YESAYA 5:12 - KITAB NU TUMPU ALLA LELE MA'IMAI'

¹² I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.

YESAYA 5:12 ပူးပေါင်းရင်းမြစ်များ

KAJADIAN 31:27

Kadaka' beleyum nongakalimo aku ka' nambamo mae hoko-hokot, madi' mae siniloloa? De beleyum siniloloa mae, tantu sanang na kinyonyoangku nompobee' mae namba ka' i musikakon ka' i nyanyiakon ka' i hapa'an na gandang, ka' kinuti'akon kasapi!

2 SAMUEL 19:35

Umunku walumpulu'mo na taun, ka' madi'mo ko anu timbali momposanang kinyonyoangku. Madi'mo ko anu ku oa'i sanang na anu ku kaan kabai ku inum, ka' madi'mo moko ala mohongo anu manyanyi. Aku monsansalamo belento Tomundo'.

AYUB 34:27

Kalana aha madi' montuluti pongka'oho'-Nyo ka' madi' mompajuli iwi-iwi' apaa na anu pinalentahkon-Nyomo.

MAZMUR 28:5

Aha madi' mompajuli palabuatan nu Tumpu, kabai pa' apaa na anu binau-Nyomo. Sahingga ihukum-Nyomo na aha ka' nonsilakaimo aha sampe toka sidu-sidutu'.

YESAYA 22:13

Panyo lebe ma'ima' belemiu balasana-sanangmo ka' pombaumo bau-bauon, mongkaan antok nu binatang ka' mule' monginum anggur ka' lewa' motatae, “Imbo' da kita mongkaan ka' mule' lewa' monginum kalana dodop kita silakamo!”

YESAYA 24:8

Madi'mo daagi' ko anu ohongo na mian mongkuti' kasapi' anu taha-tahahumo na lame' ka' onyi' nu gandang anu taha-tahahumo na kolame'nyo. Lamean anu taha-tahahumo na kolame'nyo madi'mo daagi ko anu mombau.

YESAYA 29:1

Silakamo na kota' Yerusalem anu osa-osanggohi mezbah nu Tumpu! Silakamo na kota' tampat i Daud nombau kemah! Bakas na taun mobolo-bolos lelewa' aha mombau lamean.

YESAYA 5:19

Belemiu notatae, “Bakasmo da Tumpu anu susi' nu aha Israel mali-lia' mae mombau katantuan! Bakasmo da Nu pojadimo na anu tinanga'an-Nyomo da otoanto ka' mule' osumbu'tomo.”

YESAYA 56:12

Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”

YEHEZKIEL 26:13

Ku pobelentimo na nyanyian nu belemiu tiba kasapi' nu belemiu bolimo sola' onyanyi ka' okuti'.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

1 KORINTUS 14:7

Pakakas nu musiik anu madi' ko nyawanyo mau pe'e sangkiding susumo puloit, ka' kasapi, de onyi'nyo madi' opuuhi kabai o kuti' hoso-hoson, mosia na mian monsumbu' elok apaa na pinuuhannyo kabai kinuti'nyo?

YUDAS 1:12

Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.

1 SAMUEL 12:24

O adati na Tumpu ka' otuluti na Ia, ka' ohongo-hongo ka' okinyonyoai ahi' nu belemiu totu-totu'u. Sabole-bole o inau' na hahan anu daka' anu binaumo nu Tumpu hi belemiu.