YESAYA 42:9 - KITAB NU TUMPU ALLA LELE MA'IMAI'

⁹ Uuka aiya anu lewa' kinila-kilang-Ku memang jinadimo; Aku kahanda'mo mompoto'i hahan anu ma'isa toho' jinadi; ma'isa pe'e han aijo' jadi polo'mo Ku poto'i hi beleyum.”

YESAYA 42:9 ပူးပေါင်းရင်းမြစ်များ

1 TOMU-TOMUNDO' 11:36

Panyo sa'angu' na tulunan nu bansa Ku bee'mo hi ia da saja' daagi' ko samian na lee' mae i Daud posaihon-Ku aijo' na mompalentah anu saja' monsombah Aku i Yerusalem kota' anu pinile'an-Kumo tampat bau ponsomban Aku.

YESAYA 43:19

Soba palahatikan, Aku mombaumo apaa na anu sala'je obau; uuka aiya tinampu'unanmo pa' ma'isa, o tinoa nu beleyum? Ku baumo na jalan i padang tampat anu mateges, ka' mule' kaunyo i padang tampat anu ewa.

YESAYA 48:3

Tumpu notatae, “Potombihing mae o, Israel! Apaa na anu jinadimo naipuan mae, pininmo na sola' pinoto'ing-Ku; apa na anu pinoto'ing-Kumo monti-montiik ahi' Ku baumo ka' Ku baumo ahi' salaku han anu timbali otoa.

YESAYA 48:5

Sahingga naipuan pe'e mae polo'mo kinila-kilang-Ku; ma'isa pe'e jinadi polo'mo kinila-kilang-Ku, da beleyum bolimo motatae, tukooyum aijo' palabuatan nu to pato-patong nu bapilogotan nu beleyum.

YESAYA 48:6

Iwi-iwi' apa na anu pinoto'ing-Kumo anu jadi aiya mae i ahop, anu iho-ihongomo nu beleyum jinadimo; beleyum tionyo ahi' mongakuimo taalu' potataeng-Ku aijo' memang ahi' totu'u. Uuka aiya Ku poto'i mule' na hahan anu ma'isa toho' jinadi, iwi-iwi na lahasia anu ma'isa sinumbu' nu beleyum.

YOHANES 13:19

Han aijo' Ku poto'i hi komiu uuka aiya da ma'isa pe'e timbali, da de han aijo' timbalimo saidi' mae, komiu palesayaje taalu' Akumo na Ia anu osa-osanggohi AKU DAAGI'.

SISIKON NU TO RASUL-RASUL 15:18

Sumo aitumo na koo-Nyo nu Tumpu, anu nompoto'imo han aijo' naipuan pe'e mae.”

YOSUA 21:45

Tumpu saja' mongganapi apaa na anu jinanji'-Nyomo hi aha mian nu Israel; madi' ko sa'angu' pe'e na anu madi' Nu ganapi.