YESAYA 48:3 - KITAB NU TUMPU ALLA LELE MA'IMAI'

³ Tumpu notatae, “Potombihing mae o, Israel! Apaa na anu jinadimo naipuan mae, pininmo na sola' pinoto'ing-Ku; apa na anu pinoto'ing-Kumo monti-montiik ahi' Ku baumo ka' Ku baumo ahi' salaku han anu timbali otoa.

YESAYA 48:3 ပူးပေါင်းရင်းမြစ်များ

YESAYA 29:5

Panyo iwi-iwi' na mian anu lengkat mae isalipu'an ka' talalo buhingison aijo' saidi' mae madi'mo daagi' otoa susumo abu' kabai ota' anu nu puhimo nu mombun. Anu saintotolo ahi' tobungmo mae ka' anu madi' osangka-sangka.

YESAYA 30:13

Kalana aijo' belemiu sinala'mo. Belemiu sumomo ahi' pagan mesen tangka-tangkas anu noleetmo lengkat mae aita' toka-toka akaong i aluknyo; monti-montiik ahi' belemiu motuamo.

YESAYA 37:29

ka' ihongong-Kumo na beleyum pinusamo ka' mule' tinakabunmo atina'. Uuka aiya Ku pokaitmo na kait atina' isung nu beleyum tambang bau pontambangi nganga' nu beleyum, da beleyum Kuhela'mo osule'akonmo montulu jalan anu tinulu mae nu belemiu tempo'nyo belemiu tinoka mae aiya.”

YESAYA 37:7

Nu bauje nu Tumpu na lele anu madi' totu'u da nu palahatikan i tomundo' Asyur sahingga ia minsusule'mo iposi lipu'nyo ka' ikiijo' mae ia opateimo.”

YESAYA 41:22

Tokamo mae, ka' kila-kilamo pa'apaa na anu saidi' mae jadi, da osumbu' mami pa' mosia na ka ahenannyo. Poto'i mae na hahan anu jinadimo naipuan mae, talangkan mae na alati'nyo da opalahatikan mami.

YESAYA 41:27

Aku, Tumpu na momona nompolele hi Sion; Aku na nonsai aku nomboa lele ma'ima' hi aha Yerusalem.

YESAYA 42:9

Uuka aiya anu lewa' kinila-kilang-Ku memang jinadimo; Aku kahanda'mo mompoto'i hahan anu ma'isa toho' jinadi; ma'isa pe'e han aijo' jadi polo'mo Ku poto'i hi beleyum.”

YESAYA 43:9

Palentah da iwi-iwi' na bansa sihuk mae, ka' iwi-iwi' na tulunan nu bansa silimu' mae. Ihe na pilogot nu aha haha aijo' anu nompoto'imo apaa na anu jinadimo uuka aiya? Ihe na anu aijo' hi aha nongkila-kilamo apaa na anu jadi aiya mae i ahop? Sahanyo sakisi nu aha toka mae, da mompobukuti' taalu' aha aijo' memang totu'u, da iwi-iwi' na anu nohongomo aha motatae taalu' memang ahi' sumo aijo'!

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

YOSUA 21:45

Tumpu saja' mongganapi apaa na anu jinanji'-Nyomo hi aha mian nu Israel; madi' ko sa'angu' pe'e na anu madi' Nu ganapi.