YESAYA 41:5 - KITAB NU TUMPU ALLA LELE MA'IMAI'

⁵ Mian anu jojoong ilipu' anu toto jo'o-jo'on nontoamo mae apaa na anu binaung-Kumo. Aha tinolokengkengmo ka' ilakatnyomo kalana nabuhukmo, lantas sinihukmo hingga-hinggat ka' tinokamo mae.

YESAYA 41:5 ပူးပေါင်းရင်းမြစ်များ

KAJADIAN 10:5

Aha mompolee' nu to bansa-bansa anu jojoong i biwi nu ambai ka' i to togo-togong. Aijo'mo iwi-iwi' na lee' i Yafet. Batu-batu bansa ka' tulunan nu bansa jojoong i posi-posi lipu'nyo ka' ko posi basa'nyo.

MAZMUR 65:8

Pinobelentimo nu belento na buhok nu ndalangon ka' bokon anu taha-tahahumo hondo, ka' pinobelentimo nu Belento na bansa iwi-iwi' anu saja' mombau kahengge'an.

MAZMUR 65:9

Iwi-iwi' na anu jojoong i dunia aiya nabuhukmo ka' no holomatimo kalana nontoamo apa-apaa na anu binaumo nu Belento anu madi' hondo kogampanyo. Songko-songko na dunia lengkat mae i puusnyo sa'angu' toka-toka i puusnyo sa'angu', pinolame'mo nu Belento ka' lewa'mo nontaligalai.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

MAZMUR 67:7

Tano' kino hasinnyomo, Tumpu, Tumpunto nombalakatimo mae kita.

NOSABATMO 15:14

To bansa-bansa nohongomo ka' i lakatnyomo; mian nu Filistin ka' to pola-polaya' nu Edom ginago'mo. Mian nu Moab anu toto babaani i lakatnyomo, mian nu Kana'an kinulangmo na kinyonyoanyo.

YESAYA 41:1

Koonyo nu Tumpu, “Pomohokotmo ka' potombihing mae na Aku, o, to mia-mian anu jojoong ilipu' anu toto jo'o-jo'on. Balasadiamo ka' mangadapmo hi mian kopian, lajangmo ka' poto'imo na palakala nu beleyum. Imbo' da kita opalesamo hingga-hinggat. Da oputusimo pa' ihe na anu totu'u kabai pa' ihe na sala'.

YESAYA 41:6

Iwi-iwi' na mian nompaha tulu-tulungimo, ka' nompaha bebee'imo pikilan da mahoson nakinyonyoa.

YEHEZKIEL 26:18

Uuka aiya salatan beleyum pinatundu'mo mian anu jojoong itogong haha aijo' ilangkakatanmo. Tinolokengkengmo na aha iwi-iwi' nontoa beleyum ihansunmo susumo atina' anu madi' sinangka-sangka”

YOSUA 2:10

Ihongomo mami na lelenyo mosia na Tumpu nompoti'i Ambai Gelagah i ahop nu belemiu, tempo'nyo belemiu nompala'imo mae Mesir. Kami mule' nohongomo mosia na belemiu nompateimo i Sihon ka' i Og, ua'aha na tomundo nu aha bansa Amori aijo' i sasu kabete'an Kaunyo nu Yordan.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.