YESAYA 41:10 - KITAB NU TUMPU ALLA LELE MA'IMAI'

¹⁰ Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:10 ပူးပေါင်းရင်းမြစ်များ

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 63:8

Kalana Belento na nontulungimo mae aku; i uno nu polipik nu Belento, aku nanyanyimo ka' i lame'mo.

2 TAWARIKH 20:17

Belemiu madi' palalu mahampate na mongewa aha saidi' mae. Lako'mo i tampat anu pinotiju'mo hi belemiu ka' tanda'imo i kiijo'. Otoamo nu belemiu na Tumpu mombee'imo ka'untungan mahampate hi belemiu. O mian anu jojoong i Yehuda ka' i Yerusalem, boli bata-bata kabai mabuhuk. Ahoppimo na pahampatean aijo', nutulungimo nu Tumpu na belemiu!”

MAZMUR 145:14

Tumpu montulungi mian anu i uno nu kasusa'an, Ia montinjohi mian anu madi' panggaga.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 60:19

Beleyum madi'mo daagi' nu timpa'i nu singgit de sinaamo ka' mule' madi'mo palalu nu jingkai nu bitu'on de pihimo. Kalana Aku Tumpu na timbalimo jingka sampe toka sidu-sidutu' hi beleyum, Aku monjingkaimo beleyum nu kaholomatan-Ku.

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MAZMUR 37:24

De maluanyo ia manabu' madi' ahi' belaon taha-tahahumo, kalana Tumpu na montoongi limanyo.

MAZMUR 29:11

O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

YESAYA 43:5

Boli mabuhuk, kalana Ku jagaimo na beleyum. Lengkat mae ikinsoban tiba lengkat mae ikabete'an. Ku palentahmo mae na mompolee' nu beleyum da tokamo mae sihuk.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

YESAYA 49:8

Tumpu notataemo hi mian anu palesayamo hi Ia, “De Aku situjumo, Aku montaamimo; de tokamo isinaanyo nu Aku momposalamatmo, Aku montulungimo belemiu. Belemiu Ku lindungimo ka' Kujagaimo, ka' Ku potimbalimo palajanjian hi to bansa-bansa. Po ule'mo Ku bau na lipu' anu iliingmo hondo timbalimo tano' pusaka' anu ojojoongimo.

MAZMUR 37:17

Kalana kuasa nu mian anu ma'idek na palabuatannyo nu pato'imo nu Tumpu, panyo anu ma'ima' na kinyonyoanyo na Nu jagai ahi'.

YESAYA 44:2

Akumo na Tumpu anu nompotimbalimo beleyum, anu nompojadimo beleyum salatanmo pe'e kiijo' ima'alum ka' anu nontulungimo beleyum. Boli mabuhuk, beleyumo na posaihon-Ku, mian anu pinile'an-Kumo ka' Ku kalibosi.

MAZMUR 144:11

Opimpaliakon mae na aku da madi' nukaan nu bajak nu mian anu madi' adin ka' buhingison. Posalamatakon mae na aku da madi' nukuasai nu mian anu i salipu'an anu mongka'ima'i baleko' ka' mongakali, ka' saja' basumpa' anu madi' totu'u.

MAZMUR 41:12

De maluanyo aku madi' nu pokala nu sampobali'ku, atina'je ka' kusumbu' taalu' Belento sanang ahi' mae hi belengku.

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

MAZMUR 65:5

Mohumpakmo ka'ima'an na kantumuu'an nu mian anu pinile'anmo nu Belento ka' anu ilagamo nu Belento da jojoongmo i laigan nu Belento. Kami nu osaimo nu anu toto ima-ima' iwi-iwi' i Laigan nu Belento, kajo-kajojoongan nu Belento anu susi'.

LUKAS 1:30

Lantas malaikat aijo' notatae hi belenyo, “Boli mabuhuk, Maria, kalana beleyum nusetujui nu kinyonyoa nu Tumpu.

MAZMUR 147:12

Opuji' na Tumpu o Yerusalem! Opuji' na Tumpu Allah nu beleyum o Sion!

1 TAWARIKH 12:18

Samian na anu aijo' mae hi aha, i Amasai anu lapas aijo' i hangkatmo binau kapala nu sa'angu' na gombuan nu mian anu osa-osanggohi “Tridasawira”, kinuasanmo nu Roh nu Tumpu Allah ka' notatae, “O Daud, anak i Isai! Kami monsangaja'i belento! O' amalakon da belento ka' aha anu montulungi belento momboa mae ka'untungan Tumpu Allah atina' hi beleyum!” Sahingga tinalimamo i Daud na aha ka' i hangkatnyomo na aha binaumo suludadunyo anu matangkas na pangkatnyo.

LUKAS 1:13

Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

MAZMUR 144:8

Anu mongka'ima'i baleko' ka' mongakali ka' saja' basumpa' anu madi' totu'u.

HOSEA 1:9

Tumpu notataemo hi belengku, “sanggo hi na anak nu beleyum aijo' ‘Misa' mian anu palesamo hi beleng-Ku’ saba' mian nu Israel misa'mo mian-Ku anu palesaya, ka' Aku misa'mo Tumpu nu aha.”

KAJADIAN 31:5

Lantas pinoto'imo i Yakub hi aha, “Ku toa na tuuma nu belemiu madi'mo daagi' lame' susumo biasanyo hi belengku; panyo Tumpu Allah anu nusombah nu tuumangku monjagai mae aku.

KAJADIAN 49:24

Panyo i Yusuf tatap mahoson na limanyo, tataap mahoson na pana'nyo, kalana Daka' hondo na kuasa nu Anu monjagai ia, Tumpu Allah i Yakub, na anu monjagai Israel.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

NOSABATMO 20:20

Tinaaman i Musa, “Boli mabuhuk. Tumpu Allah toka mae ola monsobai belemiu da belemiu tataap montuluti Ia, ka' madi' baladosa'.”

YESAYA 50:9

Memang ahi', Tumpu Anu Matangkas na Kuasanyo montinjohimo mae aku, ihe na baani mompoto'i mae aku kokasala'an? Iwi-iwi' na mian anu mompisala'i mae aku saidi' mae mingkotmo, susumo hude anu iluso'mo kinaanmo nu ane'.

DANIEL 6:16

Lapas mule' mian haha aijo' po ule'mo nangadap hi tomundo' ka' notatae, “O, Tuanku, tionyo ahi' o'inau' nu belento Tuanku na katantuan nu unda-undang nu Media tiba Persia, palentah anu binebakonmo nu tomundo' madi'mo ahi' timbali obabali'i.”

DANIEL 10:12

Lantas ia notataemo mae hi belengku, “O, Daniel, boli mabuhuk. Tumpu nohongomo do'a nu beleyum daagi pe'e sinaa momonanyo beleyum nonongalamo kaputusan da ta'alukmo na butong nu beleyum da timbali pande. Aku tinokamo mae salaku baumo pontaami do'a nu beleyum.

HAGAI 1:13

Lantas pinotokamo i Hagai hi mian da'isan na potuunon nu Tumpu tukoonyo, Hagai Tumpu binalajanji'mo monjagai aha.

HAGAI 2:5

Salatanmo belemiu nosabatmo mae lengkat i Mesir Aku binalajanji'mo saja' monjagai belemiu. Jadi boli belemiu bata-bata.

KAJADIAN 26:24

Pihi-pihi aijo' Tumpu nanintoamo hi ia ka' notatae, “Akumo na Tumpu Allah nu tuuma nu beleyum i Abraham. Boli mabuhuk; Ku jagaije na beleyum. Ku balakatije na beleyum ka' mombee'i beleyum lee' manjoo' kalana anu jinanji'-Kumo hi posaihon-Ku i Abraham.”

TO MIA-MIAN KOPIAN 6:16

“Moko ala mombau na beleyum!” na koonyo nu Tumpu, “kalana Akumo na montulungi beleyum. Aha mian nu Midian dengke na beleyum mompatei ola susumo beleyum mongahopi samian.”

2 SAMUEL 22:19

Aha nontumbuhimo mae aku tempo'nyo aku tinokanmo nu balaa' Panyo Tumpu nontulungimo mae aku.

MAZMUR 18:36

O Tumpu, Belento, nonjagaimo ka' nomposalamatmo mae aku, ka' nompahasangaja'imo mae aku nu kuasa nu Belento; aku na nohumpak ka'untungan nahampate kalana Belento nontulungimo mae.

MAZMUR 33:12

Mohumpak kantumuu'an ma'ima' na bansa anu mongakui Tumpu salaku Tumpunyo, mohumpak kantumuu'an ma'ima' na mian anu pinile'an-Nyomo ka' Iamo na tumpu-Nyo!

YESAYA 35:4

Poto'imo hi mian anu mongoa'i madi' ko angga'nyo, “Pohoson na kinyonyoa nu belemiu, boli mabuhuk, Tumpu nu belemiu tokamo mae kalana mohukumo sampobali', Ia tokamo mae momposalamat belemiu.”

YESAYA 37:6

i Yesaya nomoto'imo hi mian anu sinai mae haha aijo' tinoka hi ia da mompoto'i hi Hizkia, “Koonyo nu Tumpu, belento tomundo' madi' timbali mabuhuk na mohongo apaa na anu pinoto'imo nu to botu-botuan itomundo' Asyur aijo' montaloakon tukoonyo Tumpu madi' moko ala mompobebas kita.

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.