YESAYA 41:8 - KITAB NU TUMPU ALLA LELE MA'IMAI'

⁸ Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YESAYA 41:8 ပူးပေါင်းရင်းမြစ်များ

2 TAWARIKH 20:7

Belentomo na Tumpu Allah mami. Tempo'nyo mian anu palesayamo hi belento, bansa Israel tinokamo i lipu' aiya, i laa'mo nu Belento na to mia-mian anu tempo'nyo aitu jojoong i aiya. Lantas binee'mo nu Belento na lipu' aiya hi lee' i Abram, bela' nu Belento, da ahamo na tumpunyo sampe toka sidu-sidutu'.

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 136:21

Lipu' nu aha binee'Nyomo hi mian anu pinalesayamo hi Ia; kalibosan-Nyo sampe toka sidu-sidutu';

MAZMUR 136:22

ahamo Israel posaihon-Nyo, na tumpunyo; kalibosan-Nyo sampe toka sidu-sidutu.

MAZMUR 33:12

Mohumpak kantumuu'an ma'ima' na bansa anu mongakui Tumpu salaku Tumpunyo, mohumpak kantumuu'an ma'ima' na mian anu pinile'an-Nyomo ka' Iamo na tumpu-Nyo!

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YESAYA 29:22

Kalana aijo' Tumpu, Tumpu nu Israel anu nompobebasmo i Abraham uuka aiya motataemo, “O, bansang-Ku belemiu madi'mo daagi' saja' otee ka' ohup nu belemiu madi'mo daagi' me'es kalana ma'ambangmo.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 42:19

Ihe na anu lebe mapisok molingkudui Israel posaihon-Ku? Ihe na lebe mabongon molingkudui anu sinaing-Ku mompotoka potuunon-Ku.

YESAYA 43:1

O, Israel sumo uuka na koonyo nu Tumpu, “Akumo na nompotimbali ka' nontali'mo beleyum, boli mabuhuk, beleyum memang Ku posalamatmo! Aku nolagamo beleyum sinanggo na sanggo nu beleyum, beleyum Akumo na tumpu-Nyo.

YESAYA 43:10

O, mian anu palesayamo hi beleng-Ku, belemiumo na to sakisi-sakising-Ku, belemiu pinile'an-Kumo da baumo to posa-posaihon-Ku da monsumbu' mae Aku ka' mule' palesaya mae hi beleng-Ku, ka' mangalati'mo taalu' Akumo ahi' na Tumpu. Akumo na Tumpu Anu Sa'a-sa'angu'nyomo madi'mo daagi' ko sangga'atnyo mau ma'isa pe'e ko Akunyo kabai mau daagi'mo ko Akunyo aiya.

YESAYA 43:5

Boli mabuhuk, kalana Ku jagaimo na beleyum. Lengkat mae ikinsoban tiba lengkat mae ikabete'an. Ku palentahmo mae na mompolee' nu beleyum da tokamo mae sihuk.

YESAYA 44:21

Tumpu notatae, “O, tutugi na iwi-iwi' aiya, o, Israel, kalana beleyumo na posaihon-Ku. Aku nompotimbalimo beleyum ka' mule' beleyumo na posaihon-Ku, o, Israel, Aku madi' mongkolilimi beleyum!

YESAYA 45:4

Beleyum ilagang-Kumo ka' binee'an-Kumo pangkat, maumo ahi' beleyum madi' nonsumbu' Aku. Binee'an-Kumo pakalaja'an na beleyum da montulungimo Israel posaihon-Ku, kalana aha bansa anu pinile'an-Kumo.

YESAYA 48:12

Tumpu notatae, “Potombihing mae Israel, mian anu ilagang-Kumo, Aku na tataap ahi' Tumpu nu beleyum Akumo na anu momonanyo mae, ka' Aku mule' na anu imihinyo mae.

YESAYA 49:3

Pinoto'i-Nyo hi belengku, “Beleyumo na posaihon-Ku; Aku saidi' mae oholomati kalana beleyum.”

YESAYA 51:2

Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

YESAYA 63:16

Te misa' Belentomo ahi' na Tuuma mami? I Abraham tiba i Yakub madi' Monsumbu' kami. Panyo belento o, Tumpu atina'mo ahi na Tuuma mami anu Nomposalamatmo kami daagi' pe'e naipuan mae.

YEREMIA 33:24

“Pinalahatikanmo nu beleyum apaa na anu pinoto'imo nu mian mongkona aijo' Israel tiba Yehuda? Aha nontaloakonmo tukoonyo nu aha Aku nongalinmo ohu-ohua' na bansa aijo' anu pinile'an-Kumo. Mokonyo aijo' nu toa nu aha na mian anu palesayamo hi Belengku aijo' madi'mo kinokaliangan-Nyo, ka' madi'mo daagi' monganggap aha salaku sa'angu' na bansa.

IMAMAT 25:42

Mian nu Israel to posa-posaihon nu Tumpu; Iamo na anu nomboa mae aha nosabat lengkat mae i Mesir kalana aijo' aha madi' timbali opobaluk salaku botuan,

MALEAKHI 1:2

Tumpu notatae hi mian anu palesayamo hi Ia, “Aku mongkalibosi belemiu.” Panyo tinaaman nu aha, “Mosia na Tumpu mongkalibosi kami?” Tinaaman nu Tumpu, “Temisa' i Esau utus tu'a i Yakub? Panyo i Yakub na Ku kalibosi ahi',

MATIUS 3:9

Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

GALATIA 3:19

Desumo aitu, bau apaa na atulan nu agama anu binee'mo? Salaku bau pontaami, saba' atulan aijo' pinotuangmo da bau momponyata' manusia sinala'mo. Atulan nu agama aijo' opake ola, de ma'isa pe'e toka na samian anu lee' mae i Abraham, anu sinanggo i uno nu janji' nu Tumpu hi Abraham. Atulan nu agama aijo' pinotokakon nu to mala-malaikat nompake samian na manusia.

PO'ULE' INGULIT 10:15

Panyo kalibosan anu taha-tahahumo nu Tumpu Allah hi mompolee' miu, sahingga mau manjoo' na bansa panyo belemiu na pinile'an-Nyo, ka' sampe tempo' uuka aiya belemiu mian-Nyomo anu pinile'anmo.

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

YAKOBUS 2:23

Aijo' sosok tiba ayat nu Kitab nu Tumpu aiya, “I Abraham palesaya hi Tumpu, ka' kalana imannyo aijo', Tumpu Allah nontalima ia salaku mian anu montuluti pongka'oho' nu Tumpu Allah.” Mokonyo aijo' i Abraham osanggohi, “Bella' nu Tumpu Allah.”