YESAYA 41:2 - KITAB NU TUMPU ALLA LELE MA'IMAI'

² Ihe na nompotuka anu balakuasa lengkat mae i kabete'an ka' saja'mo nompo untung ia nahampate? Ihe na nontulungi ia sahingga nompatundu'mo bansa-bansa ka' mule' nohungku'imo to tomu-tomundo' tina aluk hi ia? Bajaknyo na nombau aha da nohintutu susumo abu', pana'nyo na nompotatabumo aha susumo hat pinuhakonmo nu mombun.

YESAYA 41:2 ပူးပေါင်းရင်းမြစ်များ

KAJADIAN 11:31

I Terah nompala'i kota Ur i da'erah Babilonia hingga-hinggat tiba i Abram anaknyo, i Lot makumpunyo, ka' i Sarai moniannyo boune, aijo'mo bengkele' i Abram. Ia ko kahanda' mamba i lipu' Kanaan. Panyo salatan tinokamo i Haran aha jinojoongmo ikiijo' mae.

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

2 SAMUEL 22:43

Aku lewa'mo tinutuk sumomo abu' anu nohimpuamo ka' sinapuankumo sumomo hensek i jalan.

2 TOMU-TOMUNDO' 13:7

To sulu-suludadu nu Israel i hopu'anmo nu tomundo' Siria sahingga me 50 na suludadu i Tomundo' Yoahas anu monsake'i ajahan 10 na kereta anu bau pahampate ka' 10.000 na suludadu.

2 TAWARIKH 36:23

“Sumo uuka na palentah i Kores, tomundo nu Persia! Tumpu, Tumpu Allah anu mongkuasai suluga' nompotimbalimo aku tomundo mompalentah songko-songko na dunia, ka' nompokaumo aku da mombau laigan-Nyo i Yerusalem anu i da'erah Yehuda. Jadi, komiu iwi-iwi' anu tinimbalimo mian anu pinalesayamo hi Tumpu Allah tionyo ahi' minsusule'mo kiijo' mae! O' amalakon da Tumpu Allah nu belemiu monjagai belemiu.” 97

EZRA 1:2

“Aiya na palentah i Kores tomundo nu Persia. Tumpu, Tumpu Allah anu mongkuasai suluga' nompotimbalimo aku tomundo mompalentah songko-songko na dunia ka' nombee'imo aku kalaja mombau laigannyo i Yerusalem i da'erah Yehuda.

YESAYA 40:24

Aha aijo' sumomo ahi' sosu'anon anu ma'isa daka', anu montampu'unije tumuu' na bakatnyo. De nu puhakonmo nu Tumpu na mombun, aha manggasmo ka' nulahabakonmo nu mombun susumo hat.

YESAYA 41:25

Aku nompotukamo samian anu lengkat mae i sasu kabete'an; Ilagang-Kumo na ia da montumbuhimo mae lengkat mae sasu utara. To mia-mian anu balakuasa nu pahampeja'akonmo susumo hensek, susumo mian anu lewa' mombau kuhon tano' mompahampeja'akonmo tano' ponto.

YESAYA 41:3

Ia saja'mo nololoi' ka' namba madi' koanu labot nohalangi; tengkenyo malia' hondo mompai madi'mo tudun ijalan.

YESAYA 42:6

“Aku, Tumpu nolagamo ka' nombee'imo pakalaja'an beleyum da mompojalanmo ka adilan. Beleyum Lewa'mo Ku pangajali ka' mule' Ku potuu'mo da baumo palajanjian hi aha mian ka' mule' baumo jingka hi aha iwi-iwi' na bansa.

YESAYA 45:1

Tumpu nompile'imo i Kores binau tomundo'; ia tinantukanmo da mompatundu'mo to bansa-bansa, ka' mompota'alukmo kakuasa'an nu to tomu-tomundo'. Tumpu montuhe'akonmo tumban toto daka-daka' nu kota' da bau pinsoopannyo, madi'mo daagi' ko sa'angu' na madi' tontuhea'. Hi ia Tumpu motataemo,

YESAYA 45:13

Akumo na nompotuka hi Kores da obaumo na anu kinahanda'an-Kumo ka' mule' montoongimo hondo-hondo ka adilan. Ku pohatamo na jalan iwi-iwi' anu nu tului. Ia po ule'mo mombau kota'-Ku Yerusalem ka' mompobebasmo mian anu palesayamo hi beleng-Ku aijo'mo aha anu ihakop ka' binoamo madi' pinai tamboan ka' madi' pinai bayan.” Tumpu Anu Daka' na Kuasanyo notataemo.

YESAYA 46:11

Ku lagamo me na samian anu balakuasa lengkat mae isasu kabete'an ia toka mae pokakanamo susumo sa'angu' na tomonsi' anu baani hondo na mombaumo apaa na anu pinutusan-Kumo. Apaa na anu tinaloakon-Kumo tionyo ahi' Ku baumo, apaa na anu tinanga'an-Kumo tionyo ahi' kalajamo.

YESAYA 48:15

Akumo na anu nompoto'imo ka' mule' anu nolagamo ia, anu lewa'mo nompotiju' ia, sahingga ia ningkalianganmo.

MOHAANGI 1:15

Nusangka nu Tumpu madi' moko ala iwi-iwi' na suludadungku anu baani hondo. Pinalentahkon-Nyo na suludadu da mian anu daagi' olitau silaka iwi-iwi. Ia nompahampeja'akonmo bansangku sampe i hansun, susumo mian mompeeti bua' nu anggur.

IBRANI 7:1

I Melkisedek aiya atina'mo na tomundo anu lengkat mae i Salem ka' imam nu Tumpu Anu Talasanggo. Tempo'nyo i Abraham ninsusule'mo lengkat mae namba nahampate nompatundu' to tomu-tomundo, i Melkisedek tinokamo nompolabot ia ka' nombalakati.

ANU PINOTO'I HI YOHANES 16:12

Lapas aijo' malaikat ko anomnyo nombubusakonmo isi nu tampat aijo' i Kaunyo nu Efrat anu daka' aijo'. Jadi kaunyo aijo' noti'imo sahingga to tomu-tomundo anu lengkat mae i sasu kabete'an noko alamo i lumajang nontulu i kiijo'.

ANU PINOTO'I HI YOHANES 7:2

Lantas aku nontoa samian na malaikat sangga'at nasasuba lengkat mae i sasu Kabete'an. Ia nomboa mae segen lengkat hi Tumpu anu tumuu'. Malaikat aijo' notatae daka-daka' na nolaga opa-opat na malaikat anu nohumpakmo kuasa lengkat mae hi Tumpu, da o ideimo na katano'an ka' ambai.