Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YESAYA 41:18 - KITAB NU TUMPU ALLA LELE MA'IMAI'

18 Ku bauimo kaunyo da mo ili ito puge-puge'nyo anu madi' ko anu montumuu'i; mata nu uee lubatmo, mimbulalakmo mae itotonga' nu katano'an. Padang tampat anu mateges Ku potimbalimo talaga; uee lubatmo mae lengkat itano' anu kinunmo.

အခန်းကိုကြည့်ပါ။ ကော်ပီ




YESAYA 41:18
24 ပူးပေါင်းရင်းမြစ်များ  

Belento nompodaagi'mo bulakan da bau mata nu uee i iwi-iwi na bangka'nyo, panga'nyo nu kaunyo no'ilimo i olotnyo nu puge'nyo iwi-iwi',


Biniha'-Nyo na bungkutnyo nu batu sahingga tinolotimbimo mae na uee, anu no'ilimo susumo kaunyo i tampat padang anu mateges na tano'nyo.


Tampat padang anu mateges pinotimbali-Nyomo talaga, tano' anu motis pinotimbalimo mata nu uee.


O, Tumpu po'ule'akon mae poko'ima'i na ka'ada'an mami susumo kaunyo anu no'otimo po'ule'mo mingue de tempo'mo nu ehua.


maumo ahi' ambai motomuhukmo ka' mule' bokolonmo ka' puge'nyo iwi-iwi' gayu'anmo kalana hosonnyo nu bokon.


Susumo uee lop momposanang kinyonyoa nu mian anu negotmo, sumo aijo'mo na belemiu lame'mo kalana nu posalamatmo nu Tumpu.”


De tokamo isinaanyo benteng-benteng nu sampobali' nu belemiu otikumo ka' aha to mia-miannyo opateimo toto sa'angu' na bungkutnyo tiba puge'nyo mompolubatmo mae gimpangan-gimpangan nu kaunyo.


Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.


Tumpu mompotoamo katalasanggoan-Nyo hi kita. Kita tumuu'mo isonibi nu kaunyo anu bola, kapan nu anu monsampobali' madi' moko ala talabut kiijo'.


Padang tampat anu mateges ka' mule' tano' anu kinunmo lame'mo, bunga-bunga singkapmo timboka ipadang anu ewa natampatnyo.


Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.


Maumo ahi' Ia nompotiju'mo aha nontulu mae padang tampat anu kinunmo, aha madi' ahi' sinansala nu megot. Tumpu nombiha'mo bungkutnyo nu batu ka' nompolubatmo mae uee, lengkat mae aijo' ibatu pinolubat-Nyomo mae na uee bau kapalaluan nu aha.


Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.


Sabenannyo mian anu monsombah Aku na mongkaan ahi' padahan belemiu mo'ohop. Aha monginum, padahan belemiu megot. Aha bilahimo, padahan belemiu ma'ambangmo.


Tempo'nyo aitu iwi-iwi na bungkutnyo mobuke'mo nu ale' nu anggur. Binatang anu opotuu' mongototmo hemput i iwi-iwi na puge'nyo anu ma'omuk. Iwi-iwi na kaunyo anu kiijo' i Yehuda, madi'mo toho' mo'oti na ueenyo. Sa'angu' na kaunyo mo ili lengkat mae Laigan nu Tumpu, ka' mongueeimo Bangka'nyo nu Akasia na ueenyo anu molino hondo.


I sinaa aijo' uee anu molino hondo mo ilimo mae lengkat i Yerusalem; sambagian na ueenyo mo ili mamba i Ambai Mate ka' sambagian mule' mamba i Ambai anu i Totonga'nyo. Uee aijo' mo ili motau-taun na kopinnyo mau i tempo'nu ehua mau i tempo' nu posinaa.


Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',


kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”


Sahingga binuka'mo nu Tumpu Allah na bolo' nu batu anu i bungkutnyo kiijo' i Lehi lantas nosabatmo mae na uee. I Simson nonginumo sahingga po'ule'mo nahoson Mokonyo aitu mata nu uee aijo' sinanggohanmo mata nu uee Hakor. Mata nu uee aiya daagi' kiijo' i Lehi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ