YESAYA 48:1 - KITAB NU TUMPU ALLA LELE MA'IMAI'

¹ Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

YESAYA 48:1 ပူးပေါင်းရင်းမြစ်များ

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

KAJADIAN 35:10

Tumpu Allah notataemo hi ia, “Beleyum madi'mo osanggohi i Yakub, panyo osanggohimo i Israel.” Sumo aijo' na Tumpu Allah nonsanggohimo ia i Israel.

2 TOMU-TOMUNDO' 17:34

Sampe sinaa uuka aiya, aha daagi' monjalanakon adat kabiasa'an nu aha. Aha madi' monsombah Tumpu ka' madi' ahi' suele montuluti to atu-atulan ka' palentah-Nyo anu binee'-Nyomo hi lee' i Yakub anu sinanggohan-Nyomo Israel.

2 TOMU-TOMUNDO' 5:20

i Gehazi posaihon i Elisa, binapikinmo, “Ibeh kadaka' ia pinobee'mo namba madi' nombayan? Sabenannyo Tuan aku mongala ahi' anu pinombayan nu mian Siria aijo'. I uno nu sanggo nu Tumpu anu tumuu', tionyo ku loloi'mo na ia, da mohumpak apa-apaa mae hi ia!”

MAZMUR 63:11

Aha silakamo i uno nu pahampatean, ka' timbalimo kaanon nu binatang anu mahangas.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

MAZMUR 68:26

Aita' momona anu i lumajang to mia-mian anu manyanyi, akaong mae i mihi-mihinyo to mia-mian anu mongkuti' kasapi'; i totonga'nyo to lalangkoyang anu mohapa'i gandang; sumo uuka na nyanyian nu aha:

MAZMUR 68:27

“O, puji' na Tumpu hau-hau-Nyo mian anu palesayamo hi ia sihukmo, opuji' na Tumpu, o, belemiu iwi-iwi' na lee' i Yakub!”

NOSABATMO 23:13

O'intomakon iwi-iwi' apaa na anu tinaloakon-Kumo hi belemiu. Boli monsombah to pilo-pilogot sangga'at, monsanggo pe'e sanggonyo madi' timbali.”

AMSAL 5:16

Madi' ko gunanyo hi beleyum na molio kasanangan anu misa' bengkele' nu beleyum.

YESAYA 26:13

Kami toho'mo kinuasan nu to tuan-tuan sangga'at, panyo ola-olamo ahi' Belento na anu o, akui mami, o, Tumpu mami!

YESAYA 44:5

Samian ka' samian mongakuimo butongnyo Aku na tumpunyo, ka' tokamo mae maninggalum tiba lee' i Yakub. Toto samian montulismo ilimanyo: Anumo nu Tumpu, ka' monsanggohim butongnyo ninsoopmo mian nu Tumpu.”

YESAYA 45:23

Aku binalajanji'mo ka' janji'-Ku aijo' madi'mo mongabali'; posi Akumo ahi' na binasumpa'; Toto samian saidi' mae tolodadupumo i ahop-Ku, ka' posi basa'nyomo na ia balajanji' tulu-tulutanmo hi beleng-Ku.

YESAYA 46:12

Potombihing mae o, belemiu mian anu to bubulon belemiu anu monsangka au'aitu kamenangan daagi ahi' pin.

YESAYA 51:1

Tumpu notatae; “Potombihing mae na Aku, o, belemiu anu mongka'ima'i de oposalamat, ka' tokamo mae hi beleng-Ku momoita da otulungi. Inau' na bungkutnyo nu batu anu pinanimpa'atanmo nu belemiu, ka' pinongkekeanmo batu anu pipinongkekeanmo belemiu.

YESAYA 51:2

Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

YESAYA 58:2

Aha monsombah Aku sansina-sinaa, ka' mongka'ima'i monsumbu' kahanda'-Ku da kokoonyo aha nombaumo anu ma'ima', ka' nontulutimo atulan-Ku. Aha notatae, tukoonyo nu aha sanang hondo na aha monsombah Aku ka' mongka'ima'i atulan-Ku anu adin.”

YESAYA 62:8

Tumpu nonsumpa'mo palajanjian-Nyo ka' nu pojadimo nu kuasa-Nyo: “Aku madi'mo daagi' mombee' gandum nu beleyum hi sampobali' nu beleyum; anu kinalaja nalawe hondo nu beleyum sampe nohumpak hasinnyo.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YESAYA 65:16

Toto samian ilipu' aijo' momoita balakat, momoita da obalakati nu Tumpu anu manonong. Toto samian anu mongka'oho' basumpa', basumpa'mo i sanggo nu Tumpu anu manonong. Kalana kasansala'an anu u'utu mae imadi'mo ka' kinolilimanmo.”

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

YEREMIA 44:26

Panyo uuka aiya potombihing mae apaa na anu Ku poto'i hi belemiu, o mian nu Israel anu jinojoongmo i Mesir; Aku, Tumpu basumpa' atas sanggongKu anu talasanggo saba' belemiu madi'mo daagi' Ku pobee' mompake sanggong-Ku na mombaumo apa-apaa anu opakeakon palajanjian. Belemiu madi'mo timbali motatae, ‘Aku basumpa' atas sanggo nu Tumpu Allah anu tumuu'!’

YEREMIA 5:2

Belemiu natataemo, koonyo nu belemiu nonsombahmo Tumpu pada hal tanga'an nu belemiu na madi' ahi' sumo aijo'.

IMAMAT 19:12

Boli balajanji' ototoangakon hi sanggong-Ku de belemiu madi' ko kahanda' mongganapi janji' aijo', kalana tiba jalan anu sumo aijo' belemiu mongambangimo sanggong-Ku. Akumo na Tumpu Allah nu belemiu.

MIKHA 2:7

Boli monsangka aha mian nu Israel nu kutukimo nu Tumpu! Tumpu madi' mombau hahan anu sumo aijo'. Ia madi' toho' ka' madi' nu bau na kasabanan-Nyo. Temisa' Ia na madi' ahi' motatae ko pesa-pesa hi to mia-mian anu mombau han anu totu'u?”

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

ZAKHARIA 5:3

Lantas ia notataemo mae hi belengku, “I kitab anu ilulunmo aijo' tinulis pingkutuki iwi-iwi' na lipu' aiya. I sa'angu' na takeannyo tinulisan tukoonyo toto samian na anu mombuling osabatakonmo da bolimo jojoong i lipu' aiya. Ka' i takeannyo mule' sangga'at tinulis tukoonyo samian na anu basumpa' ihan anu madi' totu'u suele osabatakon.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

NOMBILANGMO 24:7

Aha nohumpakmo ujan nolabi-labi, anu sinu'an nohumpakmo uee manjoo'. Tomundo'nyo mompaka daka'mo na kakuasa'annyo, molingkuduimo i Agag, ka' kapalentahannyo saidi' mae opopodaka'mo.

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

YOHANES 4:24

Kalana Tumpu aijo' Roh, ka' ola kalana kuasa nu Roh nu Tumpu, to mia-mian moko ala monsombah Tuuma susumo daagi' ko Ianyo.”

ROMA 2:17

Panyo uuka posi komiu mosia to Utu-utus? Kita Utus mangaku mian nu Yahudi. Kita Utus mintoong i atulan nu agama Yahudi, ka' kita Utus mongoa'i daka' na kinyonyoa i pompahasumbu'an nu kita Utus tiba Tumpu.

ROMA 9:6

Aku madi' ko kahanda' montaloakon janji' nu Tumpu madi'mo ko kaliangannyo; panyo misa' iwi-iwi' na mian nu Israel mian anu pinile'anmo nu Tumpu.

ROMA 9:8

Aijo' poso'nyo saba' lee' i Abraham na timbali to ana-anak nu Tumpu, ola lee'nyo anu i hampeakon jina-jinanji'mo nu Tumpu; misa' iwi-iwi'mo na lee'nyo.

PO'ULE' INGULIT 10:20

O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

PO'ULE' INGULIT 33:28

Aha lee' mae i Yakub tumuu' madi' ko anu mompoposia i lipu' anu manjoo' hondo na gandum ka' anggurnyo, ka' nuhumpisi nu dondu'ok lengkat mae i langit.

PO'ULE' INGULIT 5:28

Nohongo aijo', Tumpu notataemo hi belengku, ‘I hongong-Kumo apaa na anu pinoto'imo nu bansa aijo', ka' memang totu'umo na potatae nu aha.

PO'ULE' INGULIT 6:13

O adati na Tumpu, Tumpu Allah nu belemiu, ka' ola Ia na osombah, ka' de belemiu basumpa', aijo' obau ka' ola sanggo-Nyo na sanggo.

1 TIMOTIUS 4:2

anu pinotoka nu to mia-mian anu mongakali ka' baleko'. Kinyonyoanyo nu to mia-mian haha aijo' pinikatmo.

ANU PINOTO'I HI YOHANES 2:9

Ku sumbu' na kasusa'an-kasusa'an miu; Ku sumbu' na komiu kasiasi panyo anu sahondo-hondonyo ahi' komiu kaya! Ku sumbu' na to pita-pitana' anu pompitana'i komiu nu to mia-mian anu mongakui butongnyo mian nu Yahudi, padahan misa'; aha atina'mo na mian nu Ibilis!

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.