' kapatean, ka' mule' panyakit anu molele mongkonamo manjoo' na bansa tiba kalaja'an anu toto hoso-hoson.

YEREMIA 45:4

O Barukh! Aku, Tumpu hau-haunyomo mohobo'akon anu pinotinjong-Kumo ka' mule' hau-haunyomo monggautakon anu sinu'an-Kumo. Songko-songko na dunia Ku baumo susumo aijo'.

MOHAANGI 1:15

Nusangka nu Tumpu madi' moko ala iwi-iwi' na suludadungku anu baani hondo. Pinalentahkon-Nyo na suludadu da mian anu daagi' olitau silaka iwi-iwi. Ia nompahampeja'akonmo bansangku sampe i hansun, susumo mian mompeeti bua' nu anggur.

MOHAANGI 2:6

Ia nohansunimo laigan-Nyo tampat posa'angu'an nu mian-Nyo anu palesayamo hi Ia monsombah Ia. Binau-Nyomo na mian da mongkolilimi sinaa nu Sabat tiba iwi-iwi' na sinaa molamean. Kalana Tumpu talalomo hondo pinusa imam tiba tomundo' madi'mo tinalima-Nyo.

MOHAANGI 4:12

Hi aha to tomu-tomundo ka' mian da'isan i dunia aiya madi' ko samian pe'e na anu palesaya na to saba-sabatan daka' nu kota' Yerusalem nupoko ala ahi' nu pinsoopi nu sampobali'.

DANIEL 8:13

Lapas aijo' ihongongkumo samian na malaekat notatae hi sangga'at, “Sampe toka hipian na kopinnyo na iwi-iwi' anu tinoa aijo'saja' sabole-bole motuus? Sampe toka hipian na kopinnyo na dosa' daka' ai-aijo' mombolosimo koloban anu sansina-sinaa obau? Sampe toka hipian na kopinnyo na suludadu nu suluga' ka' laigan ponsomban Tumpu aijo' opahampeja'akon?”

HOSEA 2:12

Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

HOSEA 2:14

Tumpu notataemo, “Kalana aijo' Aku momboamo ia mamba i padang mateges; ikiijo' mae ia Ku hase'je nu potatae sindua'an.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

ANU PINOTO'I HI YOHANES 11:2

Panyo boli mombobati natannyo i sasu sambiha'nyo nu Laigan nu Tumpu aijo', kalana bahagian aijo' binee'mo hi to mia-mian anu madi' monsumbu' Tumpu. Ahamo na mompahampeja'akon kota anu susi' aijo' patompulu' ka' ohua' na bitu'on na kopinnyo.