YESAYA 48:8 - KITAB NU TUMPU ALLA LELE MA'IMAI'

⁸ Ku sumbu' na beleyum madi' timbali opalesaya, naipuan pe'e mae na beleyum tinalasanggomo mian anu palaganta. Mokonyo aijo' madi' nu sumbu' nu beleyum, mau santaa' pe'e na potatae, madi' ko anu tinoka ibihing nu beleyum.

YESAYA 48:8 ပူးပေါင်းရင်းမြစ်များ

MAZMUR 40:6

O Tumpu nanjoo'mo hondo na anu binau nu Belento hi kami, O Tumpu, Tumpu-ngku, Belento madi' ko anu mompokakanai! Nanjoo'mo na anu tinanga'an nu Belento nonompobangangmo kami, madi'mo opoko ala osisik iwi-iwi'.

MAZMUR 51:5

Kalana ku akuimo na kasala'an-kasala'anku, dosa'ku saja'mo sola' ku inau'.

MAZMUR 58:3

I madi', belemiu ola mule' ahi' nombaumo tanga'an anu ma'idek ilipu' aiya, ka' mompakisa mian i lipu' aiya.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 33:1

Silakamo na to sampo-sampobali'to! Aha mompahuhuakon maumo aha madi' opa huhuakon, ka' mombau palabuatan ma'idek maumo madi' obau apa-apaa na anu ma'idek hi aha. Panyo salatan moko pahuhuakonmo ka' mombaumo palabuatan anu ma'idek aha mule' ahi silakamo kalana sola' mompahuhuakon ka' mombau palabuatan anu ma'idek.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

YESAYA 46:8

Soba tutugi ka' timbang ima-ima', o, to mia-mian anu palaganta!

YESAYA 47:11

Panyo beleyum nu tokaimo mae nu balaa', ilimu' ponsumbu'an nu beleyum madi' moko ala mompoluput beleyum. Beleyum saidi' mae nu tokaimo mae nu kasilaka'an, ka' madi' ahi' opoko ala opimpali nu beleyum. Balaa' aijo' monti-montiik ahi' tokamo mae ka' madi' pinoko ala sinangka-sangka nu beleyum na han aijo' pa' jadimo mae.

YESAYA 48:4

Ku sumbu' na beleyum panggaga ahi' hondo madi' hondo mohongo-hongo.

YESAYA 48:7

Uukaje aiya na Ku potimbali ka' misa' anu u'utu mae; ma'isa toho' ihongo nu beleyum na han aijo', da beleyum madi'mo daagi' moko ala motatae, tukooyum polo'mo sinumbu' nu beleyum na aijo' iwi-iwi'.

YESAYA 50:5

Tumpu mompopangalati'mo mae Aku; aku madi' motomuhuk kabai mompala'imo Ia.

YESAYA 57:4

Ihe na okokojoi nu belemiu? Ihe na anu o, alu na belemiu? Temisa' belemiumo ahi' na tulunan nu mian anu talalo baleko' ka' anu saja' mombau hengge'?

YEREMIA 3:20

Panyo susumo bengkele' anu madi' tulu-tulutan beleyum suele ahi' madi'mo tulu-tulutan hi beleng-Ku. Aku, Tumpu notataemo.”

YEREMIA 5:11

Mian nu Israel tiba Yehuda totu-totu'u nombusikimo mae Aku. Aku, Tumpu notataemo.”

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YEREMIA 6:10

Tinaamanku, “O Tumpu hihe na potataeanku, ka' ihe na anu ku pokinde'i? Aha panggaga hondo ka' madi' ka oho' mompalahatikan. Nu kokojoi nu aha ka' nu ka'ideki nu aha na potuunon nu Belento anu pinoto'ingkumo hi aha.

HOSEA 5:7

Aha madi'mo nontuluti Tumpu ka' mule' to ana-anak nu aha misa'mo to ana-anaknyo. Kalana aijo' madi'mo daagi pin na aha ohansunimo tiba iwi-iwi' na ale' nu aha.

HOSEA 6:7

Panyo susumo kiijo' i Adam, belemiu madi'mo nongganapi palajanjian nu belemiu hi beleng-Ku.

HOSEA 7:9

Madi' sinumbu' nu aha saba' kalana nosa'angu'mo tiba bansa sangga'at haha aijo' sahingga kahosonan nu aha imadi'anmo. Pupusnyo nu aha kinosisikonnyo ohanimo mingkot panyo madi' nu sumbu' nu aha.

MALEAKHI 2:11

Mian nu Yehuda nolanggaimo palajanjian nu Tumpu tiba aha ka' nombaumo hahan anu okabuhuk hondo kiijo' i Yerusalem ka' mule' isongko-songko na lipu'. Aha nohumimi'imo Laigan nu Tumpu anu nunu ka'ima'i ka' mule' no'osoamo tiba to bou-boune anu monsombah to pilo-pilogot nu bansa sangga'at.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

PO'ULE' INGULIT 31:18

Tempo'nyo aijo' Aku madi'mo mongka'oho' montulungi aha, kalana aha nonsombahmo to pilo-pilogot sangga'at ka' nombaumo anu ma'idek.