YESAYA 45:9 - KITAB NU TUMPU ALLA LELE MA'IMAI'

⁹ Silakamo na mian anu painggaga tiba anu Nompotimbali ia; ia pokakanamo sumo kuhon tano' anu madi' tulut hi mian anu nombau ia. Pa' toho' mule' tano' ponto nompokilawa hi anu nombaumo kuhon tano', “Apaa na kalaja nu beleyum atina'?” Pa' toho' mule' kuhon tano' motusa'tukoonyo anu nombaumo ia madi' pande?

YESAYA 45:9 ပူးပေါင်းရင်းမြစ်များ

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

YEREMIA 18:6

“O mian anu palesayamo hi beleng-Ku. Te Aku madi' moko ala mombau hi belemiu susumo anu binaumo nu mian anu biasa mombau kuhon tano' aijo' itano' ponto aijo'? Susumo tano' ponto ilima nu mian anu biasa mombau kuhon tano', sumo aijo'mo suele na belemiu i uno nu limang-Ku.

YESAYA 29:16

Iwi-iwi' aijo' nubali-balikakonmo nu aha. Iya na anu lebe penting tukang anu mombau kuhon tano' kabai tano' ponto? Te toho' mule' anu binau timbali motate hi anu nombau ia, “Misa' beleyum na nombau aku”? Kabai toho' mule' na balang aijo' motatae hi ia, “Belento madi' moko ala mombau apa-apaa”?

YESAYA 10:15

Panyo pinoto'imo nu Tumpu, “Tetoho' mule' bobolo' mosi buulakonmo ia hi mian anu monggunakon ia? Pa' galagaji lebe penting nulingkudui na mian anu monggunakon ia? Misa amangkun na mohangkat mian, panyo mian ahi' na mohangkat amangkun.”

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YEREMIA 50:24

Tumpu notatae, “O, Babel, beleyum nongewamo Aku, kalana aijo' beleyum tinongkonamo iso'o anu pinokonang-Ku ponso'o beleyum panyo beleyum madi' ahi' nangalati'.

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

AYUB 9:12

De ia na mongagoi, ihe na baani montewa' Ia, kabai baani mompokilawa hi Ia, “E, apaa na Nu bau?”

AYUB 33:13

Kadaka' beleyum montuukmo Tumpu Allah tukooyum Ia madi' mompajuli apa-apaa na anu nu kasusa'akon nu manusia?

ANU MOMPOLELE POTATAE NU TUMPU 6:10

Iwi-iwi' na anu daagimo noko pipinmo dinagi. Kita monsumbu'mo saba' manusia madi' moko ala mombanta mian anu lebe balakuasa molingkudui ia.

YESAYA 45:10

Silakamo na mian anu motatae, hi tuuma tiba hi tinanyo, “Kadaka' aku pinohampemo susumo aiya na ka ada'anku?”

YEREMIA 36:29

Tumpu nompalentahmo mae aku da mamba mompoto'i hi tomundo' sumo uuka, “Beleyum nompapuimo kitab anu ilulun aijo', ka' beleyum nompokilawamo hi Yeremia kadaka' ia nontulismo taalu' itomundo' Babel tokamo mae ka' mohansunimo lipu' aiya ka' mule' mompateimo miannyo anu jojoong i aiya tiba sinin na binatangnyo.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

AYUB 10:9

Boli okolilimi saba' aku aiya tano' na binau nu Belento! Te toho' mule' aku aiya po'ule'mo nupotimbali nu Belento abu'?

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.