YESAYA 41:9 - KITAB NU TUMPU ALLA LELE MA'IMAI'

⁹ Beleyum ingalang-Kumo lengkat mae i pupus nu tano' ilagang-Kumo lengkat mae itampat anu toto jo'o-jo'on. Aku notatae, ‘Belentomo na posaihon-Ku; Aku sabole-boleh ahi' montalima anu pinile'an-Kumo.’

YESAYA 41:9 ပူးပေါင်းရင်းမြစ်များ

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 94:14

Kalana Tumpu madi' hondo mompala'i mian anu palesayamo hi Ia; ia madi' ola mompojohok anu tinimbalimo pusaka'Nyo.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YESAYA 41:2

Ihe na nompotuka anu balakuasa lengkat mae i kabete'an ka' saja'mo nompo untung ia nahampate? Ihe na nontulungi ia sahingga nompatundu'mo bansa-bansa ka' mule' nohungku'imo to tomu-tomundo' tina aluk hi ia? Bajaknyo na nombau aha da nohintutu susumo abu', pana'nyo na nompotatabumo aha susumo hat pinuhakonmo nu mombun.

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 44:1

Tumpu notatae, “Potombihing mae o, Yakub posaihon-Ku, o, Israel mian anu pinile'an-Kumo!

YESAYA 45:4

Beleyum ilagang-Kumo ka' binee'an-Kumo pangkat, maumo ahi' beleyum madi' nonsumbu' Aku. Binee'an-Kumo pakalaja'an na beleyum da montulungimo Israel posaihon-Ku, kalana aha bansa anu pinile'an-Kumo.

MALEAKHI 1:2

Tumpu notatae hi mian anu palesayamo hi Ia, “Aku mongkalibosi belemiu.” Panyo tinaaman nu aha, “Mosia na Tumpu mongkalibosi kami?” Tinaaman nu Tumpu, “Temisa' i Esau utus tu'a i Yakub? Panyo i Yakub na Ku kalibosi ahi',

LUKAS 13:29

To mia-mian toka mae i sasu Kabete'an tiba Kinsoban, lengkat i Utara tiba Salatan, ka' balame-lame' i uno nu Dunia Bu'ou nu Tumpu.

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.