YESAYA 48:9 - KITAB NU TUMPU ALLA LELE MA'IMAI'

⁹ Aku nongintimo tambuha'-Ku da sanggong-Ku talasanggo iyaya mae, Aku nongintimo tambuha' aijo' hi beleyum da beleyum boli osilakai.

YESAYA 48:9 ပူးပေါင်းရင်းမြစ်များ

MAZMUR 106:8

Panyo pinosalamatmo nu Tumpu na aha kalana kapentingan nu butong-Nyo, da kabaanian-Nyo oponyata'mo.

MAZMUR 143:11

Posalamatakon mae na aku susumo anu jinanji'mo nu Belento, o, Tumpu, kalana kanonongan nu Belento, pobebasakon mae na aku da madi' mongoa'i kasansala'an.

MAZMUR 25:11

O Tumpu, ampuniakon mae na aku susumo anu jinanji'mo nu Belento, kalana dinaka'mo hondo na kasala'anku.

MAZMUR 78:38

Panyo Tumpu mongkalibosi ka' mongampuni mian anu palesayamo hi Ia, ka' madi'mo nompatei aha. Saja'mo ia nongintim tambuha'-Nyo, ka' madi' ahi' mompotudun pusanyo.

MAZMUR 79:9

Tulungiakon mae na kami o, Tumpu, Anu momposalamat mae kami, ampuniakon mae na dosa' mami iwi-iwi' ka' pobebasmo mae na kami da Belento o holomati.

AMSAL 19:11

Mian anu pande timbali moko ala montahan tambuha'nyo, ia talapuji' kalana madi' mompajuli kasala'an nu mian anu mombaumo kasala'an hia.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

YESAYA 48:11

Aijo' binaung-Kumo kalana kapentingan-Ku, kalana madi' Ku pojohok na sanggong-Ku ohumimi'i; kaholomatan-Ku madi' Ku bagi maumo pa' hihe.”

YESAYA 65:8

Tumpu notatae, “Bua' nu anggur anu daagi' ko ueenyo madi' o, alin panyo opotimbalimo uee' nu anggur. Sumo aitu mule' na bansang-Ku madi' ku hopu'i iwi-iwi', kalana kiijo' hi aha daagi' ahi' ko anu tulu-tulutan hi beleng-Ku.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEHEZKIEL 20:14

Panyo aijo' madi' binaung-Ku kalana monginau' kaholomatan nu sanggong-Ku, da sanggong-Ku boli mae o'alu nu to bansa-bansa anu nontoa mae Aku nomboa mae aha Israel nosabat lengkat mae i Mesir.

YEHEZKIEL 20:22

Panyo aijo' madi' binaung-Ku kalana monginau' da sanggong-Ku boli mae o'alu nu to bansang-bansang anu nontoa mae Aku nomboa mae aha Israel nosabat lengkat mae i Mesir.

YEHEZKIEL 20:44

De belemiu Ku baumo susumo aijo' da sanggong-Ku oholomati, ka' madi' ahi' sitimbang tiba kalakuan nu belemiu mai-madi' talakana ka' mule' palabuatan ma'idek nu belemiu, atina'je ka' nu sumbu' nu belemiu mian nu Israel taalu' Akumo ahi' na Tumpu Anu Matangkas na Kuasanyo notataemo.”

YEHEZKIEL 20:9

Panyo aijo' madi' binaung-Ku da sanggong-Ku boli mae o'alu nu to bansa-bansa itampat kajojoongan nu aha. Kalana i ahop nu bansa haha aijo' Aku nombebakonmo tukoong-Ku bansa Israel Ku sabatakonmo lengkat i Mesir.

YEHEZKIEL 36:21

Aku talalo hondo monginau' sanggong-Ku anu susi' ihumimi'anmo nu aha mian Israel maumo ahi' pa' moya na aha mamba.

YOSUA 7:9

Mian nu Kana'an ka' iwi-iwi' mian sangga'at i da'erah aiya mohongomo apaa na anu jinadimo aijo'. Aha montumbuhimo mae ka' mompateimo kami iwi-iwi'! Lantas apaamo na anu obau nu belento Tumpu da kita sabole-bole ahi' o angga'i?”

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.