YESAYA 41:16 - KITAB NU TUMPU ALLA LELE MA'IMAI'

¹⁶ Beleyum montapimo aha lantas aha nu lahabakonmo nu mombun ka' nu sagakonmo nu antong anu daka'. Beleyum lame'mo kalana Aku, Tumpu, ka' bilahimo kalana Aku, Tumpu nu Israel.

YESAYA 41:16 ပူးပေါင်းရင်းမြစ်များ

MAZMUR 1:4

Panyo mule' miana nu ma'idek na kinyonyoanyo: ia sumomo ota' motimpuhamo nu puhi nu mombun.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 17:13

Aha nolambanimo mae sumomo ahi' iaba' anu okabuhuk. Panyo Tumpu nompahatakutmo aha, lantas aha nopalaimo sampe najo'onmo. Aha iloloi'mo sumomo ahi' ota' i, ampinyo nu bungkutnyo anu ilahabakonmo nu tombusisi'.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 28:5

Tumpu Anu Daka' na Kuasanyo na timbalimo bunga anu kaimai hi aha mian anu palesayamo hi Ia, aijo' aha anu daagi' tinontuha'.

YESAYA 29:19

Aha to mia-mian anu kasiasi ka' anu madi' ko angga'nyo poule'mo molasai kantumuu'an anu ma'ima' anu binee'mo nu Tumpu Israel anu susi'.

YESAYA 29:5

Panyo iwi-iwi' na mian anu lengkat mae isalipu'an ka' talalo buhingison aijo' saidi' mae madi'mo daagi' otoa susumo abu' kabai ota' anu nu puhimo nu mombun. Anu saintotolo ahi' tobungmo mae ka' anu madi' osangka-sangka.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YESAYA 40:24

Aha aijo' sumomo ahi' sosu'anon anu ma'isa daka', anu montampu'unije tumuu' na bakatnyo. De nu puhakonmo nu Tumpu na mombun, aha manggasmo ka' nulahabakonmo nu mombun susumo hat.

YESAYA 51:3

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

YESAYA 60:19

Beleyum madi'mo daagi' nu timpa'i nu singgit de sinaamo ka' mule' madi'mo palalu nu jingkai nu bitu'on de pihimo. Kalana Aku Tumpu na timbalimo jingka sampe toka sidu-sidutu' hi beleyum, Aku monjingkaimo beleyum nu kaholomatan-Ku.

YESAYA 65:18

Bilahimo ka' lame'mo sampe toka sidu-sidutu' kalana apaa na anu binaung-Kumo. Aku mombaumo Yerusalem anu obauje mule' ka' saja' kokabilahian, ka' mian anu monjojoongi ola saja' lame'.

YEREMIA 15:7

Toto sa'angu' na kota ilipu' aiya, na pongalapan-Ku anu o alin susumo haat. Maumo ahi' belemiu mian anu palesayamo hi beleng-Ku panyo Ku silakaimo na belemiu tiba to ana-anak nu belemiu kalana belemiu madi'mo mongka'oho' mongabali jalan nu kantumuu'an nu belemiu.

YEREMIA 51:2

Ku pokauje na to mia-mian anu lengkat mae isalipu'an anu mohansunije Babel susumo mombun montilahabakonmo ota' nu gandum. Toka isinaanyo kato-katokaanmo mae nu balaa' aijo' aha montumbuhimo lipu' aijo' lengkat mae iyaya na tampat ka' monsapuimo sampe belesi'.

YEREMIA 51:20

Tumpu notatae, “Babel beleyum sumomo pompaan, baumo toongon-Ku de mahampatemo. Beleyum Ku pakemo bau pompaan bansa-bansa ka' kalaja'an-kalaja'an.

YEREMIA 51:33

Madi'mo daagi' pin aha opatundu'mo ka' opahampeja'akonmo nu sampobali' susumo gandum itampat pongututan gandum. Aku, Tumpu Anu Mahakuasa, Tumpu Allah Israel, no tataemo.”

DANIEL 2:35

Tempo'nyomo aitu na patong aijo' i hansun ka' tinimbalimo tambulan nu besak, tano' kun, tambaga, salaka ka' mosoni' anu i hansunmo susumo abu' i tampat pongututan gandum de masingitmo. Tambulan aijo' lewa'mo nu lahabakon nu mombun sahingga madi'mo daagi' ko anu tinontuha'. Panyo batu anu nontuda'mae patong aijo' tinimbalimo dinaka' susumo bungkutnyo ka' nompobuke'imo songko-songko na dunia.

HOSEA 11:9

Maumo ahi' Aku motambuha' panyo beleyum madi' Ku hukum, beleyum madi'mo daagi Ku hansuni. Saba' Aku Tumpu Allah misa' manusia. Aku Anu Susi' saja' monsangalui beleyum ka' madi'mo daagi montambuha'i beleyum.”

YOËL 2:23

O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

HABAKUK 3:18

aku ola ahi' saja' lame' kalana Belento Tumpu na anu momposalamat aku.

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.