YESAYA 5:16 - KITAB NU TUMPU ALLA LELE MA'IMAI'

¹⁶ Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

YESAYA 5:16 ပူးပေါင်းရင်းမြစ်များ

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

MAZMUR 21:13

Nu peletakonmo na pana'-Nyo, sahingga aha mombalikakonmo ka' mopalaimo.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

YESAYA 12:4

Tokaje mae na tempo'nyo belemiu motataemo, “Pontalima kaseh hi Tumpu, ka' sombahmo na Ia. Bebakonmo hi aha to bansa-bansa na katalasanggoan ka' mule' iwi-iwi' na anu binau-Nyomo.

YESAYA 2:11

Ola-olanyomo ahi Tumpu na anu opopodaka'.

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YESAYA 2:9

Toto samian o'alumo ka' opopo ambangmo. Boli mongampuni aha o Tumpu!

YESAYA 28:17

Kaadilan Ku pojadimo kahohon bau pongukuli, ka' kajujunan Ku pojadimo kahohon bau ponsupati.” Ujan batu na mombelesi'imo iwi-iwi' na kabaleko'an anu ota-otaha'imani nu belemiu. Iaba' na monganjuhakon tampat anu lewa' paninsulukan nu belemiu.

YESAYA 29:23

Kalana de belemiu montoamo to ana-anak nu belemiu anu Ku bee'mo hi belemiu, saba' o, akuije nu belemiu taalu' Akumo ahi' aiya na Tumpu nu Israel anu susi'. Oholomatije nu belemiu na Aku ka' mongkabuhukmo Aku.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 33:10

Tumpu notataemo i bansa aijo', “Uuka aiya Aku tuminjomo ka' mombaumo apaa pompotoan-Kumo kakuasa'an-Ku.

YESAYA 33:5

Tumpu talalo hondo susi'; Ia na mongkuasai iwi-iwi na apaa. Ia na montoongi totu-totu'u atulan tiba ka' adilan i Yerusalem

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

YESAYA 61:8

Tumpu notatae, “Aku mongka'ima'i ka'adilan ka' mongka'ideki anu saja' monsansala' tiba palabuatan ma'idek. Ku bee'je na pontamboi beleyum anu madi' sala-sala', ka' mojanji' tiba belemiu sampe toka sidu-sidutu'.

YESAYA 8:13

Jaga mae kalana Aku, Tumpu Anu Daka' na Kuasanyo aijo' susi'.

YEHEZKIEL 20:41

Salatan belemiu Ku boamo mosabat lengkat mae i songko-songko na lipu' itampat pipinongga'a-ga'atakonanmo belemiu, Aku po ule'mo momposihuk belemiu ka' montalimamo iwi-iwi na koloban anu opotunu nu belemiu. Sahingga songko-songko na bansa monsumbu'je taalu' Akumo ahi aiya na Tumpu Anu Susi' hondo.

YEHEZKIEL 28:22

Poto'i hi aha anu jojoong ikiijo' taalu' Aku Tumpu Anu Matangkas na Kuasanyo notataemo hi aha, ‘Aku aiya sampobali' nu belemiu, o Sidon. Aha to mia-mian mompuji'mo Aku kalana palabuatan-Ku hi beleyum. Salatan Aku mohukumo mian anu jojoong atina' hi beleyum nu sumbu'je nu aha taalu' Akumo ahi' na Tumpu anu susi'.

YEHEZKIEL 28:25

Tumpu Anu Matangkas na Kuasanyo notatae, “Ku posihukmo na to mia-mian Israel lengkat mae i iwi-iwi na lipu' anu toto jo'o-jo'on i tampat nu aha pipinongga'a-ga'atakonan-Kumo aha tiba iwi-iwi' na bansa saidi' mae monsumbu'je taalu' Aku susi'. Bansa Israel po ule' mule' jojoong i tano' nu aha, tano' anu binee'-Kumo hi posaihon-Ku i Yakub.

YEHEZKIEL 36:23

Ku potoamo na kasusi'an nu sanggong-Ku anu balakuasa aijo', sanggo anu ihumimi'anmo nu belemiu hi aha to bansa-bansa, sahingga nu sumbu'je nu aha taalu' Akumo ahi' na Tumpu. Aku, Tumpu Anu Matangkas na Kuasanyo notataemo. Ku pakemo na belemiu da momponyata' hi aha bansa-bansa taalu' Aku aiya susi'. Tumpu anu Susi' hondo.

YEHEZKIEL 38:16

Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

YEHEZKIEL 38:23

Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

NOMBILANGMO 20:13

Aijo'mo na bulakan nu uee Meriba. I tampat aijo' aha mian nu Israel lewa'mo nososon hi Tumpu ka' ikiijo' suele na Tumpu nompotoamo kuasa-Nyo anu susi' hi bansa aijo'.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

1 PETRUS 1:16

I uno nu Kitab nu Tumpu tinulismo, “Tionyo ahi' belemiu susi' kalana Aku susi'.”

1 PETRUS 2:15

Kalana Tumpu mongkahanda'i da anu toto ima-ima' na binau miu, belemiu monggintumimo nganga' nu mian anu basisik ponga'.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.

ANU PINOTO'I HI YOHANES 4:8

Opa-opat na malaikat aijo' toto sa'angu' ko polipiknyo anom, ka' i titikubnyo ka' i sasu unonyo kaho matanyo. Sinaa ka' pihi malaikat haha aijo' madi' momohokot na manyanyi, “Susi', susi' na Tumpu Anu Matangkas na kuasanyo; anu daagi', ka' anu daagi'mo, ka' anu saja' daagi' sidu-sidutu'.”